Qāyīlelas (Acts) 1
1
1Yīḵā gilh īde un k̤iātī wātldumā, Ade Theophilus, qāqīx‐āl lāḵā nāhwūtla uḵes Jesus glū kākūklāma zums.
2Lāga āklil lāḵī da nālā, yiḵ lāh dum ūtlas dāgūstū yau, ātlākāwī sīs la īnāyī zaw sīs wātldum ī yisa Holy Spirit lāḵī da apostles yiḵīs la qayū kās yālākum hī‐lauḵstāyā.
3Yik dāḵwuḵ le ḵād nītl‐īda‐ā tsīḵs qilā‐ī ātlākāwī sīs lā‐īnāyūtl k̤īlākia sa wa, yis kīnum ī māmātltīk̤ī dūqitl dāḵws lāḵīs nītl‐nītla īnāyī lāh dāḵwuk ḵī da mūskum gūs tau nālā, glūḵs qāqīx‐āla ī lāḵā nāhwe hus ḵā gīkāsa sints Ike Gīkumī;
4La qazītl glūk dāḵwī, la nīk kā kīs dāḵwīs bos Jerusalem, au mīs ek um īsātl kā ī da zūqagālum ūtla sī da Ump, yiḵī da, lāḵīs nīk̤īnāyī la mūs wuglitl dāḵw um gāḵun.
5Kā John aulā um baptize yisa wāp, lā glā tākl‐ts baptize zuq klisa Holy Spirit kīs klā kīpun hwas nālā‐kl.
6Hī mīs lāh dāḵwītl‐ts, yiḵs gāḵ dāḵwa ī kāpīkau, wūklāk, nīkia, Gīkumī, la mas wegikl ītumzūd kla ḵā gīkāsī lāḵ Israel ā.
7Au mīs nīk lāh dāḵwuk, kīs kā sū wīs kauklila ḵā qāyīlelas dum gla wa qayunḵ, yiḵ k̤iadīsaya sa Umpā lāḵīs hus māk qayū kās qāyīlelās.
8Lāh dāḵw glā tā klis lokluḵ tloqīmas, kū gāḵ klī da Holy Spiritā lūkl, we lāh dāḵw klis k̤ālāgīla mas klin lāḵ Jerusalem glū lāḵ wāzakāsas Judæa glū Samaria, lāga ā umkl lāḵī da qīqisāla klayā lāḵwā nāhwāḵ awīnāgwīs.
9Wa gil mīs qātl nīk sīk, yiḵs dūqātlāk dāḵwa ī, la dāgūstūyau; la ās lālākā ḵā unwāyī, lāh dāḵw k̤īyo pātl tūk.
10Wa yiḵs lāk dāḵwa ī dūqātla kias ḵā īkī, lākīḵs la ī lāgūstaulā, dok, mālūq bībagwānum glāk‐gla‐wīs lāh dāḵwuk, mulīs kūḵzauyī;
11Yiḵā nīk, yūkl bībagwānums Galilee, mā zīs glāk‐gla‐wīs dāḵwītlā dūqātlā ḵā īkī? yiḵ Jesus, yiḵā le dāgūstūyū lāh dāḵwūkl lā lāḵā īkī, hī um ḵād gāḵ klī hī qīh‐īd klīs dūqila īnā yūsā kī lāgūstaul lāḵā īkī.
12Wa lāh dāḵw āīdaākā lāḵ Jerusalem geh‐īd lāḵā nuge glīkādis Olivet, yiḵā nuhwātla lāḵ Jerusalem, ḵā sunū klilā sū was wālātla ā sā ḵūḵ sabbath īḵ nālā.
13Gilh dāḵw mīs gāḵīkla, lāh dāḵw lāgūstau lāḵā īk̤iāzīlītlī, yiḵ uḵ‐ās dāḵwas yiḵ Peter glū John, glū James, glū Andrew, Philip glū Thomas, Bartholomew glū Matthew, James ḵwanūqas Alphæus, glū Simon ḵā Zealot glū Judas ḵwanūqas James.
14Gāh dāḵw um numāla hīmunātla um hawāḵulā, gla wī da zīdāk, glū Mary yiḵ abumpas Jesus, glū zāzayes.
15Hī mīs lāh dums Peter glāḵ‐wālītl lāḵ nukukaya sa numīmā, kās nīkī (kīnumī da bagwānum kāpīkautla lāk̤inda ḵunt hī mī sa mātl tsum gūs tau).
16Nātl‐numwiyūt, k̤īsūgwītla wīs īs hīum qelī wātldum a sa k̤iāduq yiḵ yākugālum ūtla sa Holy Spirit yis simsas David wūtla qāqīx‐āl lāḵ Judas, yiḵā kākālākīh dāḵwa sa uḵ‐īdih īdeḵ Jesus.
17Kā īḵs hūzakayīk de gāḵunts, glū lo‐kl ḵīs husāk lāḵunts aāḵsīla sa wīḵ.
18La mīs lo‐kl ḵā awīnāgwīs yis qenumā sīs yegitlā ī, la glāgitl‐tūsā qix ī tuk̤ih des gāḵ yumtliwilsī yākia‐gītlas.
19Wa la kauglitl tsa nāhwā gūqil lāḵ Jerusalem, la glīkula sa wī da awīnāgwīs lāḵ yākundas dāḵwas yis Akeldama, yiḵā nīkī, yiḵā awīnāgwīs as ulqā.
20Kā īḵs kiātātla mā ī kiāduqā sa zilwāḵklin, wīga hyī uḵ‐āsasī lūbīsā, glū kīyos bagwānum hī gāḵ lī; yiḵ īāḵ‐īnāyas wīga hyī ūgwilī uḵ‐īdek.
21Lā gītl klisī da gāyūtl kla lāḵwā bība gwānum īḵ kupetla gla wunts lāḵ wāwāsdum ūtlas Gīya ī Jesus lelelagilīs gīgilkī gāḵunts,
22Gegiklil lāḵ baptizīnā yūtlas John, lāga‐āklil lāḵā nālā lāh dum as dāgūstūyū gāḵunts, kīsā la sints kīs dokūduḵ numūqa kā lā kālāgīla mas gla wunts yis qilāh‐īda īnāya sī.
23Wa lāh dāḵw dokūd ḵā mālūq, Joseph glīkādis Barsabbas, yiḵā aulāḵ‐kleleḵ Justus, hī mī sī Matthias.
24Wa lāh daḵw hawāḵulā, nīkia, Yūkl Gīkumī, yūklāḵs kauklilā ākūsāḵ nīnaukāyas nāhwā bagwānum, wīga nītla sīs le ūs qayū lāḵ gada mālūqik.
25Kā uḵ‐īduḵ glāḵwātla ās de sī lāḵunuh aāḵsīla sū wī yiḵ le qigiklilāts Judas kās le lāḵīs hus mākī qayū kās la‐āsa.
26Wa lāh daḵw kākūtl‐āklilā sī da lot, lī da lot nukā lāḵ Matthias, wa la hūzakundāyū lāḵā numūgwagiyū apostles.
Currently Selected:
Qāyīlelas (Acts) 1: Kwak
Highlight
Share
Copy
Want to have your highlights saved across all your devices? Sign up or sign in
Historical texts first published by the British and Foreign Bible Society 1882-1897. These texts were digitised for the Canadian Bible Society.
