Matthew 15
15
1Gāk lāḵ Jesus ḵā scribes gla wa Pharisees, gāyā nāqil lāḵ Jerusalem, nikya.
2Māsī klālī‐qīgī gītla sūḵs disciples ākūsāḵ wātlduma sa qulsqul‐yāq wotla? kāḵs kīsa īḵ zinzink‐wīduḵs lā īḵ humh‐īda.
3Au mīs nānāḵmī lāk dāḵwuk, mā zau tīs ogwākā gītla klālī‐qīgīḵ wātldum‐as God kā īs wātldum ūs?
4Kā God tāḵs nīkya otl, yāklau lāḵs ūmpaūs gla wīs abump‐ūs: yiḵī da hunqā kla ḵīs ūmp gla wīs abump, wīgā yhī tlilā.
5Lā tas nīk dāḵwā, yiḵā nīk kla ḵīs ūmp gla wīs abump, yiḵīs qēnum lāḵs dē ūs gāḵun lin zaw sī lāḵ God; wāk mū dum um‐kl wī sī, kīs lā‐kl yāklau‐kl ḵīs ūmp gla wīs abump.
6Lāk dāḵws wāk mū tā mas umḵ wātldum as God la kīyōs qayau kā īs hūs dāḵwūs wātlduma.
7Yūtl klīk‐klaqis, aula kyas au otlī Isaiah nīk yūs, nīkya,
8Yik gāda līlqalā‐klīk yāklū qāl gāḵun kla sīs simps; lā glā tā nī‐naukā yas qīsatla gāḵun.
9Wūtl dāḵw mīs umyāḵā gāḵun, kākoklā mas kā ī da kākōklā‐mazum wātldums baqānum.
10La klīlālā ḵā kīnum baqānum, kās nīk dāḵwīk, hūklīlāla, glū āyūsātlāḵ:
11Kīsa ī hī dī da lā‐īklila lāḵā simpsī yāksāmā mas‐uḵā baqānum; hī dī da gāyaula lāḵā simpsī, yāksāmā mas ḵā baqānum.
12Gāḵī disciples as nīk yuk, kauklilā zau masī ḵā Pharisees sāḵs ūzagā‐āqā āḵs, lā ī wudklilā ḵā wātlduma?
13La nānāḵmī nīkya, ḵā nāwhē glos kīsa zimē sin īkē Umpā, klūpuk ukū tsū klī.
14Qālas gatālāk: kāk dāḵws papāsa‐ī kākālakī sa papāsī: gil mī lāḵī da papāsī baqānum wātilā ḵā papās baqānuma, nāwhā um‐kl wīs qakyā‐ḵātl zau‐kl lāḵā ḵwilgīs.
15Nānāḵmī tā Peter nīk yuk, āyūzū‐das gāḵunūh whā sūḵ da parable.
16La nīkya, kīs dēḵ mā sī ḵād ogwāk āyūsilāk dāḵwā ā?
17Kīs dēḵ dāḵw mās kauklila, ḵā nāwhā lā‐īklil lāḵā simps‐āḵs lā ī lāḵā takyē, kās lāwē lāzū‐yū lāḵā kyagāzī?
18Yiḵā gāyaula lāḵā simps gāyā‐nāqilā ī lāḵā naukā‐yī; hī‐um glatl yāksāmā mas ḵā baqānum.
19Kā ī da gāyā‐nāqila lāḵā naukā‐yī gāḵau lasa‐ā sa yāksāmī nīnkī‐kayā kīlākyā, gilūklā ḵā zīdāk, autlītā, gilūklā, klīlqāla, yākpāḵstā:
20Ga um yāksāmā mas ḵā baqānum: kīs glā tī da hāmāp‐āḵs kīsa ī zinzin‐gyiqā yāksāmāmas uḵ baqānum
21¶ La kās‐īdī Jesus, kās lē lāḵā awīnāqīs gāyūtl lāḵ Tyre glū Sidon.
22La doqilā ḵā zadāk gāyūtl lāḵ Canaan, gāyā‐nāqil lāk, la hāsil, nīk, wāḵ‐īda gāḵun, ā Gī, yūtl kwanūqs David; wīwūsīlākā un ḵwanūqā uḵnū‐gwādisa demon.
