MARAKO 14

1KANDI ebiro bibiri obubyahinguireho, hakabaho Okuhingurwaho, nemigati etatumbisibwe: kandi banyakatagara abakuru nabahandiki bakase’ra okubaramugobeza okumukwata, nokumuita: 2baitu bakagamba ngu Kitaba ha kiro kyobugenyi, hatabaho okuimuki’ra omu Bantu.

3Kandi obwakaba ali omu Besaniya omu nju ya Simoni omugenge, aikalirire ha byokulya, omukazi akabanyina orusale orwamagita ageseta agomuhendo omwingi muno yaija, yayata orusale, yagasesa ha mutwegwe. 4Baitu hakaba haloho abamu abahihirwe bonka, bibagamba ngu Amagita gafire ki gati? 5baitu amagita ganu bakusoboire okugaguramu edinali bikumi bisatu nokukiraho, nokukgabira abasege. 6Bamuhyemera. Baitu Yesu yagamba ati Mumuleke; nimumutuntuliza ki? ankolire omulimo ogusemire.

7Baitu abasege nibo muikara nabo obutosa; kandi obumurakagonzaga bwona murasoboraga okubakora okurungi: baitu nyowe timuikara nanyowe obutosa. 8Akozire nkokwasoboire: abandize okusesa amagita ha mubiri gwange okunzika. 9Mananukwo nimbagambira nti Enjuri nambere erakagambwaga hona oomu nsi zona, nakyo omukazi onu ekyakozire kiragambwahoga okumuijukyaga.

10Kandi Yuda Isikalyota, akabali omu hali ikumi nababiri, akagenda hali banyakatagara abakuru, amuheyo namberebali. 11Kandi obubahulire, basemererwa, bamuraganiza okukmuha erupiya. Yase’ra obwararora akasumi okumuhayo.

12Kandi ha kiro ekyokubanza ekyemigati etatumbisibwe, nambere basa’ra Okuhingurwaho, abegeswabe bamugambira ngu Noyenda tugende nkaha tutekanize nambere oralira Okuhingurwaho? 13Yatuma babiri hali abegeswabe, nabagambira ati Mutahe omu rubuga, nuho muratangana omusaija ayetwekere omunaga gwamaizi: 14mumukuratire; harakataha hona, mugambire nyineka ngu Omwegesa agambire ati Enju eraha eyindaliramu Okuhingurwaho nabegeswa bange? 15kandi araboleka wenka enju enkoto eyahaiguru eyalirwe etekanizebwe: numwo mututekanirizemu. 16Kandi abegeswa barugayo, bataha omu rubuga, basanga nkokuyabambire: batekanize Okuhingurwaho.

17Kandi obuire obubukaba buizire, yaija naikumi nababiri. 18Kandi obukaba baikalire ha byokulya, Yesu yagamba ati Mananukwo nimbagambira nti Omu halinywe, arukulya nanyowe, arangobeza. 19Babanza okutuntura, nokumugambira omuomu ngu Ninyowe? 20Yabagambira ati Omu hali ikumi nababiri, arukukoleza nanyowe omu kibindi nuwogu. 21Baitu Omwana womuntu nagenda, nkokukyamuhandikirweho: baitu zirimubona omuntu ogu arukugobeza Omwana womuntu! kyakubaire kirungi hali omuntu ogu kakuba atarazairwe. 22Obubakaba nibalya, yakwata omugati, kandi obuyamazire okusima, yagucwamu, yabaha, nagamba ati Mukwate; gunu nugwo mubiri gwange. 23Yakwata empwahwa, kandi obuyamazire okusima, yabaha: baginywaho bona. 24Yabagambira ati Enu niyo esagama yange eyekiragano, eyaseseka habwabaingi. 25Mananukwo nimbagambira nti Tindinywa kandi ha byana byomuzabibu, okuhukya ekiro eki obundigunywa omuhyaka omu bukama bwa Ruhanga.

26Kandi obubamazire okkuzina ekizina, baturuka, nibagenda hali orusozi rwa Zeituni.

27Kandi Yesu yabagambira ati Inywe inywena murayesitaho: baitu kikahandikwa ngu Nditera omulisa, nentama ziriraragana. 28Baitu obundimara okuhumburwa, ndibebembera okugenda Galiraya. 29Baitu Petero yamugambira ati Bona nobubaraba nibesitara, baitu nyowe tinyesitale. 30Yesu yamugambira ati Mananukwo ninkugambira nti iwe, hati, ekiro kinu, enkoko etakakokere emirundi ebiri, oranyehakana emirundi esatu. 31Baitu yayeyongera muno okugamba ati Nobukiraba kimpikirire okufera hamu naiwe, tinkwehakane na kake. Kandi bona nukwo bagambire bati.

