UJƆ́NI 3

Ujísɔ̄si kɔ̄kā mla Unikodímɔ̄si

1Ɔ̄cɛ Ufárisīi éyi yɔ̄, nɛ̄ iyē nū lé ka Unikɔdímɔ̄si. Ó wɛ ɔ̄cɛ éyi kú aígabɔ̄ kú ācɛ Ujíyu. 2Ɔ̄cɛ ā wā ɛgiyí Ujísɔ̄si otú, anɔ́ɔ ó da ɔ́ kahíníī, “Itíca, alɔ jé ka a wɛ Itíca nōo ŋmá ɛgiyí Ɔwɔicō. Ohígbū ka ɔ̄cɛ dúúmā í lɔfú yá aɔ́dā o hídáagó nāa gē yá ā glá ŋ́, ń táafú ŋ́ Ɔwɔicō yɔ̄ mla anú.” 3Ujísɔ̄si tóohi da ɔ́ kahíníī, “Ɔkwɔ̄ɔ̄kwɛ̄yi, n̄ da uwɔ ka, ayíka é lɛ ɔ̄cɛ ma igbɔhá #igbɔhá ámāŋ o ŋmíco ámāŋ ó gáā má ajɔ̄ɔ̄cɛ́ kú Ɔwɔicō glá ŋ́.” 4Unikɔdímɔ̄si da ɔ́ kahíníī, “Ɛ́gɛ́nyā nōó tɔ́ɔtɛ́ kéē ma ɔ̄cɛ igbɔhá eko nōó le gbɔnyākwɔ́cɛ ɛɛ́ ā? Ó géē lɔfú kwúcē ga ipú kú ɛ́nɛ́ nū igbo ɔ́mpa kéē ma ɔ́ kɛ̄ɛ?” 5Ujísɔ̄si tóohi kahíníī, “Ɔkwɔ̄ɔ̄kwɛ̄yi, n̄ da uwɔ ka, ɔ̄cɛ dúúmā í gáā ga ajɔ̄ɔ̄cɛ́ kú Ɔwɔicō glá ŋ́, ayíka é lɛ ɔ́ ma mla éŋkpɔ̄ mɛ́mla Alelékwū. 6Ɔdā nēé ma ŋmá ɔkpíyē wɛ ɔkpíyē, ɔdā nēé ma ŋmá Alelékwū ā wɛ ákú alelékwū. 7Ó híī hɛ́ uwɔ idáagó ohígbū ka n da uwɔ ka, ‘É géē ma uwɔ igbɔhá piíí ŋ́.’ 8Owu gē tá ɛga dúúmā nōo he ɔ́ ɔtū, anɔ́ɔ a gē pó úcɛ́ kú nū, amáŋ á jé ɛga nɛ̄ ó ŋmá ŋ́, á kē jé ɛga nōó gē nyɔ̄ ŋ́. Ɛ́gɔ́ɔmā nɛ̄ ɔ̄cɛ dóódu nēé bī Alelékwū ma ā lɛ á.” 9Unikɔdímɔ̄si tóohi da ɔ́ kahíníī, “Ɛ́gɛ́nyā nɛ̄ ɔdā nēe bá ā géē yá glá ā?” 10Ujísɔ̄si tóohi da ɔ́ kahíníī, “A wɛ Itica kú Ísrɛ̄lu, anɔ́ɔ á jé ɔdā nēe bá ā ŋ́ kpɔ́ɔ̄ áā? 11Ɔkwɔ̄ɔ̄kwɛ̄yi, n̄ da uwɔ ka, alɔ gē kɛlā kú ɔdā nɛ̄ alɔ jé, alɔ kē í cɛ̄ ijáalí kú ɔdā nɛ̄ alɔ má. Amáŋ ɔ̄cɛ dúúmā kú aá kē tútū kóō mīyɛ ijáalí kú alɔ ŋ́. 12Ɔ́dāŋ́ ka n da uwɔ ɛlā kú ɛcɛ, nɛ̄ á cɛ̄ ŋ́, abɔ̄ ó lɛ nāa géē cɛ̄ ɔ́dāŋ ka n lɛ ɛlā kú ɔkpáncō da uwɔ ā? 13Ɔ̄cɛ dúúmā í nyɔ̄ ɔkpáncō jéjéē ɛ́ɛ́ ŋ́ ayíka ɔ̄cɛ nōo ŋmá ɔkpáncō wāajɛ ā nɛ, Ɔyínɔ̄nyīlɔ kú Ɔ̄cɛ, nōo yɔ̄ ɔkpáncō ā nɛ. 14#Áluk 21.9Ɛ́gɛ́nɛ̄ Umósīsi je ɛgwā gicō ipú ígbíli ā, ɛ́gɔ́ɔmā nēé géē je Ɔyínɔ̄nyīlɔ kú Ɔ̄cɛ gicō piíí á, 15cɛ́ɛ́ ɔ̄cɛ dúúmā nōo lɔtūce ɔ́ géē lɛ oyēeyī opiyóó.

