Paka-so Suku-saakị Ẹkwẹn
Suku-saakị Ẹkwẹn
Mị maaịn karama ẹrẹ mẹ fiearị ye anie “Paka-so”, anịsakị anị Izirẹlịapụ ma ḅụụ ḅụ paka aị ma ḅẹ ḅiri ḅẹ mgbe sọm, aniemẹ mie mị ḍiri mẹ ḍuko finjiarị ye — Izirẹlịapụ ma Ijiputi ḅụ ini omoni sọ sime anga mẹ ḅụ paka-so ye mẹ. Ḍiri mẹ tẹra opu apakịrị nyana wararị: 1. Hiburu ḅẹ apụ ma omoni ḅara-ḅio sịḅị nyana tẹ mẹnjị paka-so ḅara. 2. Ịn Sayịnayị Tụndụ mu ḅara. 3. Tamụnọ Sayịnayị ḅụ ori atomi na fị ọḅọkụ mẹ, aniemẹ tẹ karakara ḅara kẹ ama anga-anga ḅara na, ama ḅẹ oloko na, Tamụnọ tẹkẹ ḅara ḅẹ oloko na kẹ ịn pịrị tẹ ịn kẹ anga ye. 4. Izirẹlịapụ ma sunsin Tamụnọ pịrị ḅẹ yọ nama tẹ anị ḅirima ḅẹ ḅara na, agbamịẹapụ ma na, sunsin Tamụnọ pịrị ḅara na gboloma oloko ma na.
Arịmgba nẹngị ye mị ḍiri mẹ Tamụnọ kẹ ye mịẹ ḅara ḍuko finjiarị; ori omoni ḅara-ḅio ori atomi pakama-ḅo tẹ ịn sịḅị nyana, tẹ tọrọkọ-jụ ye kẹ ḅiokpọma ịn pịrị ḅara ḅụ ịn kẹ opu sịẹ mịẹ ḅara na.
Ḍiri mẹ ḅio tọrụ paka tẹịn tomḅọ anie Mozizi owiḅọ ḅe tẹ Tamụnọ sẹlẹ-ọkị tẹ ori atomi kẹ tọrọkọ tarị tẹ Ijiputi ḅụ ịn kẹ paka-so ḅọ ḅe. Ḍiri mẹ ḅio kịnị nimi tẹịn ye anie Oyi Oloko Ma, sii karama ḅẹrẹ-sịḅị mẹ ḅio emi ye mẹ.
Ḍiri Mẹ Ḅio Simearị-aị
Izirẹlịapụ ma Ijiputi ḅụ sịḅị nyanam. 1.1—15.21
a. Ijiputi ḅio ḅẹ omoni 1.1-22
b. Mozizi iyi na ọ̀ kala-sakị ḅẹ ḍumo na 2.1—4.31
d. Mozizi na, Erọnị na, Ijiputi ḅẹ amadaḅọ na ịgbanịyam 5.1—11.10
e. Saḅa-ḅọrọ mẹ na, Ijiputi ḅụ paka-so mẹ na 12.1—15.21
Awụ Tọrụ mẹ ḅụ ọkị mu Sayịnayị Tụndụ la 15.22—18.27
Oloko mẹ na Ọḅọkụ mẹ na 19.1—24.18
Akpụrụ-warị mẹ na, sunsin Tamụnọ pịrị datụkụma na 25.1—40.38
Currently Selected:
Paka-so Suku-saakị Ẹkwẹn: KBTP
Highlight
Share
Copy
Want to have your highlights saved across all your devices? Sign up or sign in
(C) The Bible Society of Nigeria