LUKA 1
1
1NKOKUBAKABA bali baingi abatandikire okuhandika amakuru gebigambo ebi ebyahikizibwe omulitwe. 2nkokubatutebebize itwe, abaikaraga bakaiso, nabahereza bekigambo okuruga kara, na nyowe obunahe’ranizaga mali byona okuruga kara, 3nkarora kisemire okukuhandikira iwe, Teyofiro omurungi muno, nkokubyahe’raine; 4nukwo omanye amananu egebigambo ebiwayegesibwe. 5OMU businge bwa Herode, omukama Wabuyudaya, hakaba haroho nyakatagara omu, ibaralye Zakaliya, omu rubu rwa Abiya; kandi akabanyina mukaziwe owomu baisiki ba Aroni, ibaralye Erisabesi. 6Nabo bombi bakaba bali bahikirire omu maiso ga Ruhanga, bagenderaga omu biragiro byona nengeso zona ebya Mukama bataloho kabi. 7Kandi bakaba batanyina mwana, baitu Erisabesi akabali ngumba nabo bombi bakaba bakuzire muno omu myaka yabu. 8Kandi kyahika, obwakaba nokora emirimo eyoounyakatagara omu maiso ga Ruhanga. 9nkoruburwe okurukaba ruli, nkengeso eyobunyakatagara okwekaberi, omulimogwe gukaba guli okutaha omu yekaru ya Mukama okwotera eseta. 10Kandi ekitebe kyona ekyabantu kikaba nikisabira aheru omu kasumi akokwote’ramu. 11Kandi maraika wa Mukama akamubonekera, ayemerire ha mukono ogwobulyo ogwekyoto ekyokwote’raho. 12Kandi Zakaliya obuyamuboine yatuntura, okutina kwingi kwamukwata. 13Baitu maraika akamugambira ati Otatina, Zakaliya; baitu okwesengereza kwawe kukahu’rwa, kandi mukazi wawe Erisabesi alikuza’ra omwana omwojo, kandi olimuruka ibaralye Yohana. 14Kandi iwe olitunga okusemererwa nokuhi’rwa; kandi baingi abalisemere’rwa okuzarwakwe. 15Baitu aliba mukuru omu maiso ga Mukama, talinywa marwa nobukyakuba ekirukutamiza; kandi araijuraga Omwoyo Ogurukwera, nokuruga omu nda ya nyina. 16Kandi baingi hali abana ba Isareri alibahindura hali Mukama Ruhanga wabu. 17Kandi alimwebembera omu maisoge omu mwoyo namani ga Eriya, okuhindura emitima eya baisebo hali abana babu, nabatarukuhu’ra okugendera omu magezi gabahikirire; okutekaniriza Mukama abantu abanyakutekanizibwe. 18Zakaliya akagambira maraika ati, Nyowe ndakimanya nta eki? Baitu ndi mugurusi, na mukazi wange ndi mugurusi, na mukazi wange akuzire muno omu myakaye. 19Maraika yagarukamu namugambira ati Ninyowe Gabiryeri arukweme’ra omu maiso ga Ruhanga; nkatumibwa okubaza naiwe, okukuletera ebigambo binu ebisemire. 20Kandi dora, oliculera, okutasobora okugamba, okuhika ha kiro eki ebigambo binu obubirikahiki’ra, baitu toikirize bigambo byange, ebirihiki’ra omu mpiko zabyo. 21Kandi abantu bakaba nibategereza Zakaliya, nibahuni’ra okuyaikaire omu yekaru. 22Kandi obuyaturukire, atasobole kubaza nabo; nibakenga ngu aboine okwolekwa omu yekaru: yaikaraho nabesa engaro, afire akanwa. 23Kandi obukyahikire, ebiro ebyokuherezakwe obubyahoireho, yagarukayo owe. 24Kandi ebiro ebi obubyahinguireho mukaziwe Erisabesi yaba nenda: yayesereka amezi atano, nagamba ati 25Nukwo Mukama ankozire ati omu biro ebiyandoleriremu, okunyihaho ensoni omu bantu. 26Kandi omu kwezi okwomukaga maraika Gabiryeri akatumibwa Ruhanga hali orubuga orwomu Galiraya, ibara lyarwo 27Nazalesi, hali omuisiki ataramanyire musaija, akaba ajumbirwe omusaija ibaralye Yusufu, owomu nju ya Daudi; nibara lyomuisiki Malyamu. 28Kandi akataha omwe, yamugambira ati Mirembe, iwe anyakuhairwe muno omugisa, Mukama (ali) naiwe. 29Baitu uwe yatuntura muno obwekigambo eki, netekerezxa okuramukya oku okukuli. 30Maraika yamugambira ati Otatina, Malyamu: baituoboine embabazi hali Ruhanga. 31Dora, oliba nenda, olizara omwana omwojo, kandi olimuruka ibaralye Yesu. 32Aliba mukuru, kandi alyetwa Omwana wogu anyakuli haiguru muno: kandi Mukama Ruhanga alimuha ekitebe kya Daudi isenkuruwe. 33Kandi alirema enju ya Yakobo ebiro nebiro; kandi obukamabwe tibulihwaho. 34Malyamu yagambira maraika ati Eki kiriba kita, baitu nyowe timanyire musaija? 35Maraika yagarukamu namugambira ati Omwoyo Ogurukwera alikuizira, namani gogu anyakuli haiguru muno galikusirikiriza: kandi eki ekirizarwa nikyo kiryeterwa Ekirukwera. Omwana wa Ruhanga. 36Kandi dora, Erisabesi mwene wanyu, nauwe ali nenda yomwana omwojo omu bakaikurubwe: kandi kunu nukwo kwezikwe okwomukaga ayayetwaga engumba. 37Baitu busaho kigambo ekiruga hali Ruhanga ekiriburwa amani. 38Malyamu yagamba ati Dora nyowe, omuzana wa Mukama; kibe hali nyowe nkokwogambire. Kandi maraika yaruga namberali. 39Kandi omu biro ebi Malyamu akaimuka yagenda bwango omu nsi eyensozi hali orubuga rwa Yuda; 40yataha omu nju ya Zakaliya, yaramukya Erisabesi. 41Kandi kyahika, Erisabesi obuyahulire okuramukya kwa Malyamu, omwana yagurukaguruka omu ndaye; 42Erisabesi yaijura Omwoyo Ogurukwera; yagambira haiguru niraka likoto, nagamba ati Ohairwe omugisa iwe omuli abakazi, kihairwe omugisa ekyana ekyomu nda yawe nakyo. 43Kandi nyowe ekigambo kinu kyaruga nkaha, nyina Mukama wange okuija namberendi? 44Baitu dora, iraka eryokuramukya kwawe obulitahirege omu matu gange, omwana yagurukaguruka omu nda yange obwokusemererwa. 45Ahairwe omugisa nogu ayaikirize; baitu birihiki’ra ebi ebiyamugambirwe hali Mukama. 46Kandi Malyamu akagamba ati,
Obwomezi bwange nubukugiza Mukama,
47Nomwoyo gwange gusemererirwe Ruhanga Omujuni wange.
