Dô‑ꞌhăn 13

Chảu ꞌGiê‑ꞌsu suối tin hảư mốt ꞌtoi ꞌtáng ꞌTan chảu

1Khỏn ꞌchí ꞌhọt khuốp ꞌchớ kin ꞌtiệc ꞌVện#cai. Chảu ꞌGiê‑ꞌsu ꞌhụ ꞌchớ chảu ꞌchí páy ꞌlá ꞌmướng ꞌlum ꞌnị ꞌcứn ꞌmứa ha Chảu Pua ꞌPhạ phủ pên ꞌPo ꞌchí ꞌmá ꞌhọt#ꞌlẹo. Chảu ꞌGiê‑ꞌsu đảy ꞌhặc mốt ꞌcốn ꞌTan chảu dú nẳng ꞌmướng#ꞌlum, ꞌkhạy ꞌcọ ꞌhặc sau sút ꞌti sút#đen. 2ꞌChớ ꞌnặn mốt sau đang kin#ꞌléng. Tô cốc phi ꞌhại đảy ꞌchuốn chaư Du‑đa ꞌI‑ꞌsa‑ca‑ꞌli‑ốt ꞌlụk ꞌchái ꞌtan ꞌSi‑ꞌmôn ꞌnặn phản Chảu ꞌGiê‑ꞌsu. 3ꞌTan chảu ꞌhụ#ꞌva, Chảu Pua ꞌPhạ phủ pên ꞌPo dao phép ꞌquiến ꞌtếng#cá hảư#chảu, ꞌTan chảu dú nẳng Chảu Pua ꞌPhạ ꞌmá ꞌlẹo ꞌchí ꞌcứn ꞌmứa ha Chảu Pua#ꞌPhạ. 4ꞌChớ ꞌnặn ꞌTan chảu tứn khửn ók sia ꞌpán#khảu, kẻ sửa phưn ꞌnọk ók pông#ꞌvạy, ꞌlẹo au khăn ꞌmá ꞌhặng#eo. 5ꞌTan chảu chắng thók ꞌnặm sáư#áng, suối tin hảư mốt ꞌtoi ꞌtáng ꞌTan#chảu, ꞌlẹo au khăn ꞌhặng eo ꞌnặn ꞌchệt#hảư. 6ꞌChớ ꞌTan chảu ꞌmá ꞌhọt ꞌSi‑ꞌmôn Pê‑tô ꞌdiến#ꞌva, “ꞌChiếng#ꞌTan, ꞌTan chảu ꞌchí suối tin hảư ꞌnọng#ꞌnệ.”

7Chảu ꞌGiê‑ꞌsu tóp ꞌva, “ꞌViạk ꞌháu đang ꞌdệt ꞌnị ꞌnọng báu#ꞌhế#ꞌhụ, lăng ꞌmá ꞌnọng hák ꞌchí#ꞌhụ.”

8Pê‑tô ꞌchiếng ꞌva, “ꞌNọng ꞌchí báu#hảư ꞌTan chảu suối tin hảư ꞌnọng cá#đaư.”

Chảu ꞌGiê‑ꞌsu tóp, “ꞌVa ꞌháu báu#suối tin#hảư, ꞌnọng ꞌcọ báu#ꞌmí ꞌphớn săng cắp#ꞌháu.”

9ꞌSi‑ꞌmôn Pê‑tô ꞌvạu, “ꞌChiếng ꞌTan#chảu, ꞌva pên ꞌsướng#ꞌnặn, báu#sút ꞌto suối tin#thôi, so ꞌTan chảu suối ꞌtếng ꞌmứ kéng hua hảư ꞌnọng#é.”

