Matthew 16

1Gākī da Pharisees gla wa Sadducees, gwānāk, uḵ‐kyālāk kā nītlī sīs māmātl‐tīkyā yā gāyūtl lāḵā īkē lāk dāḵwuk

2La nānāḵmī kās nīk dāḵwīk, gil mā ī zāqā lās nīk dāḵwā, ēk‐īkl nālā‐kl: kā ī da īkyēḵs klāqā ī.

3Gla wī da kaāla, yāksāmī‐kl nālā‐kl ḵwā nālāḵ: ka ī da īkyēḵs klāqā ī glūḵs banālā ī da unwāyī: kauklilāk dāḵwa ā kūs‐āḵ mātl‐tēlē ḵā ōzau‐līsā sa īkī; mā zau tīs kīs dāḵw‐ītla mātl‐tēla qīgīlas as God?

4Kā yāksamā īautlīd līlqalāklī dādō‐ḵwāklilā āḵ māmātl‐tīkyā ya: kīyōs tā‐kl māmātl tīkyī‐kl zawē kluk, hīgāmī da māmātl‐tīkyā yas Jonah: lē bōs kās lā kās‐īda.

5¶ Gil mī sī disciples as gāḵ lāḵā upsūt, klalīwīk dāḵw tā dāgilḵ‐glālāḵ qāquhw‐sumā.

6Lā tā nīkī Jesus‐āk, yāklaula kāka‐mātlāḵ bābā‐wāyau sa Pharisees gla wa Sadducees.

7Lāḵ dāḵw kīkā‐yūda, nīkya, hī dāḵ gints kīyos‐īk uḵ‐īd tsū qāquhw‐sumā.

8Kauklilā mī sī Jesus‐āk nīkya māzīs kīkā‐yūd gītla wūtl‐umḵ ā yūtl hūlatl‐ts ōqizā‐lazī, hī māḵs kīyosa īḵ uḵ‐īd tsū qāquhw‐sumā‐ā?

9Kīs deḵ dāḵw mas kautl‐īda ā, kīs ḵād mulqilā ḵā sikyā‐skum qinīq lāḵā sikyā puna lūḵ‐sumh‐īd, glū wāḵā asa sa la‐ulḵā‐yī la kūqatā ā lūs uḵ‐īd tsa wā ā?

10Kīs masī ḵād kautl‐īd ḵā aglabū skum qinīq lāḵā mū puna lūḵ‐sumh‐īd, glū wāḵā asas awō luḵē yīs lūs uḵ‐īd tsa wā ā?

11Mā sīs kīs dāḵw‐ītla āyūsilāḵ gin kīsīk hī qayū‐wī da qāquhw‐sum? yāklaula kāka‐mātlāḵ bābā‐wāyau sa Pharisees gla wa Sadducees.

12Lā wīs glā āyūs‐āklilāk dāḵwuḵ wātldum asīḵs kīsa ī hī qayūs kā kākamātlā sū sī da bābā‐wāyau ḵā qāquhw‐sum hē ī da kakoklāmazamasa Pharisees gla wa Sadducees.

13¶ Gil mī sī Jesus gāḵ lāḵ awīnāqīs as Cæsarea Philippi, la wudklā ḵīs disciples, nīkya, ungwā‐ḵulī da bī‐baqānum gāḵun Ḵwanūqī ga sa baqānum?

14Lāk dāḵw nīkya, nīkī da waōq, John ḵā Baptist: nīk tī da waōq, Elijah; wa nīk tī da waōq, Jeremiah, glū gāyūtl um lāḵ numūqa lāḵā prophets wotla.

15La nīk lāk dāḵwuk, ungwā‐ḵulāk dāḵw tas gāḵun?

16Lī Simon Peter nānāḵmī nīkya Sū mī da Christ yiḵ Ḵwanūqa sa qilā‐īs sa God.

17Lī Jesus nānāḵmī nīk yuk, blessed tsū wīs tas, Simon ḵwanūqs Jona: kā ī da ulzī gla wa ulqā kīsa ī nīlum lūtl, hē un Umpa yiḵā hē lī da īkē awīnāqīs.

18Lā ḵā un nīk yūtl, sū‐um Peters, ga mī sī gada tīsumk gūqī las klin klā ḵun līlqalā‐klā yī; kīs tā klī kimyūlum as hell tlōq‐kl lāk.

19Lā klin zaw klū klas yhāwā‐yau sa īkē awīnāqīs; yiḵīs yiklā‐sū kla ūs lāḵwā awīnāqīsīḵ yigluq klī lāḵā īkē awīnāqīs: glū ḵā īs qītl‐īd tsū kla ūs lāḵwā awīnāqīs‐īḵ qīlq klī lāḵā īkē awīnaqīs.

20La tlōqālā ḵīs disciples kā kīyōs dāḵwīs nītla sū sīḵs hī mā ī Christ‐ī.

21¶ Hī mīs gēga‐kla lāts lāk dums Jesus nītlā ḵīs disciples‐āḵs, la mī klī lāḵ Jerusalem, kās lē tlālā‐wotlil lāḵā qulsqul‐yāq gla wa gīgakumā‐yī priests gla wa scribes, glūḵs kīlākyā sa‐wī‐kl kās tlilī, glūḵs qilāh‐īdāmā tsa wī‐kl ḵā yūdūh pun whās‐kl.

22Lī Peter dāh‐īduk, kās nīk‐īk, kiltā lāk, kīs nīs klī God tā hītl‐kālūtl, Gīkumī: kīs klis hē qīh‐īd klī.

23La muls‐īduk, kās nīk‐īḵ Peter, hās lāḵ gin ulḵ‐glīk, yūtl Satan: qāqā‐kyāyau ā kūs gāḵun: kāḵs kīsa ā kūs awīlil‐kulā ḵā husāḵ God, hīgāmā ōḵ da husāḵ baqānum.

24¶ La nīkī Jesus ā ḵīs disciples, yiḵā nikya kās lāskumā‐yī gāḵun, wāk mū tā umā yhī ḵīs baqīnā‐yī, glū kās uḵ‐īdī ḵīs kayū‐yaula, kās lēgā‐yī gāḵun.

25Kā ī da nīk kla kās qāqilī ḵīs baqānum īnāyī yhisā mas klīk: wa yiḵī da yhisā mas klā ḵīs baqānum īnāyī kā un, khā klīk.

26Māsī qēnum lāḵā sa numūq baqānum, ko wīlūtl lāḵwā nāwhāḵ awīnāqīs, ko au‐um lāḵ lā lāḵ yhisā mas lāḵīs baq‐wanā‐yī? mās lā ḵī ḵā ī zawē lāḵās kās klā‐yūlum lāḵ kā īs baqwanā‐yī?

27Kā ī da Kwanūqa sa baqānum gāḵī klā, glū ēgālazē sīs Umpa gla wīs angels; wa lā klī zaw kluḵ nāwhā baqānum sīs īāḵulānum.

28Lin aul nīk yūtl, glōqīlas mūḵ da waoqāḵ lāq, yiḵā kīs kla puḵ‐āklilā kluḵ wānum‐gīla, wāwusdum klas kīs dōk‐wāklilā kluḵ Ḵwanūqa sa baqānum gāḵ‐kl lāḵīs gīkāsa.

Currently Selected:

Matthew 16: Kwak

Highlight

Copy