Popular Bible Verses from Qāyīlelas (Acts) 1

Share

Lāh dāḵw glā tā klis lokluḵ tloqīmas, kū gāḵ klī da Holy Spiritā lūkl, we lāh dāḵw klis k̤ālāgīla mas klin lāḵ Jerusalem glū lāḵ wāzakāsas Judæa glū Samaria, lāga ā umkl lāḵī da qīqisāla klayā lāḵwā nāhwāḵ awīnāgwīs.

Au mīs nīk lāh dāḵwuk, kīs kā sū wīs kauklila ḵā qāyīlelas dum gla wa qayunḵ, yiḵ k̤iadīsaya sa Umpā lāḵīs hus māk qayū kās qāyīlelās.

La qazītl glūk dāḵwī, la nīk kā kīs dāḵwīs bos Jerusalem, au mīs ek um īsātl kā ī da zūqagālum ūtla sī da Ump, yiḵī da, lāḵīs nīk̤īnāyī la mūs wuglitl dāḵw um gāḵun. Kā John aulā um baptize yisa wāp, lā glā tākl‐ts baptize zuq klisa Holy Spirit kīs klā kīpun hwas nālā‐kl.

Yik dāḵwuḵ le ḵād nītl‐īda‐ā tsīḵs qilā‐ī ātlākāwī sīs lā‐īnāyūtl k̤īlākia sa wa, yis kīnum ī māmātltīk̤ī dūqitl dāḵws lāḵīs nītl‐nītla īnāyī lāh dāḵwuk ḵī da mūskum gūs tau nālā, glūḵs qāqīx‐āla ī lāḵā nāhwe hus ḵā gīkāsa sints Ike Gīkumī

Wa gil mīs qātl nīk sīk, yiḵs dūqātlāk dāḵwa ī, la dāgūstūyau; la ās lālākā ḵā unwāyī, lāh dāḵw k̤īyo pātl tūk.

Wa yiḵs lāk dāḵwa ī dūqātla kias ḵā īkī, lākīḵs la ī lāgūstaulā, dok, mālūq bībagwānum glāk‐gla‐wīs lāh dāḵwuk, mulīs kūḵzauyī; Yiḵā nīk, yūkl bībagwānums Galilee, mā zīs glāk‐gla‐wīs dāḵwītlā dūqātlā ḵā īkī? yiḵ Jesus, yiḵā le dāgūstūyū lāh dāḵwūkl lā lāḵā īkī, hī um ḵād gāḵ klī hī qīh‐īd klīs dūqila īnā yūsā kī lāgūstaul lāḵā īkī.