10Chảu ꞌGiê‑ꞌsu tóp ꞌva, “Sủ#ꞌsướng, phủ đaư áp ꞌlẹo báu#ꞌchọ suối#tô, suối tin ꞌcọ hák ꞌpẹk saư ꞌtếng tô#ꞌlẹo. Chaư ꞌpứng ꞌnọng ꞌcọ ꞌpẹk saư#ꞌlẹo, hák báu#ꞌmen mết ꞌchu#ꞌcốn.” 11Chảu ꞌGiê‑ꞌsu ꞌhụ ꞌlẹo ꞌmen phủ đaư ꞌchí phản ꞌTan#chảu, chắng đảy ꞌvạu#ꞌva, “ꞌPứng ꞌnọng báu#ꞌpẹk saư mết ꞌchu#ꞌcốn.”

12Chảu ꞌGiê‑ꞌsu suối tin hảư mốt ꞌcốn ꞌTan chảu ꞌlẹo chắng ꞌnung sửa phưn ꞌnọk#sáư, ꞌcứn pay ꞌnăng ꞌpán khảu ꞌlẹo bók sau#ꞌva: “ꞌViạk ꞌháu ꞌdệt ꞌnặn mai#ꞌva#săng, ꞌpứng ꞌnọng ꞌhụ#báu? 13ꞌPứng ꞌnọng khék ꞌháu pên#ꞌSáy, pên Chảu#Chom, ꞌcọ ꞌmen#ꞌlẹo, ꞌháu pên ꞌnéo ꞌnặn#ꞌtẹ. 14ꞌHáu pên#ꞌSáy, pên Chảu Chom ꞌpứng#ꞌnọng, ꞌcọ ꞌnhắng suối tin hảư ꞌpứng#ꞌnọng, ꞌsướng ꞌnặn ꞌpứng ꞌnọng ꞌcọ ꞌchọ suối tin hảư#căn. 15ꞌHáu đảy ꞌdệt ꞌnéo ꞌnặn pên ꞌngươn ꞌhói ꞌvạy hảư ꞌpứng ꞌnọng ꞌdệt#ꞌtoi. 16ꞌHáu ꞌvạu ꞌsư hảư ꞌpứng ꞌnọng#ꞌhụ, ꞌcốn ꞌhướn báu#hón nháư ꞌsứa chảu#ꞌhướn, ꞌlẹo phủ pên ꞌcốn ꞌchạư báu#hón nháư ꞌsứa phủ đảy ꞌchạư#pay. 17Ăn ꞌháu bók son hảư ꞌpứng ꞌnọng ꞌhụ#ꞌnặn, ꞌva ꞌpứng ꞌnọng ꞌdệt ꞌtoi ꞌcọ ꞌchí đảy sáng#bang.”

Chảu ꞌGiê‑ꞌsu bók ꞌva Du‑đa ꞌchí phản ꞌTan

18Chảu ꞌGiê‑ꞌsu ꞌvạu máư ꞌva: “ꞌHáu báu#ꞌvạu ꞌhọt ꞌpứng ꞌnọng mết ꞌchu#ꞌcốn. ꞌHáu ꞌhụ chắc ꞌpứng phủ ꞌháu đảy ꞌlưạk ꞌvạy#ꞌlẹo. ꞌViạk ꞌnị ꞌcọ ꞌpưa ꞌtoi ꞌpặp ꞌchiến ꞌquám Chảu Pua ꞌPhạ đảy bók#ꞌva, ‘Phủ kin khảu ꞌhuôm ꞌpán ꞌnhắng khắt khin#ꞌháu.’ 19ꞌHáu bók ꞌpứng ꞌnọng ꞌhụ cón ꞌviạk ꞌnặn ꞌchí pên#khửn, ꞌmưa đaư hên ók ꞌlẹo ꞌpứng ꞌnọng ꞌchí đảy ꞌchưa#ꞌva, ꞌháu ꞌmen phủ Chảu Pua ꞌPhạ sống ꞌmá ꞌnặn#ꞌtẹ. 20ꞌHáu ꞌvạu ꞌsư hảư ꞌpứng ꞌnọng#ꞌhụ, phủ đaư tỏn ꞌhặp phủ ꞌháu ꞌchạư#pay, ꞌcọ pên#ꞌva tỏn ꞌhặp#ꞌháu. Phủ đaư tỏn ꞌhặp#ꞌháu, ꞌcọ pên#ꞌva tỏn ꞌhặp Chảu Pua ꞌPhạ phủ sống ꞌháu#ꞌmá.”