16Ohígbū ka Ɔwɔicō yíihɔtū tū ɛcɛ ā fíyábɔ̄, anɔ́ɔ ó je Ɔyínɔ̄nyīlɔ ékpónú kú nū ā, ka ɔ̄cɛ dúúmā nōo lɔtūce ɔ́ í gáā yíífi ŋ́, amáŋ ó géē lɛ oyēeyī opiyóó. 17Ɔwɔicō í tū Ɔyínɔ̄nyīlɔ kú nū wɛ̄ɛcɛ kóō gaá ŋmó ɛcɛ ɛpɔ̄bí ŋ́, amáŋ o yá ɛ́ɛ́ kóō lɛ ɛcɛ nyatá nɛ̄ n. 18Ācɛ nēe lɔtūce ɔ́ ā, é gáā ŋmó uwā ɛpɔ̄bí ŋ́. Ācɛ nēé lɔtūce ɔ́ ŋ́ mā, é le ɛpɔ̄bí ŋmó uwā ɛɛ́, ohígbū keé cɛ̄ɛ̄lā kú Ɔyínɔ̄nyīlɔ ékpónú kú Ɔwɔicō ā ŋ́. 19Ɛ́gɛ́nyā nɛ̄ ɛpɔ̄ ā gē yúklɔ́ á, ofíyajɛ gā ipú ɛcɛ, amáŋ obū ā he ācɛ ɔtū fíyɛ́ ofíyajɛ á, ohígbū ka ɔdā nēé gē yá ā bɔ̄bí. 20Ɔ̄cɛ dóódu nōo gē yá ɔdōbɔ̄bí ā í dɔɔ̄kā ɔlá-ofíyajɛ ŋ́, ó wā ɛga nɛ̄ ɔlá ī fíyajɛ glá ŋ́, ohígbū nɛ̄ ācɛ géē má ɔdā nōó gē yá ā. 21Amáŋ ācɛ nēe gē yá ɔdā ɔkwɛ̄yi ā gē wā ɛgiyí ɔlá ofíyajɛ, kéē le jé keé yɔ̄ ī yá ɔdā nɛ̄ Ɔwɔicō dɔɔ̄kā ā ɛɛ́.”

Ujɔ́ni oyúbatísim cɛ̄ ijáalí ɛlā kú Ujísɔ̄si

22Eko nɛ̄ ɔdā nēe bá ā le yá ā, Ujísɔ̄si mɛ́mla ayíkpó kú nū le yɛ tá ajɛ kú Ujudíya, ó yɔ̄ mla uwá abɔ́ɔ gē yá ācɛ ubatísim. 23Anɔ́ɔ Ujɔ́ni kē yɔ̄ gē yá ācɛ ubatísim dúú Ayénɔn nōo yɔ̄ kwu Usálim ajaajɛ ā, ohígbū ka éŋkpɔ̄ yɔ̄ abɔ́ɔ íbí. Anɔ́ɔ ɛwa wā ɛgiyí Ujɔ́ni abɔ́ɔ, ó kē yá uwā ubatísim. 24#Umát 14.3; Umák 6.17; Ulúk 3.19,20Eko nyā é kwú Ujɔ́ni tá agbá ɛ́ɛ́ ŋ́.