48Baitu akarora obuculezi bwomuzanawe:
Baitu dora, okuruga hati abobusinge bwona baranyetaga
Ahirwe omugisa.
49Baitu Omusobozi ankolire ebikuru.
Ibaralye niryera.
50Nembabazize ziri hali abo abanyakumutina;
Ebiro nebiro.
51Ayolekere amani nomukonogwe;
Atabanize abanyakuina emyehembo omu kutekereza kwomu mutima gwabu.
52Abingire ababito ha ntebe zabu,
Anyumize abairu.
53Abarukurumwa enjara abaigusize ebisemire;
Nabaguda ababingire abatanyina kintu.
54Akonyire Isareri omuiruwe,
Aijuke embabazi
55[Nkokuyagambire baisenkuru itwe]
Hali Iburahimu nabanabe ebiro nebiro.
56Kandi Malyamu akaikara nauwe amezi asatu, yagarukayo owabu.
57Kandi ebiro bya Erisabesi ebyokuzara byahika; yazara omwana omwojo. 58Kandi batahibe nabene babu bakahu’ra ngu Mukama amunyumirize embabazize, basemererwa hamu nauwe. 59Kandi kyahika ha kiro ekyomunana, baija okusara omwana; bakaba nibenda okumuruka ibaralye Zakaliya, nkibara lya ise okulikaba liri. 60Nyina yagarukamu nagamba ati Nangwa; baitu arayetwaga Yohana. 61Bamugambira ngu Busaho omuli bene banyu ayetwa ibara eri. 62Kandi basima ise, okwarukwenda okumuruka. 63Yasaba ibale, yahandika ati Ibaralye Yohana. 64Bahuni’ra bona. Ahonaho akanwake kakaiguka, norulimirwe rukaboho’roka, yagamba nakugiza Ruhanga. 65Okutina kwabakwata bona abakaba bahe’raine; kandi ebugambo ebi byona byaranganwa okuhika omu nsi yona eyensozi eya Buyudaya. 66Kandi bona ababihulire bakabyeyahu’ra omu mitima yabu, nibagamba ngu Mara, omwana ogu aliba ki? Baitu omukono gwa Mukama gwaikaraga hamu nauwe.
67Kandi ise Zakaliya akaijura
Omwoyo Ogurukwera, yaragura ati
68Akugizibwe Mukama, Ruhanga wa Isareri;
Baitu abungire abantube, abacunguire.
69Atuimukize ihembe eryokujunwa
Omu nju yomuiruwe Daudi.
70[Nkokuyagambire omu kanwa ka banabibe abarukwera, abakaba baloho ensi ekaba okubaho]
71Okujunwa omu mikono yabanyanzigwa baitu, nomu mukono gwabu bona abanyakutunoba;
72Okubagira embabazi baisenkuru itwe
Nokuijuka ekiraganokye ekirukwera;
73Ekirahiro ekiyarahirire isenkuru itwe Iburahimu,
74Okutuha itwe, tujunirwe okuruga omu mukono gwabanyanzigwa baitu,
Tumuherezege tutaloho ekiturukutina.
75Omu kwera nomu kuhiki’ra omu maisoge, ebiro byaitu byona.
76Nukwo naiwe, Omwana, olyetwa nabi wogu anyakuli haiguru muno:
Baitu olyebembera Mukama okusemeza emihandaye;
77Okumanyisa abantube ebigambo ebyokujunwa
Omu kuihibwaho kwebibi byabu.
78Obwembabazi eza Ruhanga waitu enungi;
Emamba enyakuruga omu iguru nikyo eritusa’ra.
79Okumulikira abarukuika’ra omu muiruma, nomu kituru ekyokufa;
Okuterekereza ebigere byaitu omu muhanda ogwobusinge.
80Kandi omwana akakura, yafoka wamani omu mutima, kandi yaikaraga omu irungu okuhika ha kiro ekiyayolekirwemu Isareri.
Currently Selected:
LUKA 1: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
