MARAKO 11

1KANDI obubairire haihi na Yerusalemu, bahikire besifage na Besaniya, ha rusozi orwa Zeituni, yatuma abegeswabe babiri, 2nabagambira ati Mugende omu kika ekibali omu miso: kandi obumurakataha omu, ahonaho murasanga omwana gwenkaina bagusibikire, ogutakatembwahoga muntu; mugusibule, mugulete. 3Omuntu obwaraba nabagambira ati Nimuko’ra ki kinu? Inywe mugambe ngu Mukama waitu naguse’ra; ahonaho araguga’ra kunu. 4bagenda, basanga omwana gwenkaina bagusibikire ha irembo aheru omu ikute; bagusibula. 5Kandi abamu hali abo abakaba bemerire aho, babagambira ngu Nimukora ki okusibula omwana gwenkaina? 6Babagambira nka Yesu okuyagambire: babaleka. 7Kandi baleta omwana gwenkaina hali Yesu, bagunagaho ebyokujwara byabu; 8yagutemba. Baingi baya’ra ebyokujwara byabu ha muhanda: abandi baya’ra amababi, agabatemere omu misiri. 9Abakaba bebembire, nabali abakuratire, bagambire nabali abakuratire, bagambira haiguru ngu Hosana; Ahairwe omugisa arukuija omu ibara lya Mukama: 10Buhairwe omugisa obukama obwaija, obwa Isenkuru itwe Daudi: Hosana haiguru muno.

11Kandi yahika yerusalemu,yataha omu yekaru; obuyamazire okubungyamu amaiso okurora byona, obuire bukaba bwa’sa kuira, yaturuka, nagenda Besaniya nikumi nababiri.

12Kandi nyenka, obuire bukire, obubakaba barugire omu Besaniya,yarumwa enjara. 13Obuyarozire hara omutini ogunyakuroho amababi, yaguhikaho, rundi azoleho kintu: kandi obuyaguhikireho, tiyabona kantu, rundi amababi kwonka; baitu bikaba bitali biro bya itini. 14Yagarukamu nagugambira ati Okubanza hati omuntu atalirya ha byana byawe ebiro nebiro.Nabegeswa bakaku’ra.

15Kandi bahika Yerusalemu: yataha omu yekaru, yabanza okubingamu abakaba nibaguza nabagu’ra omu yekaru, yajumika emeza zabanyakuhingisa efeza, nentebe zabo abagura amaiba; 16kandi ataikirize muntu wena okurabya ekibindi omuyekaru. 17Yayegesa, nabagambira ati Kitahandikwe ngu Enju yange erayetwaga nju yokusabiramuga habwamahanga gona? Baitu inywe mukagifora obuingira bwabanyagi. 18Banyakatagara abakuru nabahandiki obubakihulire, base’ra okubalimuhwerekereza: baitu bakamutina, baitu ebitebe byona bakahuni’ra obwokwegesakwe.

19Kandi obuire obubwairaga yaturukaga omu rubuga.

20Kandi nyenkya obuire bukire, obubakaba nibaraba, barora omutini gwomere okuruga omu kikoro. 21Petero yaijuka yamugambira ati Rabi, dora, omutini oguwakyenere gwomere. 22Yesu yagarukamu nabagambira ati Mube nokuikiriza hali Ruhanga. 23Mananukwo nimbagambira nti Wena aligambira orusozi runu ngu Sindukaho, onagwe omu myanja; atarukugurukyagurukya omu mutimagwe, baitu naikiriza ngu ekyarukugamba nikyo kirahiki’ra; nuwe alikihebwa. 24Nikyo ndukubagambi’ra nti Ebigambo ebimurakasabaga byona nokwesengereza, muikirizege ngu mubihairwe, kandi murabihebwaga. 25Kandi obumurayeme raga nimusaba, muganyirege, obumurabaga muyina ekigambo ha muntu; na Isinywe anyakuli omu iguru abaganyirege ebyokusisabyanyu. 26Baitu obumutaganyira, na Isinywe anyakuli omu igurutaliganyira ebyokusisa byanyu]

27Kandi bagaruka hali Yerusalemu; kandi obwakaba nagendera omu yekaru, hakaija namberali banyakatagara abakuru, nabahandiki, nabakuru; 28bamugambira ngu Busabozi ki oburukukukoza binu? 29Kandi Yesu yabagambira ati nanyowe ndabakaguza inywe ekigambo kimu, mungarukemu, nanyowe ndabakaguza inywe ekigambo kimu, mungarikemu, nanyowe ndabatebeza inywe obusobozi okubuli oburukunkoza binu. 30Okubatiza kwa Yohana kukaruga omu iguru, nandiki omu Bantu? Mungarukemu. 31Bakaguzangana bonka, nibagamba ngu Obuturaba ntugamba ngu Obuturaba ntugamba ngu Kukaruga omu iguru; aragamba ati kandi kiki ekyabahinzire okumuikiriza? 32Baitu obuturaba ntuganba ngu Kukaruga omu Bantu_ bakatina abantu: baitu bona bakatekereza mali Yohana okuba nabi. 33bagarukamu Yesu nibagamba ngu Titumanyire. Yesu yabagambira ati nanyowe Tindukubatebeza inywe obusobozi okubuli oburukunkoza binu.

Currently Selected:

MARAKO 11: BRR64

Highlight

Copy