ZABULI 3
3
Zabuli ya Daudi obuyairukire Abusolomu muatabaniwe.
1MUKAMA, abanyanzigwa bange bakanyire!
Baingi abanyimukirire.
2Haroho baingi abagambira obwomezi bwange.
Ngu Tayina kujunwa hali Ruhanga. [ Sera
3Baitu iwe, ai MUKAMA, olingabo eyokundinda;
Kitinisa kyange, kandi noimukya omutwe gwange.
4Ninkunga MUKAMA niraka lyange,
Nauwe angarukamu, nayema ha rusozirwe orurukwera. [ Sera
5Nkabyama, nagwijagira;
Nasisimuka; baitu MUKAMA nuwe andinda.
6Tinditina obukumi bwabantu,
Abanyehingulirize okundamagira embaju zona.
7Omuka, ai MUKAMA; njuna, ai Ruhanga wange:
baitu okatera abanyanzigwa bange bona ha rusaya;
Wacwa amaino gababi.
8Okusingura kuli kwa MUKAMA:
mugisa gwawe guikale ha Bantu bawe, [Sera]
Currently Selected:
ZABULI 3: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