32Kandi baija hali ekiikaro, ibara lyakyo Gesesemane: yagambira abegeswabe ati Muikalege hanu, nyowe nsabe. 33Yatwara hamu nauwe Petero na Yohana, yabanza okuhuni’ra, nokutuntura muno. 34Yabagambira ati Omutima gwange gunyina obujune bwingi, bibuija okunyita: muikalege hanu, murole. 35Yagendaho hake, yainama hansi, nasaba, kiraba nikisoboka, akacu kamurugeho. 36Yagamba ati Aba, Isenyowe, byona nibisoboka hali iwe; nyiihaho empwahwa enu; baitu kitaba nka nyowe okundukugonza, rundi nka iwe okworukugonza. 37Kandi Yaija, yabasanga bagwihagire, yagambira Petero ati Simoni, Ogwijagire? Obaire otanyina amani kurora nesaha emu? 38Murole, musabe, mutataha omu kwohebwa: omutima nugwo gurukugonza mali, baitu omubiri mugara. 39Yagaruka okurugayo, yaaba, nagamba ebigambo bimu na biri, Kandi yagaruka, 40Yabasanga bagwijagire, baitu amaiso gabu gakaba nigabakamba; kandi batamanye okubaramugarukamu. 41Kandi yaija obwakasatu, yabagambira ati Mugwijagire hati bunu, muhumule: kiramara; akasumi kahikire; dora, Omwana womuntu tahebwayo omu Mukono yabasisis. 42Muimuke, tugende: doraarukugobeza amalize kuhika.

43Ahonaho obwakaba bakigamba, Yuda, omu hali ikumi nababiri, yaija, nekitebe hamu nauwe, bayina empirima nemiigo, barugire gali banyakatagara abakuru nabahandiki, nabakuru. 44kandi ogu ayamugobize akaba abahaire akokuro’raho, nagamba ati Oundanywegera, nuwogu; mumukwate, muutwale aboherwe. 45Kandi obuyahikire, ahonaho yaija nambereli nagamba ati Rabi,yamunywegera muno. 46Bamutaho emikono, bamukwata. 47Baitu omu hali abo abakaba bemerire haihi yasomora empirimaye, yatema omuiru rubale wa nyakatagara omukuru wabu yamucwaho okutu. 48kandi Yesu yagarukamu nabagambira ati Munyizirirew, nkokumuizira omusuma, empirima nemiigo okunkwata? 49Obukyabukya naikaraga nainywe omu yekaru ninyegesa, kandi mutankwate: baitu kinu kyakorwa ebyahandikirwe bihiki’re. 50Kandi bona bamusiga, nibairuka.

51Kandi omusigazi omu yamukuratira, akaba ayeswekerire orugoye orwa bafuta rwonka: 52bamukwata; baitu yasiga orugoye orwa bafuta, yairuka busa.

53Kandi batwara Yesu hali nyakatagara omukuru wabu: hamuso’rokaniraho banyakatagara abakuru bona, nabakuru, nabahandiki. 54kandi petero akaba amukuratire hara, yatahamu omu mulyango gwa nyakatagara omukuru wabu; kandi akaba aikalire hamu nabahereza, nayota nambere omu’ro gwakire. 55Kandi banyakatagara abakuru nabomu rukurato bona bakase’ra bakaiso hali Yesu abokumuisa, kandi tibababona. 56baitu baingi abamuhambirize ebyebisuba, kandi okuhambiriza kwabu kukaba kutalikumu. 57kandi abandi nbakaimuka nibamuhambiriza nibagamba ngu 58Itwe tukamuhu’ra nagamba ati Ndisesa yekaru enu enyakukozirwe nemikono, kandi ebiro bisatu numwo ndyombekeramu endi etarukukorwa nemikono. 59Kandi nokuhambiriza kwabu oku nakwo kukaba kutalikumu. 60Kandi nyakatagara omukuru wabu yayeme’ra hagati nakaguza Yesu nagamba ati Torukwanukura na kake? Kiki ekibarukukuhambiriza? 61Baitu yaculera kwonka okutagarukamu kigambo. Nyakatagara omukuru wabu nyagaruka okumukaguza, namugambira ati Niwe kristo, Omwana wogu Ahairwe omugisa? 62Yesu yagarukamu ati Ninyowogu; nainywe mulirora Omwana womuntu aikalire ha Mukono ogwobulyo ogwobusobozi, naija nebicu ebyahaiguru. 63kandi nyakatagara omukuru wabu yatemura ebyokujwarabye, nagamba ati Ntuseru’ra ki bakaiso abandi? 64Inywe muhulire okumakwe: nimutekereza muta? Bona bamucwera omusango ngu asemerire okufa. 65Kandi abamu babanza okumucwera amacwanta, nokumusweke’ra amaiso, noku mutera, nokumugambira ngu Rugura: nabahereza bamutwara nibamutera empi.

66Kandi Petero obwakabali ifo omu mulyamgo, omu hali abazana ba nyakatagara omukuru wabu yaija; 67kandi obuyaboine Petero nayota, yamurora, nagamba ati naiwe okaboli hamu na Yesu owa nazales. 68Baitu yayehakana nagamba ati Tindukumanya, nobukwakuba okwetegereza ekyorukugamba: yagenda aheru omu kiti kyomulyango; enkoko yakoka. 69Kandi omuzana ogu yamurora, yabanza okugambira abakaba bemerireho ati Onu wowabu. 70Yagaruka okwehakana. Kandi akacu kake obukahinguireho abakaba bemerire haihi bagaruka okugambira Petero ngu Mananukwo oli wowabu; 71baitu oli Mugalitaya. Baitu yabanza okukyena, nokurahira ati Timanyire omuntu ogu oumugambire. 72Ahonaho enkoko yakoka obwakabiri. Petero yaijuka ekigambo kya Yesu okuyamugambire ati Enkoko eraba etakakokere emirundi esatu. Kandi obuyakitekereze ya’ra.

Currently Selected:

MARAKO 14: BRR64

Highlight

Copy