Qāyīlelas (Acts) 6
6
1Wa hī mīs lāh dum ūtl‐ts, yiḵs la ī la kīnum ī da disciples wunwun k̤iālah dāḵwī da Grecian Jews ḵī da Hebrews ka ī k̤īzīnāyas yāklau sū wī da k̤īkakiaus dāḵws, lāḵī da gwīlum a ḵūḵ nī‐nālāḵ.
2La āsī da mālūgwagiyū klīlāla ḵī da la disciples kā gāḵīs lāh dāḵwuk, lāh dāḵw nīkia, k̤īsa ī ek kuntsū bo lāḵs wātldum a sints Ike Gīkumī kunts he la awīlil‐kutlī aāḵsīleḵ hī‐humk‐dumītl.
3Hī mīs ekītl klūs, kās dūḵ‐wīdih dāḵwa ūsāḵ aglabūq bagwānum yiḵ k̤ātla es‐ekiā kīyos klīqāyā kūte ḵī da Holy Spirit glū naukadālazī, kunts uḵ‐īd tsū kā aāḵsīla ḵwā yāqilāḵ.
4Kā glānūh k̤ā‐kumātlī kunūh hīmunātla mī hawāḵ‐ulā glū aāḵ‐sīla ḵī da wātldum.
5Lī da wātldum as hītl‐āklil lāḵī da nāhwā bagwānum: lāh dāḵw dokūdānum āḵ Stephen, yikīḵs kūtā āḵ ūqizālazī gla wī da Holy Spirit, hī mī sī Philip, gla wī Prochorus, gla wī Nicanor, gla wī Timon, gla wī Parmenas, gla wī Nicolas proselyte as Antioch:
6Yiḵ lāh dāḵwī qisumga‐līlums lāḵā apostles; wa gilh dāḵw mīs qātl hawāḵ‐ulā, lāh dāḵw kluḵwuḵ‐klelabundā lāk.
7Lī da wātldum a sa Ike Gīkumī gwīl nāqila; lāḵa ā klūmī wāḵa‐āsas k̤īnāqila īnāya sa sī da disciples lāḵ Jerusalem, lāḵa ā kīnum ī da la‐ulbledī la nānākīgī ḵā wātldum.
8Lī Stephen, yiḵs kūta ā ḵā egalazī gla wa tloqīmas, wunwunhyis zī kiasīs k̤īs aūms qaīnī lāḵā līlqilaklayī.
9Wa la ā sa glāḵ‐wīdī gayūtl lāḵā synagogue glīkula sū wī gayūtl lāḵā Libertines, gla wa Cyrenians, gla wa Alexandrians, hī mī sī da gayūtlī lāḵ Cilicia glū Asia, kātāp glū Stephen.
10Wa lāh dāḵw wekl lāḵ wātldum as glū yākundasā sīḵs yākuntā ī.
11Wa lāh dāḵw k̤wīḵī nūq sa bībagwānum kā klīlqālīs, yiḵā nīkī, wuklilā nūhwāḵ gada bagwānumk yāksāmīs wātldum āḵ Moses gla wunts Ike Gīkumī.
12Hī mīs la qelīh īdā mas ḵā līlqilāklayī, gla wī da qilsqilyāq, hī mī sī da k̤īkiātīnūḵ, gāḵ dāḵw humḵwāpuk kās dāhīdīk, gāḵ dāḵwīs lāḵī da council.
13Lāh dāḵw glāḵ‐wālītlila sa k̤āla būtla, yiḵā nīkī, yiḵ gada bagwānumk k̤īsīk qātl tsa yāksāmī wātldum ḵwā aekī‐lāqīḵ hawāḵ‐ulazī gla wī da law:
14Kāḵ gānūh wuklile gānūhwāḵ nīk kīḵs klīhyilīsī klī Jesus as Nazareth ḵwā hawāḵ ulazīḵ, glū klāyū‐kl nāhwāḵ qāyā‐yaīlas yiḵūḵ zaw yūtlāḵs Moses gāḵunts.
15Wa la nāhwā mī da qizītl lāḵā council, dūdūḵs‐ulītlāk, lāh dāḵw dūqilāḵ kūqumāya sīḵs la ī hī qīx ī kūqumāyas paglum nūqā.
Currently Selected:
Qāyīlelas (Acts) 6: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
