LUKA 16

1KANDI akagambira abegeswa ati Hakaba haloho omugunda omu, akaba ayina omuketo; ogu bakamunyege’ra haluwe okurarangize itungolye. 2Yamweta, yamugambira ati Kiki kinu ekindukuhu’ra haliwe? Bara omuhendo ogwobuketo bwawe; baitu tokyasobora kuikara omuketo. 3Omukoto yagamba omu ndaye ati Ndakora nta, baitu omukama wange anyakire obuketo? Tinyina mani gokulima; kandi nkwatwa ensoni okulega. 4Manyire ekindikora, oundikamara okwakwa obuketo, bantahyege omu maju gabu. 5Kandi yayeta namberali wena akaba natongwa mukamawe, yagambira owokubanza ati Mukama wange nakutonga ki? 6Yagamba ati Ebirengo byamagita kikumi.Yamugambira ati Kwata orupapura rwawe, oika’re bwango, ohandike amakumi atano. 7Kandi yagambira ondi ati Naiwe nakutonga ki? Yagamba ati Ebikodo ebyengano kikumi.Yamugambira ati Kwata orupapura rwawe, ohandikire kinana. 8Kandi mukamawe akanyumiza omuketo ogu atali wokuhiki’ra, baitu akagira amagezi: baitu abana abensi enu, omu businge bwabu, nibakira amagezi abana abomusana. 9Kandi nombagambira inywe nti Mweganjanire enganjani omu Mamona atali wokuki’ra; ogu obwalikahwaho, abo babatahyege omu hema ezebiro nebiro. 10Anyakwesigwa hali ekintu ekike muno, na hali ekingi ayesigwa: anyakugobeza hali ekigambo ekike muno agobeza na hali ekingi. 11Nukwo obumuraba mutali bokwesiga hali Manona atali wokuhiki’ra, noha alibahuza itungo eryamananu? 12Kandi obumutesigwa hali ebi ebyondi, ebyanyu noha alibibaha? 13Busaho muiru asobora okuko’ra bakama babiri, baitu alinobaho omu nagonzaho ondi; rundi aligumira homu nagaya ondi. Timurukusobora okuko’ra Ruhanga na Mamona. 14Nabafalisayo abakaba bali begombi berupiya, bakahu’ra ebi byona, bamusekereza. 15Uwe yabagambira ati Inywe muli hali abo abanyakwefora abahikirire omu maiso gabantu; baitu Ruhanga amanyire emitima yanyu: baitu ekinyakunyumizwa omu bantu kyokunugwa omu maiso ga Ruhanga. 16Ebiragiro nabanabi baikaraga okuhika hali Yohana: okuruga obu enjiri yobukama bwa Ruhanga etebezebwa, abantu bona babutahamu namani. 17Baitu nikirahuka iguru nensi okuhwaho, okukira enyuguta emu eyebiragiro okuhwaho. 18Wena anyakubinga mukaziwe naswera ondi buli asihaine: nanyakuswera ogu abingirwe iba buli asihaine: 19Kandi hakaba haloho omuguda omu, ayajwaraga orugoye orurukutukura na bafuta esemire, ayalyaga okurungi ebiro byona: 20kandi omulegi omu, ibaralye Lazaro, bamubyamyaga ha irembolye, aijuire ebihoya, 21nayegomba okuiguta oburagalika obwaragaraga ha meza yomuguda; ego, nembwa nazo zaijaga nizikomba ebihoyabye. 22Kandi kyahika omulegi akafa, yahimbwa bamaraika hali ekifuba kya Iburahimu: omugunda nauwe akafa, yazikwa. 23Omukuzimu nuho yaimukize amaisoge, nahu’rwa, naleba hara Iburahimu, na Lazaro ali ha kifubakye. 24Yayami’ra nagamba ati Tata Iburahimu, nganyira, otume Lazaro, aibike ensonga yorukumurwe omu maizi, afukirize orulimi rwange; baitu nimpu’rwa omu mu’ro gunu. 25Baitu Iburahimu yagamba ati Mwana wange, ijuka iwe okahebwa ebirungi byawe omu biro byobwomezi bwawe, na Lazaro nukwo yahairwe ebibihire: baitu hati bunu ahumuzibwe hanuna, iwe nohu’rwa. 26Kandi hebibyona, hagati yaitu nainywe haloho ekinongoro ekikoto kitairweho, abo abanyakwenda okuruga hanu okuhika namberemuli batasobora, kandi batahinguraho nomu okuruga oku okuhika halitwe. 27Uwe yagamba ati Nukwo tata, nkwesengerize okumutuma omba isenyowe; 28baitu nyina bagenzi bange batano; abe kaiso nambere bali, nabo bataija omu kiikaro kinu ekinyakurumu okuhu’rwa. 29Baitu Iburahimu yagamba ati Bayina Musa na 30banabi; babahu’rege abo. Yagamba ati Nangwa tata Iburahimu: baitu omuntu arugire omu bafu araba nagenda halibo balyegarukamu. 31Yamugambira ati Obubaraba batarukuhu’ra Musa na banabi, tibalihu’ra nobwakubaire omuntu ahumbukire omu bafu.

Currently Selected:

LUKA 16: BRR64

Highlight

Copy