Matthew 18
18
1Hi mīs‐gaḵ dum sa disciples lāḵ Jesus, nīkya, ungwā zau tī da wālaza kayā lāḵā īkē awīnāqīs?
2La klīlālā ḵā ginānum kā gāḵīs lāk, la gloqa‐lītlas lāḵ nuka‐kīlītl dāḵwas.
3La nīkya, aulin nīk yūtl, hīyha um‐kl kāk daḵw sū lā lāḵ klāyū lāḵ, kās hē ūs lā qīx ī ginginānum, kīs dāḵw tā klis la īkl lāḵā īkē awīnāqīs.
4Wa yiḵī da qalīxum kla banīstā mas kla ḵīs naukā‐yī gā qīx gada ginānumk, hī mīs wālaza‐kī‐kl lāḵā īkē awīnāqīs.
5Wa yiḵī da dādālā klāḵ hī qīx gada kinānumk kā nū‐zīnāyas dādālā tā gāḵun.
6Yiḵī da ūza‐gīla klāḵ numūqī lāḵ ga gin‐ginānumk ḵā oqisī gāḵun, hī lāḵ tā ēgyas lāḵ sī ko kalī‐ḵōdāyū lāḵī wālas tīsum lāk, kās lē kulyum lāḵ wāwun‐kanūtl.
7A kīkyālasū sūḵ da yāksāmīḵ awīnāqīs kā ī da wonīkī‐gīla! kā īḵs kīsā lasa ī īs gāḵī da wonīkī‐gīla; kīkyālasū glā sī da baqānum gāḵ āsa sa wonīkī‐gīla!
8Gil mī lāḵāḵ sūs āyasau kūs glū lāḵōs gugwa yūḵ yāksā‐mūtl, tūsū dāq, kās zuḵī da ūsāq: kāḵs hē ā kūs ēgāsī la‐īkl lāḵā qilē āōzagīla, lāḵ uḵnū‐gwādēs mātlī āyasū gla wī mātl gū‐gagwayū la zuḵ‐klānū lāḵā hīmanī sa yhīyhakula.
9Gil mī lāḵāḵ sūs kayākus ā kūs yāksā mūtl, mākūdāq, kās zuḵī da ūsāq: kāḵs hē ā kūs egāsī la‐īkl lāḵā qilē num skum stū, lāḵ uḵnū‐gwādēs mātl tsim kayākus lā zuḵ‐klānu lāḵ yhīyha‐kulēs hell.
10Yāklaula kāk dāḵws kīsa ūs klīsīlāḵ numūqā lāḵ gada gin‐ginānumk; kāḵ gin nīkī gūtl, lāḵā īkē awīnāqīs ḵā angels dāḵwasik hīmanātla um doqamīḵ kūqamā‐ya sin Umpā yiḵā hē lī da īkē awīnāqīs.
11Kā ī da Kwanūqa sa baqānum gāḵā ī kās qāqilī ḵā yhisā.
12Māsīs nī‐naukīk dāḵwā? kō uḵnū‐gwāda lā ḵī da numūq baqānum yis lākindī lāmādō lā lā ḵī numa gāyūtl lāk kakā‐zixā‐lāḵ, kīs klā ī bōsī da nānumksūqā gla wa nānamā lākā naunge kās lē ālē ḵī da lā kakā‐zixā?
13Gil um lāḵ wīs khā lāḵ, lin aul nīk yūtl, la hī awīl ekīkulā gītl‐ts, lāḵā nānumk sūqā gla wa nānamā yiḵā kīsī kakā‐zixā.
14Kīs um ḵa ā wīsī nīkīs Umpa ūs yiḵā hē lī da īkē awīnāqīs, kā yhisēs numūqa lāḵ gada gin‐ginānumk.
15¶ Wa īdi‐klilāḵ, gil mī lāḵā sīs numwiyūt ūs qīh‐īda as nūqs yāksāmī lūtl, lā lā nītlas yāk‐īnāyas lāk hīgā uma gla wī: gil mīs hūklilūtl, lā klis ītū‐kl ḵīs numwiyūt ūs.
16Gil mīs kīs hūklī‐lūtl, uḵ‐īdāḵ numūqa glū mī mālūq lāḵā, kās lā ūs ītīd lāk, wē lāḵ simpsa sa mālūq glū lāḵī yūdūq kēgāyā nāwhā um klī da wātldum lā‐kl gaīkla ḵāwī kluk
17Gil mīs kīs nīk kās hūklīlāk dāḵwīk las nīks lāḵā kīka‐kautla gil mīs kīs ḵād nīk kās hūklīlī ḵā kīkakautla wīgā yhī hī qīx lūtl ī qīxdamasī da kīs mātl‐tēlāḵ God gla wa hātlakulilgis.
