1 PETERA 5
5
Pathian berâmte
1Chutichuan, in zînga kohhran upate chu, kei, in upatpui, Krista tuarnate hretu, ropuina lo lang tûr chang vetu tûr hian ka fuih a che u: 2in zînga Pathian pâwlho awm chu enkawl rawh u; tih tûr a nih vâng ni lovin, Pathian thu anga châk chung zâwkin; hlêpna bawlhhlawh duh vâng ni hek lovin, rilrua duh tak zâwkin, #Joh 21.15-17 3in chante chungah intilal hek lovin, pâwlho entawnan insiam zâwkin ho rawh u. 4Tin, Berâm Vêngtu Lalber chu a lo lan hunin, ropuina lallukhum vuai thei lo chu in hmu ang.
5Chutiang bawkin nangni tleirâwl deuhte u, upate hnênah intulût rawh u. A ni, in zain rawng inbâwl tâwn ṭheuh tûrin thuhnuairawlhnain inthuam rawh u; Pathianin chapote a dodâl a, inngaitlâwmte erawh chu khawngaihna a pe si ṭhîn. #Thuf 3.34 6Chuvângin, a hun têah chuan a chawimawi theihna tûr che uin, Pathian kut chak tak hnuaiah chuan intihnuai ula, #Mt 23.12; Lk 14.11; 18.14 7anin a ngaihsak ṭhin che u avângin, in manganna zawng zawng ama chungah nghat vek rawh u.
8Ngaihven ula, fimkhur rawh u; in khingpui Diabola chu sakeibaknei rûm ṭhîn angin, a ei theih tûr zawngin a phi ruai ṭhîn; 9in unau khawvêla awmhote chungah chuan chutiang tuarna chu a thleng ve a ni tih hriain, ring nghet taka awmin amah chu do rawh u.
10Tin, khawngaihna zawng zawng Pathian, a chatuan ropuina chang tûra Kristaa kotu che u ngei chuan rei lo tê in tuar hnuan a siam ṭha famkimin, a tinghetin, a tichak ang che u. 11Ama hnênah chuan rorêlna chu chatuanin awm rawh se. Amen.
Chibai bûkna
12Ka unaupa rinawm taka ka ruat Silvana kutah hian nangmahni fuih leh, chu chu Pathian khawngaihna tak tak a ni tih hriattîrin tawi têin in hnênah ka ziak a ni; chûngah chuan ding nghet rawh u.#Tirh 15.22,40 13Babulon khuaa awm, nangmahni anga thlan nu hian chibai a bûk a che u; chutiang bawkin ka fapa Marka pawhin chibai a bûk a che u.#Tirh 12.12,25; 13.13; 15.37-39; Kol 4.10; Philm 24 14Hmangaihna fawha fâwpin chibai inbûk rawh u. In zînga Kristaa awm apiangte hnênah chuan remna awm rawh se.
Currently Selected:
1 PETERA 5: MIZOVBSI
Highlight
Share
Copy
Want to have your highlights saved across all your devices? Sign up or sign in
Mizo OV - Re-edited Bible
© The Bible Society of India, 2017.
Used by permission. All rights reserved worldwide.
