YOSUHA 18

1KANDI ekitebe kyona ekyabana ba Isareri bakesoroleza Siro, baimukizayo ehema eyokutangatanganiramu: kandi ensi ekaculera omu maiso gabu. 2Kandi hakasigaraho omu banaba Isareri enganda musanju, ezikaba zitakabagaine obugwetwa bwabu. 3Yosuha yagambira abana ba Isareri ati Mulihikya nkaha okugaraiha okutatahamu okulya ensi MUKAMA Ruhanga wa baisenkuru inywe eyiyabahaire? 4mwekomere inywenka abantu basatu oruganda rumu, nabantu basatu oruganda rumu: ndibatuma, kandi baliimuka, baliraba omu nsi, baligitusobo’ra okwesisana,nkobugwetwa bwabu okubuli; kandi baliija namberendi. 5Kandi baligibaganiza omu bicweka musanju: Yuda araikaraga omu mutanogwe ha bukizi bwobulyo, nenju ya Yusufu baraikaraga omu mutano gwabu ha bukizi bwemoso. 6Kandi inywe mulihandika ensi omu bicweka musanju, mulireta hanu ekihandiko namberendi, kandi nyowe nditoma habwanyu hanu omu maiso ga MUKAMA Ruhanga waitu. 7Baitu Abalevi tibanyina omugabo omulinywe; baitu obunyakatagara bwa MUKAMA nubwo bugwetwa bwabu: kandi gadi na reubeni nekicweka ekyoruganda rwa Manase, bakamara okuhabwa obugwetwa bwabu nseri yayorudani oburugaizoba Musa omuiru wa MUKAMA obuyabahaire. 8Abasaija abo baimukya bagenda: Yosuha ya bakometerezaabo abagenzire okuhandika ensi ati mugende murabe omu nsi, mugihandike, mugaruke namberendi, kandi ndibatomere omugabo hanu Siro omu maiso ga MUKAMA. 9Abasaija bagenda, baraba omu nsi, bagihandika nkemuga okuzikaba ziri omu bicweka musanju omu kitabu, bagaruka hali Yosuha omu rukande Siro. 10kandi Yosuha yabatomera emigabo Siro omu maiso ga MUKAMA: kandi nuho Yosuha yagabire ensi hali abana ba Isareri nkokubaganizibwa kwabu okukuli.

11Kandi okutoma kwomugabo ogworuganda rwabana ba Benyamini kwaija nkebitabu byabu okubiri: omutano ogwokutoma kwabu okwonugabo gwarugayo hagati yabana ba Yuda nabana ba Yusufu. 12kandi omutano gwabu ha bukizi bwemoso gukarga Yorudani; omutano gwatwmba orubaju rwa Yeriko ha bukizi bwemoso, gwatemba nuguraba omu nsi yensozi obugwaizoba; kandi gwagarukira ha irungu lya Besi-aveni. 13Kandi omutano gwarugayo gwaraba nuguhika Luzi, ha rubaju rwa Luzi ( egi niyo Beseri) ha bukizi bwobulyo; kandi omutano gwasirimuka okuhuka Atarosi-adara, haihi norusozi oruli ha rubaju rwa besi-horoni eya ifo orwobukizi bwobulyo. 14Kandi omutano gukaletwa gwayehinguliriza ha rubaju orwobugwaizoba hali obukizi bwobulyo; kandi gwagarukira Kiryasi-ba-ali (niyo kiryasi-yealimu) orubuga rwabana ba Yuda: nurwo rubaju rwobugwaizoba. 15kandi oribaju orwobukizi bwobulyo rukaruga ha mpero ya Kiryasi-yealimu, kandi omutano gwarugayo nugugenda obugwaizoba gwahika ha nsoro zamaizi ga nefutoha: 16kandi omutano gwasirirmuka nambere orusozi rugarukira orurolerire ekihanga ekyomwana wa Hinomu, ekiri omu kihanga kya refaimu ha bukizi bwemoso; gwasirimukira ekihanga kya Hinomu, hali orubaju orwomuyebusi ha bukizi bwobulyo, gwasirirmuka okuhikya 17Eni- rogeri; kandi gwatwarwa ha bukizi bwemoso, gwagarukira Eni-semesi, kandi gwahi ka Gerirosi,erolerire entembotembo ya Aduminu; kandi gwasirimuka okuhika ha ibale lya Bohani, mutabani wa Reubeni; 18gwahinguraho ha rubaju orurolerire Araba ha bukizi bwemoso, gwasirimuka okuhika Araba: 19Kandi omutano gwahingura ha rubaju rwa besi-hogura ha bukizi bwemoso: kandi omutano gwagarukira ha rulimi Orwenyanja yekisura orwobukizi bwemoso, ha mpero ya Yorudani eyobukizi bwobulyo; nugwo mutono ogwobukizi bwbulyo. 20kandi Yorudani nugwo mutano gwabwo ha rubaju rwoburugaizoba.Obu nubwo bugwetwa bwabana ba benyamini nkemitano yabu okwekaberi ha mbaju zona nkebitabu byabu okubiri. 21kandi embuga ezoruganda rwabana ba Benyamini nkebitabu byabu okubiri nzinu; yeriko, na Besi-hogura, na Emekezizi; 22na Besaraba, nazemaraimu, 23Na beseri; na Ayumu, 24na Para, na Ofura: na Kefaramoni, na Ofuni, na geba; embuga ikumi naibiri nebika byazo; 25Gibeoni, na Rama, na Beerosi; 26na Mizipe, na Kefira, 27na moza; na Rekemu, na Irupeeri, 28Na Tarara; na Zera, Erefu,Nomuyebusi (niyo yerusalemu), Gibeasi, na Kiryasi; embuga ikumi naina hamu nebika byazo. Obu nubwo bugwetwa bwabana ba benyamini nkebitabu byabu okubiri.

Currently Selected:

YOSUHA 18: BRR64

Highlight

Copy