ZABULI 5
5
Ya Mukuru Wabazini; nebintu ebiterwa norwoya. Zabuli ya Daudi.
1TEGERE okutu ebigambo byange, ai MUKAMA,
Oteho omutima hali ebitekerezo byange.
2Hu’ra iraka eryokukunga kwange, Omukama wange, kandi Ruhanga wange:
Baitu ninkusaba iwe.
3Ai MUKAMA, nyenkya orahu’raga iraka lyange;
Nyenkya ndasemezaga okusaba kwange haliwe, nindora.
4baitu toil Ruhanga anyakusemere’rwa obubi:
Obubi tibuliikara namberoli.
5Abanyakwekunika tibalyeme’ra omu maiso gawe:
Nonoba bona abanyakukora ebyokusisa.
6Olihwerekereza abo ababiha ebisuba:
7Baitu nyowe, omu kusagana kwembabazi zawe ndatahaga omu nju yawe;
Omu kutina iwe numwo ndaramazaga hali yekaru yawe erukwera.
8ontwale, ai MUKAMA, omu kuhiki’ra kwawe, obwabanyanzigwa bange;
Oterekereze omuhanda gwawe omu maiso gange.
9baitu busaho kwesigwa omu kanwa kabu;
Omutima gwabu bubi mali:
Omumiro gwabu kituro ekyasamirire;
Basiga norulimi rwabu.
10Obasingise omusango, ai Ruhanga;
Bangwe obwokuhanura kwabu bonka:
Obabinge obwokusisa kwabu okwingi;
Baitu bakwemire.
11Baitu bona abanyakwesiga iwe basemererwe,
Batoke obutosa obwokukyanganuka, baitu niwe obalinda:
Nabo abagonza ibara lyawe basemererwe omuliwe.
12baitu olimuha anyakuhikirire omugisa;
Ai MUKAMA, olimwehinguliriza nembabazi nkengabu.
Currently Selected:
ZABULI 5: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
