Baɗitari 23

Ibrahim Ku Mastə Vəi Harəmta Mjir Nyarmbwarni

1Saratu ku hara məva aru pal ka sərkumari ka murfa. 2Antə tsa ku mti akwa Kiriyath Arba, watau Hebron, akwa tsəɗi Kanana. Antə Ibrahim ku ləmbwa ka tuwa ka shimwi, ka ləkəma ka ɗəm dəma ata kəra Saratu.

3Antə Ibrahim ku thlata adzə mshiyir mwalankiɗa, ka mwari adzə mjir Hitti ka pəla ala ɗa, 4“I an mətəpi na ka ndzi akwa nca giri. Antə ɗəltsə giri ali vəi laga bu ar har mshi, kamnyar kəi mzhi harəmta mshiyir mwalankiya ata, kəi kələmta ni kazhar kəmi.”

5Antə mjir Hitti shinau aka Ibrahim abbər, 6“Zanuwa, psi thləma ga ala yeru bu! Azi akwa nca yeru, gə mdə na ola. Antə harəmta mshiyir mwalankiri ni akwa kul na ɓɗak ta shang akwa nca kulayeri ar yeru. Mda aɗi akwa nca yeru na ata ngkata ala gə kulərni wa, wala ngkata ala gə harəmta mshiyir mwalankiri wa.”

7Antə Ibrahim ku thlatə ka nggyarghəidzi akəma mjir Hitti, na mjir tsəɗi ni, 8ka pəla, “Ngga giri ra bu, ma giri ku hir abbər kəi harəmta mshiyir mwalankiya azi, kiɗə giri ali kəra Efron na ɓzər Zohar, 9ka tsa ɗələmta ali ku laga na akwa Makpela ni, na arni ni. Vəi ni akwa tsikəra fakərni. Ka tsa pəla ali kwabar ɗəlari, kəi ntəmta kwabari tsu akəma giri azi ka tsa ndzi arna. Antə tsa ata ndzi vəi harəmta mshiyir mjir nyarmbwarna.”

10Tsuwa Efron na mdər Hitti ni anda andzəndzi akwa nca mji ni. Antə tsa pəla aka Ibrahim tə shanga mjir Hitti na tsaptədzi akwa nyarfur bərni ni akwa nggatari, 11abbər, “Awa zanuwa, psi thləma ga. I ku na gə bəbal ni, tsuwa I ku na gə ku na akwa vəi ni. Ata nca shanga mjir yeru na azi antə I akwa hamtari ala ga. Antə mwari kara harəmta mshiyir mwalankiri akwa anda.”

12Antə Ibrahim nggyarghəidzi akəma mjir tsəɗi ni, 13ka pəla aka Efron tə shanga mji akwa nggari abbər, “Psi thləma ga ali, ma ga an ata hirari, I ata ntəmta kwabar masər vəi ni. Dlu kwaba ni, kamnyar kəi mzhi harəmta mshiyir mwalankiya anda.”

14Antə Efron shinau ka pəla, 15“Nggatə ra bu zanuwa, masər bəbal ni an shekel aru nfwar ar adzərfa, amma kwaba ngəni mi laga akwa daɓwa mwa ri? Harəmta mshiyir mwalankiri!”

16Antə Ibrahim ku kələngkər aka hangkur su tə Efron pəla ni. Antə Ibrahim ngkərɓəla hangkur adzərfa ni kalkal apatə mdə ni pəla akəma mjir Hitti ni, watau shekel aru nfwar ar adzərfa, akwa tasa tə mjir nggala ana kəthlər kəgari, ka hamta aka Efron ata nca mjir Hitti.

17Apani antə fakər Efron na akwa Makpela, abwar raghəi ka Mamre ni ku ndzi ar Ibrahim, fakə ni ka ku na akwa ni, ka shanga nfwayeri na akwa vəi ni, shanga vəi ni har ka mwanta aka kəla fakə ni. 18Efron hamta bəbal ngəni aka Ibrahim ata nca mjir Hitti, akəma shanga mji na tsaptədzi akwa nyarfur bərni ni, antə bəbal ni ku ndzi arni. 19Aghəla nda antə Ibrahim harəmta mwalankiɗa Saratu akwa ku na akwa bəbalər Makpela na adzə Mamre ni, watau Hebron, akwa tsəɗi Kanana. 20Antə apani mjir Hitti ku hamta bəbal ni ka ku na akwa ni aka Ibrahim ka tsa ndzi arni. Antə vəi ni ku ndzi vəi har mshiyir mjir nyarmbwarni.

Currently Selected:

Baɗitari 23: KNB

Highlight

Copy