हिब्रु निसुम्
निसुम्
कन् सक्इङ्घङ्ङिन् आत्तिन् सेसेहुप्लक्ले़ लागिआङ् साप्ते़बा मेःन्, कर कुभा नसानिबा लक्हाॽरे़ लागि साप्ते़बारो॥ नसानिबाहाॽरे़ खुनिॽ तक्ले़ङ्वाओ साॽरिक् निङ्घुम्मिन् पोरे़र पत्छे़बाल्ले़ चोगुल्ले़ नसानिबाहाॽरे़ ये़सु ख्रिस्ते़न् मे़जोगुबा खुनिॽ नसाःन्निन् मे़ले़रु मे़देसुबि फाॽआङ् किमान् वये़॥ खे़ल्ले़चोगुल्ले़ खे़न् नसानिबाहाॽ हाङ्हाङ् नु आःन्छिङ्मा पिमासि हे़क्क्याङ् ये़सुन् ने आले़क्खा निङ्वाॽफुमाङ्ङिल्ले़न् निगे़धाःप्पा निस्सेबा कुबि कुइत्छाप्लो फाॽआङ् कन् सक्इङ्घङ्ङिन् साप्ते़बारो॥ कन् पाःन्निन् निःन्धो चोःक्मारे़ लागि सक्इङ्घङ् के़साप्पाल्ले़ कन् सुम्सि के़ये़क्पा पाःन्हाॽ चे़क्खुर साप्तुरो—
(क) ये़सुन् निङ्वाॽफुमाङ्ङिल्ले़न् मे़न्नुप्मनाबा आबुगे़न् कुस्सारो, हे़क्क्याङ् खुने़ॽ काक् इनोगे़न् तुक्खेहाॽ थरुआङ् पानुदिङ् पा निङ्वाॽफुमाङ्ङिल्ले़ कुइङ्जाङ्ङिन् ते़न्दिङ् चोःक्मा हुॽसिङ्लो॥ ये़सुन् निङ्वाॽफुसा वये़बाल्ले़ चोगुल्ले़ काक् माङ्निङ्वाॽपान् के़बाःप्पाहाॽ, माङ्लाइङ्बाहाॽ हे़क्क्याङ् मोसाःन्नुःल्ले़आङ् यम्बा चोक्लो॥
(ख) निङ्वाॽफुसा ये़सुःन्ग मे़न्नुप्मनाबा निङ्वाॽफुसाम्बारो, हे़क्क्याङ् तगिबा माङ्हुप्पोबा निङ्वाॽफुसाम्बाहाॽ नुःल्ले़आङ् यम्बा चोक्लो॥
(ग) आनिॽ मानिङ्वाॽफुसाम्बा ये़सुरे़ नसानिबा आत्तिन्छाङ् लायोलाम्, किमालाम् हे़क्क्याङ् सिमे़न्लाम्बा ताङ्से़ःप्तुॽरो॥ कन् पाःन्निङ्ग यहुदि साम्योथिम् नु थक्सा सिदुङ्जभा चोःक्मा थिम्लाम्बा तगिसा ओसेःन्दाङ् पोःक्खे़चुरे़आङ् वये़रो॥
नाःत्ला थिक् थिक्को (११) सक्इङ्घङ् के़साप्पाल्ले़ हे़न्निःप्पाहाॽ इस्राइलि साप्मुन्धुम्मोबा के़इङ्बा नसाःन्साबा मनाहाॽरे़ कुबि पिरुसिर नसाःन्लाम्मे हिङ्मा पोङ् लॽरिक् पेलि फाक्तुसिरो॥ हे़क्क्याङ् नाःत्ला थिक्ने़त्तो (१२) सक्इङ्घङ् के़साप्पाल्ले़ ये़सुन् ओमे़त्तुम्, कुनुप्मो थारिक् नसाःन्नो के़धुम्बा पोःक्खि हे़क्क्याङ् आक्खे़न् इनोगे़न् तुक्खे नु निङ्घुम् तासाङ् नसाःन्नो लिङ्बित्ताङ् वाॽमा पोङ् फाॽआङ् हाङ्हाङ् मे़त्तुसिॽरो॥ कन् सक्इङ्घङ्ङिन् सुजा नु साम्दिङ्गे़न् पाःन्सुत्लाहाॽनु नुप्लो॥
ताङ्बा थामिङ्
निसुम्—ख्रिस्ते़न् निङ्वाॽफुमाङ्ङिल्ले़ से़क्खाबा कुनाइबेक् १:१-३
ख्रिस्ते़न् माङ्लाइङ्बाहाॽनुःल्ले़आङ् पयम् यम्बा चोक् १:४–२:१८
मोसान् नु यहोसुन् नुःल्ले़आङ् ख्रिस्ते़न् पयम् यम्बा चोक् ३:१–४:१३
ख्रिस्ते़न् के़रे़क्नुःल्ले़ पयम् यम्बा निङ्वाॽफुसाम्बा चोक् ४:१४–७:२८
ख्रिस्तरे़ चोगुबा माङ्हे़क्किन् पयम् यम्बा चोक् ८:१–९:२२
ख्रिस्ते़न् सिदुङ्जभा पोःक्खे़बान् पयम् यम्बा चोक् ९:२३–१०:३९
नसाःन्निन् काक्नुःल्ले़आङ् के़ये़क्पा चोक् ११:१–१२:२९
निङ्वाॽफुमाङ्ङिल्ले़ कुनिङ्वाॽ तामा पिमा १३:१-१९
कुनुप्मा तुवा नु पाःन्जाक्हाॽ १३:२०-२५
Currently Selected:
हिब्रु निसुम्: LIF
Highlight
Share
Copy
Want to have your highlights saved across all your devices? Sign up or sign in
© 2009, 2023, Wycliffe Bible Translators, Inc. All rights reserved.