21Chảu ꞌGiê‑ꞌsu ꞌvạu ꞌsướng ꞌnặn#ꞌlẹo, ꞌTan chảu khổ chaư#lai, ꞌvạu chẻng sáư mốt ꞌtoi ꞌtáng ꞌTan chảu#ꞌva, “ꞌHáu ꞌvạu ꞌsư hảư ꞌpứng ꞌnọng#ꞌhụ, ꞌmí phủ#ꞌnưng cuông ꞌpứng ꞌnọng ꞌnị ꞌchí phản#ꞌháu.”

22Mốt ꞌcốn ꞌtoi ꞌtáng ꞌTan chảu ꞌnặn ꞌdiến bớng nả#căn, báu#chắc ngắm ꞌnéo#đaư, ꞌpưa báu#ꞌhụ#ꞌva, ꞌTan chảu ꞌvạu sáư phủ#đaư. 23Cuông mốt ꞌtoi ꞌtáng ꞌTan chảu ꞌnặn ꞌmí phủ#ꞌnưng ꞌTan chảu#ꞌhặc, đang ꞌnăng hiếng tô sáư ꞌTan#chảu. 24ꞌSi‑ꞌmôn Pê‑tô ꞌdiến ca‑ꞌnực hua ꞌdệt mai bók hảư phủ Chảu ꞌGiê‑ꞌsu ꞌhặc ꞌnặn tham#ꞌva ꞌTan chảu ꞌvạu sáư phủ#đaư. 25Phủ ꞌTan chảu ꞌhặc ꞌnặn chắng inh sáư ꞌTan chảu ꞌlẹo tham#ꞌva, “ꞌChiếng#ꞌTan, phủ ꞌchí phản ꞌTan chảu ꞌnặn ꞌmen#phaư?”

26Chảu ꞌGiê‑ꞌsu tóp, “ꞌCắm khảu#ꞌnị, ꞌháu chẳm nhé hảư phủ đaư ꞌcọ ꞌmen phủ ꞌnặn#lo.”

Chảu ꞌGiê‑ꞌsu chẳm ꞌcắm ꞌnặn ꞌlẹo nhé hảư Du‑đa ꞌlụk ꞌchái ꞌSi‑ꞌmôn ꞌI‑ꞌsa‑ca‑ꞌli‑ốt. 27Du‑đa au ꞌcắm khảu ꞌmá#ꞌlẹo, phi ꞌSa‑tan ꞌdiến khảu ꞌtứ#ꞌmắn. Chảu ꞌGiê‑ꞌsu chắng bók ꞌmắn#ꞌva, “ꞌViạk ꞌmứng ꞌchí ꞌdệt ꞌnặn hảư ꞌdệt#ꞌvắn.”

28ꞌPứng ꞌcốn ꞌnăng ꞌpán ꞌtoi căn báu#ꞌmí phaư ꞌhụ chắc pên ꞌsướng đaư Chảu ꞌGiê‑ꞌsu chắng bók Du‑đa ꞌnéo#ꞌnặn. 29Du‑đa pên phủ pua thông#ꞌngớn, ꞌsướng ꞌnặn ꞌmí ꞌcốn ngắm#ꞌva Chảu ꞌGiê‑ꞌsu bók ꞌmắn pay ꞌsự ꞌchương ꞌvạy kin#ꞌtiệc, ꞌhứ#ꞌva au ꞌngớn pay ꞌchoi ꞌcốn ꞌcặt khó#ꞌló. 30Du‑đa nhẳn au ꞌcắm khảu ꞌnặn ꞌlẹo ꞌmắn ꞌcọ ók pay#ngay, ꞌchớ ꞌnặn ꞌmen ꞌtếng#ꞌcứn.

