YOSUHA 22
22
1NUBWO Yosuha yayeta Abareubeni, Nabagadi, nekieweka 2ekyoruganda rwa Manase, yabagambira ati Mukwasire byona Musa omuiru wa MUKAMA ebiyabaragire, kandi muhulire iraka lyange omu byona ebimbaragire: 3ebiro binu bingi timukalekaga bagenzi banyu nokuhikya hati, baitu mukwasire ebyebiragiro bya MUKAMA Ruhanga wanyu. 4Kandi hati bunu MUKAMA Ruhanga wanyu ahaire bagenzi banyu okuhumura nkokuyabagambire: nukwo hati bunu muhinduke, mwegendere hali ehema zanyu, omu nsi eyobutaka bwanyu, Musa omuiru wa MUKAMA eyiyabahaire nseri ya Yorudani. 5Kimu kyonka mwekambege okwerinda okukora ebiragiro nebyatairweho, Musa omuiru wa MUKAMA ebiyabaragire, okugonzaga MUKAMA Ruhanga wanyu, nokugenderaga omu mihandaye yona, nokukwataga ebiragirobye, nokugumira haluwe, nokumuko’raga nomutima gwanyu gwona nobwomezi bwanyu bwona. 6Nukwo Yosuha yabasabira omugisa, yabohereza: bagenda omu hema zabu bonka.
7Kandi ekieweka ekimu ekyoruganda rwa Manase Musa akaba akihaire obugwetwa omu Basani: batu ekieweka ekindi Yosuha akakiha obugetwa omu bagenzi babu nseri ya Yorudani obugwaizoba. Kandi Yosuha obuyaboherize bagende omu hema zabu yabasabira omugisa, 8nabagambira ati Mugarukeyo nebintu bingi muno omu hema zanyu, nente nyingi muno, nefeza, nezabu, nomulinga gwomuhe’re, nebyoma, nebyokujwara bingi muno: mubagane eminyago eyabanyanzigwa banyu, hamu na bene banyu.
9Nabana ba Reubeni nabana ba Gadi nekieweka ekyoruganda rwa Manase bagarukayo, baruga omu bana ba Isareri omu Siro, enyakuli omu nsi ya gireadi,omu nsi eyobutaka bwabu, eyibajwekerwe, nkekiragiro kya MUKAMA habwomukono gwa 10Musa okukikaba kiri. Kandi obubahikire omu nsi eherire Yorudani, eyomu nsi ya kanani, abana ba Reubeni nabana ba Gadi nekieweka ekyoruganda rwa manase bayombekayo ekyoto haihi na Yorudani, ekyoto ekikoto ekirorwa. 11Kandi abana ba Isareri bakahu’ra ngu Dora, abana ba Reubeni nabana ba Gadi nekieweka ekyoruganda rwa manase bakombeka ekyoto ha mutano ogwensi ya kanani, omu nsi eherire Yorudani, ha rubaju oru orwabana ba Isareri. 12Kandi abana ba Isareri obubakihulire, ekitebe kyona ekya bana ba Isareri, bayesoroleza Siro okubaramagira okurwana.
13Kandi abana ba Isareri batumira abana ba Reubeni nabana ba Gadi nekieweka ekyoruganda rwa manase, omu nsi ya Gireadi, Finehasi mutabani wa Eryeza 14nyakatagara; kandi hamu nauwe abakuru ikumi, omukuru omu owenju ya isebo omu ruganda rwona orwa Isareri; kandi abo bona bakaba bali emitwe yenju zabaisebo omunkumi za Isareri. 15Baija hali abana ba Reubeni nabana ba Gadi nekieweka ekyoruganda rwa manase, omu nsi ya Gireadi,babaza nabo nibagamba ngu 16Nukwo bagambire bati ekitebe kyona ekya MUKAMA ngu Kusobya ki kunu okumwasobize Ruhanga wa Isareri, okuhindukirayo ha kiro kinu nimuleka okukuratira MUKAMA, obumwayombekire inywenka ekyoto, okwemera MUKAMA ekiro kinu? 17Okutahiki’ra kwa Peora tikusobora okutumara, okututakesemizaho na hati hona, nobwekidanda kyaizire ekitebe kya MUKAMA, 18baitu nimwenda okuhindukirayo hati okutakuratira MUKAMA? kandi kiraba kiti, hati obubwemire MUKAMA, ijo alibihi’rwa ekitebe kyona kya Isareri. 19Baitu ensi eyobutaka bwanyu obweraba etasemire,mwambuke mutahe omu butaka bwa MUKAMA, nambere ehema eya MUKAMA ikara, mulye obutaka hamu naitwe: baitu muleke okwemera MUKAMA, kunu mutemera itwe, nimweyombekera inywenka ekyoto ekindi, ekyoto kya MUKAMA Ruhanga waitu kiroho. 20Tinuwe Akani mutabani wa Zera yakozire ekyokusobya omu bintu ebyosoroirwemu, nekiniga kyagwa ha kitebe kyona ekya Isareri? Kandi omuntu ogu atafe omu wenka omu kutahiki’rakwe.
