Lẹvitikọsị 3

Dein Agba Mịẹ Ḅara

1KỊNỊNYANAḄỌ ḅe nwẹnị pịkị ḅẹẹ, “Tomḅọ mịẹarị agba mẹ nwẹnị ḅụụ-dein-nyana agba tẹ mḅọ opu anama ogbo-ḅio gbọrụ owi, anịanịa gbọrụ ịyọrọ nama kẹ agba mẹ mịẹarị ḅẹḅẹ, ḅẹkụ ḅụụ ḅụ ofori nama mie mḅọ ọkị-ḅo KỊNỊNYANAḄỌ ḅe tọrọkọ agba mẹ mịẹ ḅarị ye. 2Mḅọ amịna ḅara kẹ mḅọ agbamịẹ nama ḅe sịḅị ọgọnọ gbana ḅa, tẹ Kobiri Akpụrụ-warị mẹ ḅọkọ ḅụ nama ḅẹ ḅaa ḅa, tẹ Erọnị owiapụ-awọmẹ, agbamịẹapụ ma ọmbie mẹ kẹ agbamịẹ-anga mẹ ḅụụ sara ikelema-koro ḅa. 3Anịsakị ḅụụ-dein-nyana mịẹ agba mẹ ḅụ, fịnị ḅụ mịẹ KỊNỊNYANAḄỌ ḅe pịrịarị agba ḅara ḅụ, furo ḅio ịla ma gbaịn tẹ pịkị arị ọgọnọ simearị ḅẹlẹkị ma na, 4maa san-akpa ma tẹ ḅiri mẹ ḅụ simearị aị ma na arịḅẹ ḅẹlẹkị tẹ arị ḅụ sime aị ma na, pụmbụra mẹ ḅụ sụa-paka-ḅo wararị aị ma na sin ḅa. 5Anịtẹso Erọnị owiapụ-awọmẹ ma arị kẹ agbamịẹye mẹ tẹ agbamịẹ-anga mẹ ọgọnọ ḅụ fịnị mẹ ọgọnọ simearị ye mẹ na sụa dọkịma ḅa. Anie mẹ anie fịnị ḅụ mịẹarị agba, KỊNỊNYANAḄỌ ḅe ḅụụ-ḅẹlẹarị kụnụ.”

6“Mḅọ kẹ ḅụụ-dein-nyana mịẹ KỊNỊNYANAḄỌ ḅe pịrị ḅẹ agba mẹ nwẹnị anana-ogbo, anịanịa, oḅori ogbo ḅio paka-ḅo nama anịanịa ejimina, ekpe-oḅori, anịanịa ịyọrọ-oḅori ḅẹḅẹ, ḅẹkụ ọ̀ ḅụụ ḅụ paka ma. 7Mḅọ nwẹnị anana kẹ amịna agba mẹ mịẹarị ḅẹḅẹ, mḅọ anị kẹ ḅo KỊNỊNYANAḄỌ ḅe tọrọkọ agba mẹ mịẹ. 8Mḅọ ḅara kẹ agbamịẹye mẹ sịḅị ọgọnọ gbana tẹ Kobiri Akpụrụ-warị mẹ tọrọkọ ḅụ anị ḅaa ḅa; tẹ Erọnị owiapụ-awọmẹ ma anị ḅẹ ọmbie mẹ kẹ agbamịẹ-anga mẹ oju sara ikelema-koro ḅa. 9Anịtẹso ḅụụ-dein-nyana agba mẹ ḅụ, fịnị ḅụ mịẹ KỊNỊNYANAḄỌ ḅe pịrịarị agba ḅara ḅụ, anị ḅe ḅẹlẹkị mẹ, oḅukulo ḅẹ mgbe mẹ kpeki ḅụ keni ọkị etemi mẹ ḅụ sụa na bebe ḅẹlẹkị mamgba na, pịkị ḅẹlẹkị ma tẹ furo ḅio ịla mẹ gbaịn aị ma, 10maa san akpa ma na arịḅẹ ḅẹlẹkị tẹ ḅiri mẹ ḅụ simearị aị ma kẹ sụa na; pịkị pụmbụra mẹ ḅụ sụa-paka-ḅo wararị ye mẹ tẹ ọ̀ kẹ san-akpa ma ḅụ sụa keni pakama-ḅo ḅarịye na. 11Anịsakị agbamịẹḅọ ḅe fịnị ḅụ fịye agba mịẹ KỊNỊNYANAḄỌ ḅe pịrị ḅara kẹ agbamịẹ-anga mẹ ọgọnọ anị dọkịma ḅa.”

12“Mḅọ agbamịẹye mẹ nwẹnị oḅori ḅẹḅẹ mḅọ anị mịẹ ḅa KỊNỊNYANAḄỌ ḅe tọrọkọ ḅụ. 13Mḅọ amịna ḅara kẹ ọ̀ sịḅị ọgọnọ gbana, tẹ Kobiri Akpụrụ-warị mẹ tọrọkọ ḅụ ọ̀ ḅaa ḅa; tẹ Erọnị owiapụ-awọmẹ ma anị ḅẹ ọmbie mẹ kẹ agbamịẹ-anga mẹ oju sara ikelema-koro ḅa. 14Anịtẹso mḅọ agba mẹ fịnị ḅụ mịẹ KỊNỊNYANAḄỌ ḅe pịrịarị agba ḅara ḅụ, ori anị ḅụ ịla ma gbaịn wararị ḅẹlẹkị mẹ na, ḅẹlẹkị mamgba tẹ ịla mẹ ọgọnọ simearị aị ma na, 15maa san-akpa ma na ḅẹlẹkị tẹ arị ọgọnọ emi aị ma na ḅiri mẹ ḅụ na, pịkị pụmbụra mẹ ḅụ sụa-paka wararị ye mẹ tẹ ọ̀ kẹ san-akpa ma na sụa keni-siin ḅarịye mẹ na kẹ agba mẹ mịẹ ḅa. 16Anịsakị agbamịẹḅọ ḅe nwẹnị agbamịẹ-anga mẹ ọgọnọ fịnị ḅụ mịẹ fịye agba mịẹ ḅara kẹ ḅụụ-ḅẹlẹma kụnụ gotẹ arị dọkịma ḅa. Ḅẹlẹkị mẹmgba KỊNỊNYANAḄỌ ḅe nye. 17Miemẹ anị mịẹ-mịẹye sọ mu ḅẹẹ-sakị ḅẹẹ-sakị la ọmịna aḅụụ ḅụọ-fa-ḅụọ-paka pịrị ḅa, ọmịnị angarị anga mamgba ḅụ mịnẹ: ọ́ ḅẹlẹkị taḅa ma, ọmịnị ọmbie ḅuu anịanịa pẹị ma.”

Currently Selected:

Lẹvitikọsị 3: KBTP

Highlight

Copy