ZAKALIYA 11
11
1KINGURA enyigi zawe Lebanoni, omu'ro gulye emikogoto yawe. 2Cura, iwe omusambya, baitu okukogoto gugwire, baitu emirungi esisikaire: mucule, inywe emihomozi za Basani, baitu ekibira kyamani kigwire. 3Iraka erokucura kwabalisa! baitu ekitinisa kyabu kisisikaire: iraka eryokububura kwentale ensigazi! baitu emyehembo ya Yorudani enyagirwe. 4Nubwo agambire MUKAMA Ruhanga wange: ati Lisa igana eryokuitwa; 5bakama bazo baziita, nibatekereza tibanyina omusango; kandi abo abazigura bagamba ngu MUKAMA asimwe, baitu ndi muguda: nabalisa bazo zonka tibaziganyira. 6Baitu tindigaruka okuganyira abomu nsi, agambire MUKAMA: baitu dora, ndihayo abasaija omuntu wena omu mukono gwa mutahiwe, nomu mukono gwomukamawe, kandi balitema ensi, kandi tindibajuna omu mukono gwabu. 7Nukwo nalisa igana eryokuitwa, abanaku mali abomu igana. Kandi natwara namberendi emiigo ebiro: ogumu nagweta Burungi, nogundi nagweta Obukoba; nalisa igana. 8Kandi namaraho abalisa abo basatu omu kwezi kumu, baitu obwomezi bwange bukabatamwa, kandi nobwomezi bwabu bwatamwa nyowe. 9Nubwo nagamba nti Tindibalisa: ekirukufa kife; nekirukuhwereke'ra kihwereke're; nabo abasigaraho balyangane emibiri yabu. 10Nakwata omuigo gwange Burungi, nagucwamu habiri, ncwe ekiragano kyange ekinakozire namahanga gona. 11Kandi gukacweka ha kiro eki: kandi nukwo abanaku abomu igana abahurire nyowe bamanya ngu nikyo kigambo kya MUKAMA. 12Nabagambira nti Obumuraba nimusima, mumpe empera yange; kandi obumutasima muleke. Nubwo balenga empera yange ebicweka byefeza amakumi asatu. 13MUKAMA yangambira ati Binagire omubumbi, omuhendo omurungi ogubandamire. Nakwata ebicweka byefeza amakumi asatu, nabinagira omubumbi omu nju ya MUKAMA. 14Nubwo nacwamu habiri omuigo gwange ogundi, Bukoba, ncwe oruganda orwa Yuda na Isareri.
15MUKAMA yangambira ati Garuka okutwara namberoli ebintu ebyomulisa omudomadoma. 16Baitu dora, ndiimukya omulisa omu nsi, atalise'ra ezi ezihwerekerire, kunu talise'ra ezi ezirarangire, nobukwakuba okukiza ezihendekere; kunu talirisa ezi ezomire, baitu alirya enyama yezi ezigomokere, alitematema ebirenge byazo. 17Ziribona omulisa ogu atarukugasa arukusiga igana! busitama eriba ha mukonogwe, na ha risolye eryobulyo: omukonogwe gulyomera kimu, nerisolye eryobulyo liriiga'rwa kimu.
Currently Selected:
ZAKALIYA 11: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