21Nubwo abana ba Reubeni nabana ba Gadi nekieweka ekyoruganda rwa Manase bagarukamu, bagambira emitwe eyenkumi za 22Isareri bati MUKAMA, Ruhanga wabaruhanga, MUKAMA Ruhanga wabaruhanga, nuwe amanyire, na Isareri alimanya; obukiraba kiri kyomu bwemi, rundi ekyokusobeza MUKAMA (oleke okutujuna hati) 23okwombeka tweyombekire itwenka ekyoto tuhindukireyo tuleke okukuratira MUKAMA; rundi obukiba kyokuhongaho ekyonzira ekyokeze rundi ekihongwa ekyebyokulya, rundiekyokuhongaho ebyonzira ebyebihongwa byobusinge, leka MUKAMA wenka akijunanize; 24obututakozira kinu omu kwerinda tugenderire, ntugamba ngu omu biro ebigenda okuija rundi abana banyu baligambira abana baitu ngu Inywe nimufayo ki MUKAMA Ruhanga wa Isareri? 25baitu MUKAMA afoire Yorudani omutano hagati yaitu nainywe, inywe abana ba Reubeni nainywe abana ba Gadi; timunyina omugabo omu MUKAMA. 26Nikyo twagambire tuti Leka twetekanize okwombeka ekyoto, tikiri kyekihongwa ekyokeze, nobukyakuba Ekyonzira: 27baitu kiriba ekiijukizo hagati yaitu nainywe,na hagati yabaijukuru baitu hanyuma yaitu, nukwo tukolege okuhereza kwa MUKAMA omu maisoge nebihogwa byaitu ebyokeze, nebyonzira byaitu, nebihogwa byaitu ebyobusinge; abana banyu baleke okugambira abana baitu omu biro ebigenda okuija ngu Timunyina mugabo omu MUKAMA. 28Nikyo twagambire ngu kiriba kiti, obubalitugambire itwe bati, rundi abaijukuru baitu omu biro ebigenda okuija, itwe tuligamba tuti Dora omulingo ogwekyoto kya mukama, baisenkuru itwe ekibakozire, tikiri kyekihongwa ekyokeze, nobukyakuba hagati yaitu. 29Nikikafuhe itwe okwemera MUKAMA, nokuhindukirayo hati nokutakuratira MUKAMA, okwombeka ekyoto ekyekihogwa ekyokeze, ekyekihongwa ekyebyokulya, rundi kyekyonzira ekitali Kyoto kya MUKAMA Ruhanga waitu, ekiri omu maiso gehemaye.
30Kandi Finehasi nyakatagara, nabakuru bekitebe, niyo mitwe eyenkumi za Isareri abakaba bali nauwe, obubahulire ebigambo abana ba reubeni nabana bagadi, nabana ba Manase ebibagambire, byabasemeza muno 31Kandi Finehasi mutabani wa Eryeza nyakatagara yagambira abana ba Reubeni, nabana ba Gadi, nabana ba Manase ati ha kiro kinu tumanyire MUKAMA ali hagati omulitwe, baiti inywe timukozire ekyokusobya kinu hali MUKAMA hati bunu mujunire abana ba Isareri ou mukono gwa MUKAMA. 32Kandi Finehasi mutabani wa Eryeza byakatagara, nabakuru baruga ha bana ba Reubeni, nabana ba Gadi, omu nsi ya Gireadi, bagaruka omu nsi ya Kanani, hali abana ba Isareri, babaletera ebigambo. 33Ebigambo ebi byasemeza abana ba Isareri; abana ba Isareri basima Ruhanga, kandi baleka okubaza ebyokuramagira okurwana, okuhwerekereza ensi nambere abana ba Reubeni nabana ba Gadi baikaraga. 34kandi abana ba Reubeni nabana ba gadi bayeta ekyoto ibara lyakyo Edi nibagamba ngu baitu kaiso namberetuli MUKAMA okwali Ruhanga.
Currently Selected:
YOSUHA 22: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
