ZABULI 132
132
Ekizina ekyaha matembero.
1MUKAMA, ijukira Daudi
Muhitogwe gwona;
2Okuyarahirire MUKAMA,
Narahira ekirahiro hali Emanziya Yakobo. 3Mazimakwo rinditaha omu hema eyenju yange.
Nobukwakuba okutemba ha kitabu kyange:
4Tindigaha amaiso gange okugwijagira,
Nobutwakuba oturo hali ebikohi byange;
5Okuhikya obundizo’ra MUKAMA ekiikaro,
Ehema eyemanzi ya Yakobo.
6Dora, tukakihu’ra omu eferata:
Tukakizora omu kiikaro kyekibira.
7Tulitaha omu hemaze;
Tuliramiza ha katabe akebigerebye.
8Imuka, ai MUKAMA, otahe omu kiikaro kyawe ekyokuhumu’ramu;
Iwe, nesanduko eyamani gawe.
9Banyakatagara bawe bajwale okuhiki’ra;
Nabarukwera bawe batere obwogo obwokusemererwa.
10Habwonuiru wawe Daudi
Otabinga maiso gogu owasesereho amagita.
11MUKAMA akarahi’ra Daudi namananu;
Talihinduka okugaleka:
Ha byana ebyomubiri gwawe ndita ha kitebe kyawe.
12Abana bawe obubaraikirizaga okwerinda ekiragano kyange
Nebyokumanyisa ebindabegesaga,
Kandi nabana babu baliika’ra ha kitebe kyawe ebiro byona.
13Baitu MUKAMA akakomamu Sayuni;
Akarwegomboza okuruikaramu.
14Kinu nikyo kiikaro ekimpumu’ramu ebiro byona:
Nuho ndaikaraga; baitu nkarwegomboza.
15Ndaruhaga omugisa mwingi omweru gwarwo:
Ndaigusaga nebyokulya abasege barwo.
16Banyakatagara barwo nabo ndajwekaga okujunwa:
Nabarukwera barwo balitera Obwogo obwokusemererwa.
17Nuho ndizaleza ihembe lya Daudi:
Nkamutekaniriza etabaza ogu ounasesereho amagita.
18Abanyanzigwabe ndibajweka ensoni:
Baitu ha mutwegwe ekondoye eriba nomugisa.
Currently Selected:
ZABULI 132: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
