ỌMWỤ ỌDADA 10

Anyị Ịtụma nya INuwa

1Ọlẹ ri oja chajị nya anyị ịtụma nya iNuwa ịlẹ kị bwu ẹpwụ nya ịChẹm bala ịHam bala ịJafẹtị. Ịwa angị ịta-ịta ma anyị nyaa ẹ-ẹkpẹ nya ukpenyi ọtụka ọwẹ. 2Anyị alẹng nya ịJafẹtị ri iGomẹẹ bala ịMagọgụ bala ịMadayị bala ịJava bala iTubalụ bala ịMẹchẹkị bala iTirasị. Ịwa-à ri adịda igogo nya angịlẹ kị 3IGomẹẹ a ri adịda nya angịlẹ lẹ: Achịkẹnasị bala iRifatị bala ịTọgaama. 4ỊJavan a ri adịda nya angịlẹ lẹ: Elichaa bala ịTachichi bala iKitim bala iDodanim. 5Anyị nya ịJafẹtị ịwẹ a ri adịda igogo nya angịlẹ wuu kị kụ ụ-ụwa ọ-ọnụ nya ihu ọtụka-ọtụka ọlẹ kị wụrụ Ihu nya iMeditareniya lẹ. Ịịwẹ anyị ịtụma nya ịJafẹtị a la kị nọ ẹpwa imwawụ-imwawụ bala ọpyị-ọpyị nyaa datị-datị juwa ya oja nya ụbwọ nya ịlaa datị-datị ịnyịnyị lẹ.

6ỊHam à ri adịda nya angịlẹ lẹ: iKuchi bala Ijipiti bala iPutu bala iKenan. 7IKuchi a ri adịda nya angịlẹ lẹ: ịSẹba bala ịHavila bala ịSabita bala ịRaama bala ịSabịtẹka. ỊRaama a ri adịda nya angịlẹ lẹ: ịChẹba bala ịDẹdan. 8IKuchi a ri adịda nya iNimrọdụ ịnyịnyị lẹ. INimrọdụ ọwẹ a ri ọngịnyị nya ọgbanyẹ-ọgbanyẹ ọlẹ kọ ri ọngọ ọnyẹẹgẹga odehe ọlẹ wuu lẹ. 9Angịnyị wuu jẹ iNimrọdụ ọwẹ nya ọmwụkpẹ ọnyẹẹgẹga ị-ịlahị nya Amkpaa. Ịnyị a du kị kaa byi awụlẹ yẹkẹẹ, ahụ nyị ri ọmwụkpẹ ọnyọọngịrị lala iNimrọdụ ọmwụkpẹ ọtụka lẹlẹ. 10Ụka nya ọgbanyẹ-ọgbanyẹ lẹ, iNimrọdụ ọwẹ ri adịrahụ ọtụka nya ala ịBabịlọn bala ala Ẹrẹkị bala ala Akadị ịlẹ kị kụ ụ-ụwa ọpyị nya ala ịBabịlọn wuu. 11INimrọdụ rụ bwu ụwa kele ka ọpyị nya ala Asiriya. Ọ nwụ́ epweji ịhyẹ ịlẹ kị wụrụ iNineve bala iRehobotu-iiri bala ịKala. 12INimrọdụ a nwụ́ epweji ọlẹ kị wụrụ ịRẹsẹn ịnyịnyị lẹ. ỊRẹsẹn ọọwa juwa apewa nya Nineve bala ịKala kọ ri epweji ọtụka. 13Ijipiti a ri adịda ogogo nya angịlẹ lẹ: ala iLidiya bala ala Anam bala ala iLehabụ bala ala ịNafutu bala 14ala ịPaturusi bala ala ịKasilu bala ala ịKafụtọ ịlẹ kị ri adịda ogogo nya ala iFilisitiya lẹ.

