YouVersion Logo
Search Icon

Qāyīlelas (Acts) 12

12
1Himis lāh dum ūtl‐ts Herod ḵā king sāh‐īd ḵīs āyasū kās tlālāwotl‐īdā masī ḵī da gayūtlī lāḵā church.
2La k̤īlāh‐īduḵ James yiḵ nūles John yisa qīḵāyū.
3Wa gil mīs la dūqila kīḵs ek‐āgīyā ā sa Jews, la ā ḵa ās dāh‐īdiḵ Peter: wa hīmīs nīnāla āḵīlāh dum ḵī da k̤īs bābā‐waāq qinīq.
4Wa gil mīs la lo‐kluk la wulh‐īduk, la zaws lāḵā mūqī soldiers kā k̤āk̤ālālīk; nīk kā he klis lā‐kl qātl klī da Hayākutl‐tsumāyī kū lā‐kl gāḵ‐kl nītl‐īd klis lāḵā līlqilāklī.
5Hīmīs lāgītl‐ts hīma wīs gla lī da wālazī: lamā ā glā sī tloqīmas hawāḵ‐ulā gītl ḵī da Ike Gīkumāyā yisī da church.
6Wa gil mīs la wāh nānītl‐īda ī Herod as, hīmīsī da kānūkl mīḵāh dums Peter lāḵ nākāwāya sa mālūq soldiers, wulq sa mātl zāk kulka‐hyaula: k̤āk̤ālāla sū um ḵa ā wī sā wālazī lāḵā klāsāziyā sa tihyilā sa wālazī.
7Wa doḵ, ḵī da paglum nūqa sī da Gīyā glāwunūzī lītluk, subītl ḵa ī da qukātla lāḵ wulīlas as: la klāqilītlāk kās gwīh‐īdīk, nīkia, glāḵ‐wīd hānāk‐wīd, lī wulwulk zānāyas kulka‐hyaula tīkumgālītl lāwe lāḵ āyasaus.
8Lī da paglum nūq nīk yik, wusīh‐īda, glū kās yitl‐tsīzunda ūs ā sūs tībāyau kūs: la mīs hī qīh‐īda: la nīk yik, nuhwundaga tsūs nuhwunāyā kūs, kās lega ya ūs gāḵun.
9La lāwils, la legīk; wa k̤īs tā kauklila kīks aula mā ī qīh‐īda āsā sī da paglum nūq, wūtl‐um nīnkīkul au‐um dūqitl nūq ungā.
10Wa gilh dāḵw mīs la hiyākā ḵī da mātl zak̤usī k̤āk̤ālālā sā, gāḵ dāḵw gāk‐āklil lāḵī da zik‐un tihyilā ḵī da la qāqiyaākās lāḵā gūqila; yiḵī da qilīgils mī uḵstūda kāh dāḵwī, wa lāh dāḵw lāwilsā, la hiyūtlil lāḵā num zak̤usī tihyilā; wa hīh‐īdā mīsī da paglum nūqī bos.
11Wa gil mīsī Peter la nunwāk̤īḵ‐īda, la nīkia, la mun aula k̤iāl kautl‐āklila yikīḵs la ī Gīya yālāḵīd tsīs paglum nūqa, la mīsī qāqila‐āqil gāḵun lāḵ ayasaus Herod glū lāḵī da nāhwādī nunk̤ia‐īkī sa Jews.
12Wa gil mīs qātl gīga‐īkula ḵīk, gāḵa ās lāḵ gūqas Mary yiḵ abump as John yiḵī da aulāḵ‐kleleḵ Mark; yiḵ gāḵī k̤āpīkautla ā tsā kīnum ī hawāḵ‐ulā.
13Wa gil mīs mihyitl‐tawī ḵā tihyile sa klāsanauyī, zāzādākum tī da gāḵī lāḵā tihyilā glīkādes Rhoda.
14Wa gil mīs mātl‐tīḵs dind kīḵs he ī Peter, la ās ek‐k̤īs uḵstūd ḵā tihyila kā īs ek̤īkāyī au‐um zilwīklā, nīk kīḵs glāḵwstaulīsa ī Peter lāḵ klāsāziyā sa tihyilā.
15Lāh dāḵw nīk ḵā zāzādākum, la ums nūtlumātla; au mīsī da zāzādākum aulāk̤ial nīk kīḵs aulama īs wātldum ī; wa lāh dāḵw nīkia, yū dūḵ bahwanāyā k̤usī.
16Au mī sī Peter hānātl mihyitl‐tauyā: wa gilh dāḵw mīs uḵstūdā, lāh dāḵw dūḵwāklilāk, lāh dāḵw ḵunyāsā.
17Aumīs, kiklā sīs ayāsū lāh dāḵwuk kā k̤wīklātlāh dāḵwīs, nītlas lāh dāḵwuk yis qīhīda asas Gīyāḵs lā ā gāḵa‐wilsā masuk lāḵā wālazī: la nīkia, nīk la tsūḵ lāḵ James ā gla wa nātl‐numwiyūt: wa la kās‐īda, kās le lāḵā ūgwila um awīnāgwīsā.
18Wa gil mīs nāh‐īda, la ās k̤īs hulī bīdawī da qelīhye sa soldiers yis qesta‐ās as Peter.
19Wa gil mī sī Herod wāh ālīh‐īdik, la k̤īs khāk, la wāklīlelāh‐īd ḵā k̤āk̤ālāla, la weḵā kā k̤īlāh‐īd tsūh dāḵwīs kās tlilī: wa lā lāḵ Cæsarea geh‐īd lāḵ Judæa, wa hī mīs gāḵ wālatlī.
20¶ Wa lī Herod yāksāmīs naukāya ḵī da gāyūtlī Tyre glū Sidon: wa gāḵ dāḵw numāh‐īd lāk, yiḵs lāh dāḵwa ī glāglīglaulaāh īdiḵ Blastus yiḵ hīlūbātlzānayā sa gīkumāyī, uḵk̤ialāh dāḵw kās ek‐īdagī, kā īs humgīlā sūwīnā‐yas yis awīnāgwīsa sa gīkumāyī.
21We lāḵī da la glīkuq nālā, lī Herod qālunq sīs gīkdumk̤inī qītlqela, la qāh‐īd lāḵīs qāhdumā, la yākugātl lāh dāḵwuḵ.
22Lī da nāhwā bībagwānum hāsil nīkia, god k̤igātl, k̤īs bagwānum zisā.
23Wa hīh‐īdā mīs k̤īlāh‐īd tsū sa paglum nūqa sints Ike Gīkumī, kā īs k̤īzīnāyī zaw sī da hyīlālazī lāḵunts Ike Gīkumī: la humh‐īd tsū sa ābānī, la tlilā.
24Aumīs glī da wātlduma sints Ike Gīkumī hiyūlisa la hīlūk‐hīlūqīs wāḵa ās.
25Lī Barnabas glū Saul hwīlākā geh‐īd lāḵ Jerusalem, yiḵs lāh dāḵwa ī qātlā mas ḵīs uḵsūwī, la uḵ‐īduḵ John kās lī numāmaul gla wī, yiḵī da glīḵādes Mark.

Currently Selected:

Qāyīlelas (Acts) 12: Kwak

Highlight

Share

Copy

None

Want to have your highlights saved across all your devices? Sign up or sign in