Chảu ꞌGiê‑ꞌsu sắng mốt ꞌcốn ꞌtoi ꞌtáng ꞌTan chảu

31ꞌMưa Du‑đa ók pay#ꞌlẹo, Chảu ꞌGiê‑ꞌsu chắng sắng mốt ꞌtoi ꞌtáng ꞌTan#ꞌva: “ꞌKhạy ꞌhọt ꞌchớ ꞌháu pên ꞌlụk phủ ꞌcốn ꞌnị đảy ꞌhung#ꞌhướng, Chảu Pua ꞌPhạ ꞌcọ đảy ꞌhung ꞌhướng nẳng#ꞌháu. 32Chảu Pua ꞌPhạ đảy ꞌhung ꞌhướng nẳng#ꞌháu, ꞌsướng ꞌnặn ꞌTan chảu chắng ꞌchí hảư ꞌháu đảy ꞌhung ꞌhướng nẳng#ꞌTan, ꞌTan chảu ꞌcọ ꞌchí ꞌdệt ꞌnéo ꞌnặn#ngay.

33ꞌPứng ꞌnọng ꞌhặc sương, ꞌháu ꞌnhắng ꞌchí dú nẳng ꞌpứng ꞌnọng ꞌnọi#ꞌnưng máư#thôi. ꞌKhạy ꞌháu bók ꞌpứng#ꞌnọng, ꞌpứng ꞌnọng ꞌchí sáo ha#ꞌháu, bón ꞌháu ꞌchí ꞌmứa ꞌnặn ꞌpứng ꞌnọng ꞌmứa báu#đảy, ꞌsướng ꞌháu đảy bók ꞌpứng phủ cốc ꞌcốn#ꞌDiu.

34ꞌHáu au ꞌquám sắng máư ꞌmá bók ꞌpứng#ꞌnọng, hảư ꞌhặc#căn, ꞌháu ꞌhặc ꞌpứng ꞌnọng ꞌnéo#đaư, hảư ꞌpứng ꞌnọng ꞌhặc căn ꞌnéo#ꞌnặn. 35ꞌVa ꞌpứng ꞌnọng ꞌhặc#căn, ꞌcốn ꞌtếng lai ꞌchí ꞌhụ chắc ꞌpứng ꞌnọng ꞌmen ꞌcốn ꞌtoi ꞌtáng#ꞌháu.”

36ꞌSi‑ꞌmôn Pê‑tô tham Chảu ꞌGiê‑ꞌsu, “ꞌChiếng#ꞌTan, ꞌTan chảu ꞌchí pay cá#đaư?”

Chảu ꞌGiê‑ꞌsu tóp ꞌva, “Bón ꞌháu ꞌchí ꞌmứa#ꞌnặn, ꞌkhạy ꞌnọng báu#ꞌhế ꞌmứa ꞌtoi#đảy, lăng ꞌmá chắng ꞌchí ꞌmứa ꞌtoi#đảy.”

37Pê‑tô tham máư ꞌva, “ꞌChiếng ꞌTan, pên săng ꞌnọng chắng ꞌtoi ꞌTan chảu ꞌmứa ꞌkhạy báu#đảy? ꞌNọng ꞌchí ꞌchịu ꞌváng sia ꞌchua ꞌpưa ꞌTan#chảu.”

38Chảu ꞌGiê‑ꞌsu tóp#ꞌva, “ꞌNọng ꞌchí ꞌchịu ꞌváng sia ꞌchua ꞌpưa ꞌháu ꞌtẹ#a? ꞌHáu ꞌvạu ꞌsư hảư ꞌnọng#ꞌhụ, cón ꞌchớ cáy#khăn, ꞌnọng ꞌchí thiêng sia ꞌháu ꞌhọt sam#ꞌtưa.”

Currently Selected:

Dô‑ꞌhăn 13: bltTDM

Highlight

Copy