25Anɔ́ɔ áafú gbɔɔ́ ɔtāhɛ̄ kú ayíkpó kú Ujɔ́ni mɛ́mla ɔ̄cɛ Ujíyu #ɔ̄cɛ Ujíyu éyi, aákpá ōhī ka ka ācɛ Ujíyu ōhī éyi ohígbū iyē ōgwu. 26Anɔ́ɔ é wā ɛgiyí Ujɔ́ni gaá da ɔ́ kahíníī, “Itica, ɔ̄cɛ nōo yɔ̄ mla awɔ ogbeé kú Ujɔ́dan, nāa cē ijáalí kú nū ā, yɔ̄ ī yá ācɛ Ubatísim abɔ̄yī nū, ācɛ dóódu gē pɛ́ nyɔ̄ ɛgiyí nū.” 27Ujɔ́ni tóohi kahíníī, “Ɔ̄cɛ dúúmā í mīyɛ ɔdā dúú glá ŋ́, ayíka ɛ̄nɛ̄ é je lɛ ɔ́ ŋmá ɔkpáncō. 28#Ujɔ́n 1.20Aá abɔ̄yī aá cɛ̄ um ijáalí ka n ka, ‘Ami ā í wɛ Ohɔ́nyɛtá ā ŋ́, amáŋ Ɔwɔicō le um tɛ̄hɔ̄ gbɔbū kú Ohɔ́nyɛtá.’ 29Ɔ̄cɛ nōo lɛ ɔnyā ā, anú wɛ ɔbá ɔnyā á. Amáŋ oklóbīya kú ɔbɔ́nyā ā nōo háyi kóō pó ɔkɔ kú ɔbɔ́nyā, gē gwéeyē nwuné eko nōó le ɔkɔ kú ɔbɔ́nyā pó. Ohígbū ɔ́ɔmā, n gwéeyē nɛ̄ɛ̄nɛ̄hi. 30Anú ā kóō kwú pīya ɔ̄cɛ o cɛgbá fíyɛ́ um kɔ́ɔ́, cɛ́ɛ́ ká ami ā kóō híī cɛgbá gɛ ŋ́.”

Ɔ̄cɛ nōo ŋmá ɔkpáncō ā

31Ɔ̄cɛ nōo wā ŋmá icō ā, fíyɛ́ ɔ̄cɛ dóódu á. Ɔ̄cɛ nōo ŋmá ajɛ ā wɛ ákú ajɛ, ó kē ī kɛlā kú ajɛ. Amáŋ ɔ̄cɛ nōo ŋmá icō ā, anú fíyɛ́ ɔdā dóódu á. 32Ɔdā nōó má mɛ́mla ɛ̄nɛ̄ ó pó ā, nōó cīijáalí kú nū á, nááná ā ɔ̄cɛ dúúmā í kē mīyɛ ijáalí kú nū ŋ́. 33Ɔ̄cɛ nōo mīyɛ ijáalí kú nū ɛɛ́ mā ā, ó bī okónu abɔ̄yī nū cɛ̄ ka Ɔwɔicō ɔ́ɔ wɛ ɔkwɛ̄yi. 34Ohígbū ka Ɔwɔicō tū ɔ̄ ɛhɔ̄ á. Ó gē kɛlā kú Ɔwɔicō, ohígbū keé lɛ alelékwū kú Ɔwɔicō nōó lɛɛjī ŋ́ mā ā. 35#Umát 11.27; Ulúk 10.22Ádā ā yíihɔtū tū Ɔyínɔ̄nyīlɔ kú nū ā, anɔ́ɔ ó lɛ ɔdā dóódu kpó tū ɔ̄ abɔ̄ á. 36Ɔ̄cɛ dúúmā nōo cɛ̄ɛ̄lā Ɔyínɔ̄yīlɔ ā lɛ oyēeyī opiyóó. Amáŋ ɔ̄cɛ nōo lɛyitáajɛ lɛ Ɔyínɔ̄nyīlɔ ā ŋ́, í gáā má oyēeyī ŋ́, amáŋ ícɔ̄nū kú Ɔwɔicō géē yɔ̄ ɛyí nū.

Currently Selected:

UJƆ́NI 3: IFBCL

Highlight

Copy