15ỊSayịdọn a ri ọnyị ọgbahị nya iKenan lẹ. IHiiti a ri ọnyị oheeye nyamwụ lẹ. 16ỊSayịdọn bala iHiiti ịwẹ a ri adịda igogo nya angịlẹ lẹ: ala iJebusi bala Amọ bala ala ịGẹgachị bala 17ala iHivi bala ala Aakị bala ala iSini bala 18ala Aavadị bala ala ịSẹmara bala ala ịHamatị. Alụpwọma nya iKenan ịwẹ wuu pyẹ yịrị ẹ-ẹga myị ẹga yịrị gbee ka ịpyị nyaa pyẹpwụ dụwa gbaam. 19Epweji nya ịSayịdọn ji koye nya ẹtẹ nya ọpyị nya ala iKenan. Á kele koye nya edii nyaa, a ka yẹ epweji nya ịGẹra ọlẹ kọ ju epweji nya ịGasa chwẹẹ. Á kele koye nya ọmwẹnụ-ụtụrụ nya ọpyị nyaa, a ka yẹ epweji nya ịSọdọm bala iGomora bala Adịmaa bala iSeboyim ọlẹ kọ ju ịLacha chwẹẹ ịnyịnyị. 20Ịịwẹ anyị ịtụma nya ịHam a la kị nọ ẹpwa imwawụ-imwawụ nyaa datị-datị juwa ya oja nya ụbwọ nya ịlaa datị-datị ọ-ọpyị-ọpyị nyaa datị-datị lẹ.

21ỊChẹm ọlẹ kọ ri ọgbahị nya ịJafẹtị ma anyị ịnyịnyị. Ọwa-à ri adịda ogogo nya ala iHiburu wuu lẹ. 22ỊChẹm a ri adịda nya angịlẹ lẹ: Ẹlam bala Asuu bala Apakịchadị bala iLudi bala Aram. 23Aram a ri adịda nya angịlẹ lẹ: Uusi bala iHulu bala ịGẹtẹẹ bala ịMẹchẹkị. 24Apakịchadị a ri adịda nya iChela lẹ. ỊChẹla ọwẹ ma Ẹbẹẹ. 25Ẹbẹẹ ma anyị alẹng angị imiiye. Ẹnyị nya ọngọhẹ nyaa ri ịPẹlẹgị. Etu nya ịPẹlẹgị ri ebwo ọchịchị. Chajị, ị ma ịPẹlẹg ọwẹ pwoku ụka ká alodehe chị ebwo hi awụlẹ lụmẹ kaka kpoye. Ẹnyị nya ọnyị nya Ẹbẹẹ ọkịla ri iJokitan. 26IJokitan a ri adịda nya angịlẹ lẹ: Alịmọdadị bala ịChẹlẹfụ bala ịHasamavẹtị bala ịJẹra 27bala ịHadoram bala Usalụ bala iDikila 28bala Ọbalụ bala Abimẹlụ bala ịChẹba 29bala Ofii bala ịHavila bala iJobabụ. Ịịwẹ anyị ịtụma nya iJokitan a la lẹ. 30Anyị ịtụma nya iJokitan ịwẹ wuu kụ ẹpwa nyaa bwu oye nya ịMẹcha lalaala kele ka ịSẹfaa ọlẹ kọ juwa i-ikiti iloye nya ọmwẹnụ-ụtụrụ. 31Ịịwẹ anyị ịtụma nya ịChẹm a la kị nọ ẹpwa imwawụ-imwawụ nyaa datị-datị juwa ya oja nya ụbwọ nya ịlaa datị-datị ọ-ọpyị-ọpyị nyaa datị-datị lẹ. 32Ịịwẹ ego ogbegbe chajị nya anyị ịtụma nya iNuwa a la jaabwọ kị nọ ẹpwa ẹ-ẹpwụma-ẹpwụma nyaa datị-datị wuu lẹ. Anyị ịtụma nyamwụ ịwẹ à ri adịda igogo ị-ma alẹpwụma datị-datị ilodehe ọlẹ wuu lụka ka ukpenyi ọtụka-ọtụka do bịrị odehe onyogo kpá lẹ.

Currently Selected:

ỌMWỤ ỌDADA 10: IBNO

Highlight

Copy