23Kīs tā nānāḵmīk yis num skuma wātldum: gāḵī disciples as uḵ‐kyālāk, nīkya, yālākā zau gāq kā lālāgīsūḵ; kā ōḵs lāqsumā‐yā īḵ gāḵunts.
24Au mīs nānāḵmī nīkya, kīsī gin yālākum, hī din gāḵ‐āsī da yhisē lāmādōs gūqas Israel.
25Kīs tī da zakāk īs gāḵ‐ītl lāk, kās umyāḵīk, nīkya, Gīkumī, gawālāla gāḵun.
26Au mīs nānāḵmī, nīkya, kīsa ī hītl‐kolum uḵsawī hāmā‐ya sa gin‐ginānum, kās zuḵīdāyū‐wī lāḵā waōzī.
27Nīk mīs, aula‐um Gīkumī: kā ī da waōzēḵs hāmāp mā ā ḵā ā ḵī da qapum gīsāwā‐yī yiḵā tīkāḵulā lāḵ humk‐damītlā sīs waō‐zīdī.
28Lī Jesus nānāḵmī nīk ḵā zadāk, ā zadāk, ā zī kyas tsūs oqizā‐lazē kūs: wīgā yhī lūtl ḵīs wātlā‐kutlūs: hī mīs la ēk‐īdik dums ḵwanūqas.
29¶ Wa lī Jesus kās‐īd lāḵīk, kās gāḵī lāḵā īyhatlē ḵā zalātl‐as Galilee; la lāgūstau lāḵā nagē, la qāh‐īd lāk.
30Gāḵī da kīnum baqānum lāk, gāḵ sa īyaōza‐gīla, gla wa papās, gla wā umḵō, gla wa yī‐yilgwatl, hī mī sa ātl‐ōgwila; lāk dāḵw hālāgā‐līsilas lāḵ gū‐gwa‐yaus, la mīs ek‐īda māsuk:
31Lā‐gītl‐ts ḵunyāsī da kīnum baqānum, yiḵs lāk dāḵwā ī doqilā ḵā umḵō yākuntāla, gla wa yilgwatl dī ek‐īda, gla wī da aoza‐gīla kāsa, hī mī sī da papās dī la doqila: lāk dāḵw yhīlāḵ God tas Istael.
32¶ La klīlālī Jesus āḵīs disciples kā gāḵīs lāk, la nīkya, wosī‐ga sa kīnumḵ baqānuma, kā ōḵs la īḵ yūdūh pun whāsātla gla wun, kīyōs hāmā‐ya: kīs tin nīk kun yālākēq kā lē sūḵ poskā, kā ḵō luk‐wī dik dāḵw lāḵ lāḵā diyhilā,
33Lī da disciples nīk yuk, wī zisā zau lāḵ dints‐āḵ hītl‐ālē hāmāya lāḵwā lūbīs‐īḵ awīnāqīs‐a, kā pūtl‐īdā yūsa hīḵ wāḵā baqānuma?
34Lī Jesus nīk dāḵwuk, ginzum ūs qinīq dāḵwā kūs? lāk dāḵw nīkya aglabū skumk, ga mīs gada hūlatlik māmā‐īmas.
35La uḵ‐kyāla ḵā līlqalāklā‐yī kā qisālīsīs lāḵā awīnāqīs.
36La uḵ‐īd ḵā aglabū skum qinīqā gla wa māmā‐īmas, kās kīlā‐kyas ḵī la waōx‐un duk, kās zawēs lāḵā disciples, lī da disciples zaws lāḵā līlqalā‐klā yī.
37Nāwhāk dāḵw mīs humh‐īda, lāk dāḵw pūtl īda: lāk dāḵw uḵ‐īd ḵā hum‐gīsāwā‐yī ḵā gīyā‐yawā‐yī, aglabū skum tā awō luḵē koqatā.
38Wa yiḵī da hāmāp tī mū punā lūḵsumh‐īd baqānum ogwil lāḵā zīdāk gla wa ginginānum.
39La yālākā ḵā līlqalā‐klā yī, kā lālā‐gīs, la lāḵs lāḵā ship, gāḵ lāḵ awīnāqīs as Magadan.
Currently Selected:
Matthew 15: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
