ZAKALIYA 1

1OMU kwezi kwa munana, omu mwaka gwa Daliyo ogwakabiri, ekigambo kya MUKAMA kikaija hali Zakaliya mutabani wa Berekiya, mutabani wa 2Ido nabi ngu MUKAMA akabihirwa muno baisenkuru inywe. 3Nukwo agambire MUKAMA wamahe ati Mugaruke namberendi, agambire MUKAMA wamahe, nanyowe ndigaruka namberemuli, agambire MUKAMA wamahe. 4Mutasisana nkabaisenkuru inywe, banabi abaira ababamirire ngu Nukwo agambire MUKAMA wamahe ati Mugaruke hati bunu muleke emihanda yanyu emibi, nengeso zanyu embi; baitu batahu're, nobukwakuba okuhu'ra nyowe, agambire MUKAMA. 5Baisenkuru inywe balinkaha? nabanabi nibaikaraho bali bomezi ebiro byona? 6Baitu ebigambo byange nebyange ebinataireho, ebinaragire abairu bange banabi, bitahike ha baisenkuru inywe? kandi bagaruka nibagamba ngu Nka MUKAMA wamahe okuyatekerize okutukora, nkemihanda yaitu okweri, kandi nkengeso zaitu okuziri, nukwo atukozire ati.

7Ha kiro kyamakumi abiri mu bina ekyokwezi kwa ikumi na kumu, okwezi Sebati, omu mwaka gwa Daliyo ogwakabiri, ekigambo kya MUKAMA kikaija hali Zekaliya mutabani wa Berekiya, mutabani wa Ido nabi ati 8Nkaroro ekiro, kandi dora omusaija yayem'ra hagati yemiti emikadasi ekaberi omu kihanga; kandi hanyumaye hakaba haroho embarasi ezengaju nezamayenje nezirukwera. 9Nubwo nagamba nti Ai mukama wange, ebi kiki? Maraika akaba nabaza nanyowe yangambira ati Ndakwoleka binu okubiri. 10Kandi omusaija akaba ayemerire hagati yemiti emikadesi yagarukamu nagamba ati Ebi nibyo MUKAMA ebiyantumire okugendagenda omu nsi yona. 11Bagarukamu maraika wa MUKAMA akaba ayemerire hagati yemiti emikadesi, bagamba ngu Tumazire okugendagenda omu nsi, kandi dora, ensi yona eculire ehumuire. 12Nubwo maraika wa MUKAMA yagarukamu yagamba ati Ai MUKAMA wamahe, olihikya nkaha okutuganyira Yerusalemu nembuga za Yuda, eziwabihirirwe emyaka egi ensanju? 13Kandi MUKAMA yagarukamu maraika ayabalize nanyowe ebigambo ebirungi, ebigambo ebyokuhumuza. 14Nukwo maraika yabalize nanyowe yangambira ati Yami'ra nogamba oti Nukwo agambire MUKAMA wamahe ati Nkwasirwe ihali habwa Yerusalemu na habwa Sayuni nihali eringi muno. 15Kandi mbihirwe muno amahanga agahumuire: baitu nyowe nkaba mbihirwe kake, kandi bo bayongera okubonabonesa oku. 16Nikyo MUKAMA agambire ati Ngarukire Yerusalemu ebyokuganyira; enju yange eryombekwamu, agambire MUKAMA wamahe, kandi omuguha gulicundwa ha Yerusalemu.

17Garuka okwami'ra nogamba oti Nukwo agambire MUKAMA wamahe ati Embuga zange zirigaruka okugaliha hona habwokutunga omugisa; kandi MUKAMA aligaruka okuhumuza Sayuni, aligaruka okukomamu Yelusalemu.

18Naimukya amaiso gange, narora, kandi dora, amahembe ana. 19Nagambira maraika ayabalize nanyowe nti Ganu gaki? Yangarukamu ati Nigo mahembe agarahize Yuda, na Isareri na yerusalemu. 20MUKAMA yanyoleka abahesi bana. 21Nubwo nagamba nti Banu baizire okukora ki? Yagamba ati Ago nigo mahembe agararangize Yuda nukwo omuntu wena okuimukya ataimukye omutwegwe: baitu banu baizire okugakanga, okunaga hansi amahembe gamahanga, abaimukize ihembe lyabu hali ensi ya Yuda okugirahiza.

Currently Selected:

ZAKALIYA 1: BRR64

Highlight

Copy