18Lin aul nīk yūtl, yiḵīs yiklā sū kla ūs lāḵwā awīnāqīs‐īḵ yigluq klī lāḵā īkē awīnāqīs: glū ḵā īs qītl‐īd tsū klā ūs lāḵwā awīnāqīs‐īḵ qīlq um‐kl ḵā ī lāḵā īkē awīnāqīs.
19Lin ītīd nīk yūtl, kō mālūq lāḵ lūtl ēkākyaul lāḵwā awīnāqīs‐īḵ kā īs uḵ‐kyāla sūk dāḵw kla, lamīsī hī‐um kl qēla sū‐kl sin Umpā yiḵā he lī da īkē awīnāqīs.
20Kā ī da uḵ‐ās kla sa mālūq gla wa yūdūq kāpē‐kāwāq lāḵun glīkum, la um‐kl wīsin lāk gīkī‐k dāḵw‐kl kī
21Gāḵī Peter kās nīkīk, Gīkumī, gins punā klin numwiyūtī yāksum‐kl gāḵun, kunklū lā‐kl dīga‐klilūd kluḵ yēḵ‐īnāyas gāḵun? aglabū punā kla ā?
22Nīk tā Jesus āḵ, kīsin nīk yūtl, aglabū punā klī: nīkin klūtl, aglabū skum gūs tāu punā klī aglabū.
23Hī mīs lā‐gītl tsa īkē awīnāqīs numāyhizum gla wa baqānum ḵā gīkumā yotla, ḵī da kēgā yotla kās qunā sa wī sīs hīlūbātl‐zanāyī.
24Gil mīs hūs‐īdā kās kēstī, gāḵ ya wī da numūqī lāk, yiḵā kīs mī qunā sa lākindī lūḵsumk‐īdī dāla lāk.
25Yiḵs lā ī kīyōs qīh‐īda as qunāk, lā wēḵā gīkumā yas kā lāḵo ya wīs, gla wīs kunum, gla wīs sāsum, gla wīs nāwhāk dī uḵ‐ā, kā qunā ya.
26Lā gītl tsī da hīlūbātl‐zanā‐yī klāq‐wālītl, kās umyāḵ‐īdīk, nīkya, wāḵātlāla gā umas‐gl īsatla gāḵun, lā‐kl wīs glin wīla‐kl qunā klisī lūtl.
27Wa lī da gīkumā‐ya sa hīlūbātl zanā‐yī wōs‐ts, lāwilsā masuḵ lāḵā wālazī, wākmū‐ta umḵ la kīs qunāk.
28Gil mī sī da hīlūbātl zanā‐yī lāwilsā, lā dōḵ‐wāklilā ḵā numūqī lāḵīs īāḵulūt, yiḵā kīs mī qunāk sa lākindī quarter: la dāgā‐āklilāk, kās qīza‐ḵōdīḵ kōkōnēs, nīkya, qunā lagā gāḵun kla sīs qunē klā ūs.
29Lā ḵā īs īāḵulūtī klāq‐wils lāḵ gūgwa yaus, kās hawāḵ‐ulīk, wāḵātlāla gā umas‐gl īsatla gāḵun, lā‐kl wīs glin qunā klūtl.
30Kīs tā nīkya: au um lā walāk lāḵā wālazī, kā qunē sī ḵā gyētlēk.
31Gil mī sī da īaāḵulūt as dōḵ‐wāklilāḵ qīh‐īda asas, lāk dāḵw aul ziyhilāqs, gāḵ dāḵw nītlas lāḵīs gīkumī‐k dāḵw nāwhā qīh‐īda āsts.
32Lī gīkumā yas lā ī klīlānum āk nīk yuk a yūtl yāksum īāḵulilgis wākmūta mī gyūtl ḵīs qunā ḵī da hē wāḵī kā īs la īnāyūs wātla‐kīlin hī qīh‐īdūtl.
33Kīs zīmas as ogwākā wōs tsīs īākulūt ūs, hī qīh‐īduḵ gin lēk wōs‐īdūsa?
34Lā gīkumā yas tlāwīsa la zaws lāḵā tlālā‐wotlilā mas, kās hēkl lā‐kl qunā‐kl ḵīs qunā sa wālas.
35Hī mīs ogwākā‐kl qīgīlas klisin īkē Umpa lūtl, kāk dāḵw sū kīs‐kl klalīwī wāk mūta um nāwhā kīs nātlnum‐wiyūt ūs lāḵīs nī‐naukā yūs.
Currently Selected:
Matthew 18: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
