Mark 16
16
1Wa gil mīs hekī da Sabbath, la‐ās Mary Magdalene, glū Mary abumpas James, glū Salome, kilwānumā ḵā ekpāla kās uḵ‐āklilūdāyūh dāḵw lāk.
2Kāh‐īd kiās tī ḵā gālabāyī nāla sa num puna gīla; gāḵ dāḵw lāḵā digiyā yiḵs gāla ī nītl‐īdī da klīsila.
3Lāh dāḵw nīkia, ungwā zau klī lūḵwilīsā kla ḵā tīsuma muqātlāḵ tihyile sa digiye.
4Gilh dāḵw mīs dūḵ‐wīduk, lāh dāḵw dūḵ‐wāklilā kīḵs lamā ī da tīsum ī klīqilīzuqā: yiḵā klūme wālas tīsuma.
5Wa lāḵīs lā‐īnīh dāḵw la‐īklil lāḵā digiyā, lāh dāḵw dūḵ‐wāklilā ḵā hītl‐ā bagwanum, k̤wa‐ītl lāḵā hītl‐k̤iūdītlī, kūḵzaula ḵā mulā, lāh dāḵw zindih‐īda.
6La nīk lāh dāḵwuk, qālā zindikiāḵ: āleh dāḵwa ākūsāḵ Jesus ḵā Nazarene, yiḵā glapīkundāyūh de: la mī qilāh‐īda, kīyosī lā lākuk; doḵ ga, uḵ‐ālīlas dāḵw di gā kī.
7Hāga, nītlāḵ disciplesas hīmīsī Peter, lamī lā‐kl gāgālatl gīwī klūs lāḵ Galilee: hīmīsis lāh dāḵw‐kl dūḵ‐wāklilas kla kī, lāḵ wātldum umh‐de sī lūkl.
8Wa lāh dāḵw yihia‐wilsa, hītl‐tsau sa digiyā; kā īs ek̤īnīh dāḵwī la ḵwī‐ḵwunāla sīs ḵunyasā ī: la kīyos numūq nītlā sūh dāḵws, kā īs kitleh dāḵwī.
9¶ Wa lāḵ la‐īnāyas Jesus qilāh‐īd ḵī da gālabāyī nāla sa num punā gīlā, hīmīs gāl nītl‐īdaā tsī Mary Magdalene yiḵ lāwe mazas de sī ḵā uglabū demons.
10Hīmīs lā nītla ḵī da nāmīlelāh dāḵw dī gla wī yiḵs lāh dāḵwa ī lulgwātlaula k̤wāsa.
11Wa yih dāḵwuk yiḵs lāh dāḵwa ī zik̤iātlilā sū sīḵs la mā ī qilāh‐īda glūḵs lamīh‐dī dūḵ‐wāglitl‐ts, lāh dāḵw wayūqisa.
12Wa la ītīd nītl‐īd ūgwilātla ma, kā ī da mālūqī lāh dāḵwuk lāḵīs ke‐nāqila īnīh dāḵwī lā la ā lāḵā num awīnāgwīs.
13Lāh dāḵwī nītlas lāḵīs nī‐numūqī, k̤īs dāḵw um ḵa ā wīs ūqisuk.
14Wa ātl‐mīs gāḵ nītl‐īd lāḵā numūgwagiyū lāḵīs la‐īnīh dāḵw k̤wazītl humāpa, la‐ās klūlālāk kā īs wayūqizīnāyī gla wīs pīsā naukīh dāḵwa, kā īs k̤īzīnīh dāḵwī ūqis ḵī da lā dūqila kīḵs la ī qilāh‐īda āgūtla.
15La nīk lāh dāḵwuk, hāgih dāḵw‐la lāḵwā nāhwāḵ awīnāgwīs kās glīḵs‐āla ūsā sa ek zik̤iālum lāḵ nāhwā bagwanuma.
16Yiḵī da ūqis kla glū lā‐kl baptize‐kl hī‐um qāqila‐āq klī, wa yiḵī da līlāqāla klāk hī‐um lā‐kl lāḵā yaksamī.
17Wa ga‐mīs lā‐kl māmātltīkī‐kl tsī da ūqis kla; lāwūdāla klī ḵā demons lāḵun glīkumī, yaīk̤untāla klis ūgwila kla yāk̤undas‐kl.
18Dāgilīsilāh dāḵw klīḵ sī‐sītlumī, glū kū nāḵ‐īdih dāḵw lāḵuḵ tlilūluma nunk̤īma, k̤īs dāḵw tā klī welā‐kl lāk: lā klī pāh‐īdih dāḵw kla sīs āyasū lāḵā zihk̤ā la mīs ekīdikl.
19Wa yiḵs la ī Gīya ī Jesus qātl‐ālīs nīk sīk lāh dāḵwuk, la īk̤īstā lā lāḵā īk̤ī, lī k̤wātla lāḵ hītlk̤iūtl zane sints Ike Gīkumī.
20Wa lāh dāḵw mīs kās le glīḵs‐āla lāḵā nāhwā awīnāgwīs, yāwī hyints Gīyā glūh dāḵwī, aulā mas ḵā wātldumī numā nāqil gla wa māmātl‐tīkiayī. Amen.
Currently Selected:
Mark 16: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
