युहुन्ना निसुम्
निसुम्
कन् साप्पन्निन् सेःक्युक्मिबा युहुन्नारे़ साप्तुबा सःप्मा नु सिराॽ थाङ्माल्ले़न् सुनाइङ्लो॥ कन् साप्पन्नो युहुन्नाःल्ले़ ये़सुन् निङ्वाॽफुमाङ्ङिल्ले़ मे़न्नुप्मनाबा कुबाःन्जाक्किन् हे़क्क्याङ् मे़न्छाम्गे़न् याप्मि ले़ङ्सिङ्ङाङ् मनालुम्मो थाःम्सिङ्लो फाॽआङ् साप्तुआङ् पत्॥ ये़सुन् ने निङ्वाॽफुसा नु माङ्हे़क् चोगे़बा से़न्लप्दाङ्बा फाॽआङ् कन् साप्पन्निन् के़निःप्पाहाॽरे़ नसान् मे़जोगुर हे़क्क्याङ् खे़न् नसाःन्लाम्बा मे़न्नुप्मनाबा हिङ्मन्निन् मे़घोसुर के़लॽबा कन् साप्पन्निल्ले़ कुदाराप्लो॥
निङ्वाॽफु पाःन्जाक् नु ये़सुःन्ग लत्छासि लॽरिक् कन् साप्पन्निल्ले़ पाःत्तुॽरो॥ हे़क्क्याङ् कन् सुनाइङ्ङिल्ले़न् थिक्सिगेक्पा लक्को ये़सुरे़ चोगुबा निङ्वाॽ के़माबा याःम्बक्हाॽरे़ खुने़ॽए निङ्वाॽफुसा नु माङ्हे़क् चोगे़बा से़न्लप्दाङ्बा फाॽआङ् ओसेःन्दाङ् चोगुरो॥ कन् थिक्सिगेक्पा लक्को आक्खेलॽरिक् मनाहाॽरे़ ये़सुन् नसान् मे़जोगुआङ् कुहुॽसाम्बा मे़बोःक्खे़ के़लॽबान् हे़क्क्याङ् वेॽहाॽरे़ खुने़ॽ मे़अत्तुर कुदक्ले़ङ्वाओ मे़बोगे़बा हे़क्क्याङ् खुने़ॽ नसान् मे़न्जोगुन्बा पाःन्निन् साप्ते़आङ् पत्लो॥ हे़क्क्याङ् नाःत्ला १३-१८ ओ खुने़ॽ सिलाम्साक्मा सिङ्सम्दाङ् फोःम्मानुःल्ले़ तगि हुॽसाम्बाहाॽनु सेसे तङ्जुम् नु माङ्से़वा चोगुबा, हे़क्क्याङ् खे़ङ्हाॽ माङ्से़वा याःम्बक्को यारिप् चोगुसिबा नु आःन्छिङ्मा पिरुसिबा पाःन्निन् पत्लो॥ हे़क्क्याङ् एगाङ्समा नाःत्लाहाॽओ ये़सुन् मे़दे़म्सुबा, सुहाङ्युक्पाल्ले़ हङ्साॽरुबा नु खुने़ॽ सिलाम्साक्मा सिङ्सम्दाङ् स्ये़आङ् सिमे़न्लाम्बा याम्मो हिङे़आङ् हुॽसाम्बाहाॽरो ओसेःन्धाक्सिङ्बा पाःन्हाॽ पत्लो॥
युहुन्नाःल्ले़ मे़न्नुप्मनाबा हिङ्मन्निन् ये़सुओरक् खोदे़त्लो हे़क्क्याङ् कङ्ग ये़सुन् लाम्, से़क्खा नु हिङ्मन् फाॽआङ् नसान् चोःक्माआङ् खुने़ॽओ तामाल्ले़रक् खोदे़त् लॽरिक् आहुॽरो॥ कन् सुनाइङ्ङो निङ्वाॽ के़माबा पाःन्निन् थे वाॽभे़ल्ले़ याम्साम्गे़न् पाःन्निन् मनाहाॽरे़ कुसिङ् मे़निःत्तुर फाॽआङ् च्वाःत्, खरे़ःङ्, ओःत्ति, मे़ल्लुक्कम्बा नु मे़ल्लुक्, हे़क्क्याङ् चे़ल्ले़क्सेॽ पुङ्मान् नु कुसेॽ हे़क्तङ्बा उसुरुबा पाःन्हाॽरे़ कुबिहाॽ ओगप् चोगुआङ् वाॽरो॥
ताङ्बा थामिङ्
कुहेःक्सिङ्मा पान् १:१-१८
बप्तिस्मा के़बिबा युहुन्नान् नु ये़सुरे़ कुहुॽसाम्बाहाॽ १:१९-५१
ये़सुरे़ मे़न्जिङ्सिङ्ङे माङ्से़वा याःम्बक् चोगुॽ २:१–१२:५०
ये़सुन् यरुसले़म ना कत्ना वये़बा कुनुप्मा ये़न्हाॽ १३:१–१९:४२
दाङ्बान् सिमे़न्लाम् याम्मो हिङे़आङ् ओसेःन्धाक्सिङ् २०:१-३१
ये़सुन् याम्मो गालिल थुम्मो कुहुॽसाम्बाहाॽरो ओसेःन्धाक्सिङ् २१:१-२५
Currently Selected:
युहुन्ना निसुम्: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.