MARAKI 3

1DORA, nintuma omukwenda wange, kandi alitekaniza omuhanda omu maiso gange: kandi Mukama, oumurukuse'ra aliija bwango hali yekaruye; nomukwenda wekiragano oumurukukyanganukira, dora naija, agambire MUKAMA wamahe. 2Baitu noha asobora okumisiriza ekiro kyokuijakwe? kandi noha alyeme'raho ogu obwalizoka? Baitu nasisana nkomu'ro gwomusemeza wezabu, kandi nkesabuni yomwogi: 3Kandi aliika'ra nkarukusemeza efeza nagiihamu ebyenga, kandi alisemeza abana ba Levi, kandi alibamaramu ebyenga nkezabu nefeza; kandi balihongera MUKAMA ebihongwa omu kuhiki'ra. 4Nubwo ekihongwa kya Yuda na Yerusalemu kirisemera hali MUKAMA, nkomu biro byaira, kandi nkomu myaka eya kara. 5Kandi ndibai'ra haihi okucwa emisango; kandi ndiba kaiso arukwanguha hali embandwa, na hali abasihani, na: hali abarahira ebisuba; na hali abo abarukwendereza empera, nomufakati, nenfuzi, nabo abahabisa obulyo bwomunyaihanga, kunu tibatina nyowe, agambire MUKAMA wamahe. 6Baitu nyowe MUKAMA tindukuhinduka: nikyo inywe abana ba Yakobo mutamalirweho.

7Okuruga omu biro baisenkuru inywe mukahunguka okuleka ebinaragire, timwabikwata. Mugaruke namberendi, nanyowe ndigaruka namberemuli, agambire MUKAMA wamahe. Baitu nimugamba muti Turagaruka tuta? 8Omuntu aliiba Ruhanga? baitu inywe nimuiba nyowe. Baitu nimugamba muti Tukakuiba tuta? omu bicweka kya ikumi nomu bihongwa. 9Mukyenerwe nomukyeno; baitu nimunyiba, inywe ihanga lyona. 10Mulete ekicweka kya ikumi ekihikire omu nguli, habe ebyokulya omu nju yange, kandi mukindengese hati bunu, agambire MUKAMA wamahe, obuntalibakingu'ra ebihengezi biiguru, nimbaiti'ra omugisa, kunu tihalibaho omwanya gwokuguikiriza. 11Kandi ndicomera omuli habwanyu, tihalihwerekereza ebyana biitaka lyanyu; kunu omuzabibu gwanyu tigulinaga ebyana byagwo akasumi katakahikire omu rogonjo, agambire MUKAMA wamahe. 12Namahanga gona galibeta abomugisa: baitu muliba ensi eyokusemererwa, agambire MUKAMA wamahe.

13Ebigambo byanyu bikaba bigumangaine namberendi, agambire MUKAMA. Baitu nimugamba muti Tukakugambaho tuta? 14Mukagamba ngu Tikirukugasa okuko'ra Ruhanga: kandi kikagasa ki itwe okwerinda ekiyaragire, nokugenda nobujune omu maiso ga MUKAMA wamahe? 15Kandi hati bunu abemyehembo ntubeta abomugisa; ego, abo abakora kubi nibombekwa; ego, nibalenga Ruhanga, kandi nibaikara. 16Nubwo abo abatinire MUKAMA bagambirangana bonka: MUKAMA yatega amatu yahu'ra, kandi ekitabu ekyokuijukya kyahandikwa omu maisoge, habwabo abatinire MUKAMA, nibatekereza ibaralye. 17Kandi baliba bange, agambire MUKAMA wamahe, omu kiro eki ekinditaho, itungo eryobweremera; kandi ndibaganyira, nkomuntu okwaganyira omwanawe wena arukumuko'ra. 18Nubwo muligaruka mulibaganizamu abahikirire nababi, ogu arukuko'ra Ruhanga, nogu atarukumuko'ra.

Currently Selected:

MARAKI 3: BRR64

Highlight

Copy