YONA 4
4
1BAITU eki kikabihiza Yona muno muno, yakwatwa ekiniga, 2Yasaba MUKAMA nagamba ati Ninkusaba ai MUKAMA, ntagambe nti obunaku nkiri omu nsi yowaitu? nikyo nayanguhire okuirukira Tarasisi: baitu nkamanya nti oli Ruhanga wembabazi, kandi oijuire okuganyira, torahuka okubihirwa, kandi osagaine okuganyira, kandi oyeyijukya habwakabi. 3Nukwo hati bunu nkwesengerize, ai MUKAMA, onyiheho obwomezi bwange; baitu hakire nfe ntaba mwomezi. 4MUKAMA yagamba ati Okozire kurungi okubihirwa? 5Nubwo Yona yaruga omu rubuga, yaika'ra ha rubaju rworubuga orwoburugaizoba, yayeko'rayo akaju, yaika'ra hansi ha kituru kyakyo, okuhikya obwalirora ekirigwera orubuga. 6MUKAMA Ruhanga yatekaniza omwongo, yagumereza Yona, gumuletere ekiituru ha mutwegwe, gumujune omu bujunebwe. Nukwo Yona yasemererwa muno habwomwongo. 7Baitu Ruhanga yatekaniza akahuka obuire obubwakire nyenkya, karuma omwongo gwahotoka. 8Kandi kyahika, izoba obulyarugireyo, Ruhanga yatekaniza omuyaga ogurukwokya ogwarugire oburugaizoba; izoba lyatera Yona omutwe, yaruhi'ra, yayesengereza habwe afe, yagamba ati Hakire nfe ntaba omwomezi. 9Ruhanga yagambira Yona ati Okozire kurungi okubihirwa habwomuwongo? Yagamba nti Ninkora kurungi okubihirwa, nokuhikya okufa. 10MUKAMA yagamba ati Oganyire omwongo, ogwotarakolire mulimo, kunu togumereze; gukaimuka ekiro kimu gwahwereke'ra ekiro kimu: 11nanyowe tikinsemerire okuganyira Nineve orubuga oru orukoto; nambere harumu abantu abarukukira kasisira mu bukumi bubiri abatasobora okubaganizamu emikono yabu, ogwobulyo nogwemoso; kandi nebisoro bingi?
Currently Selected:
YONA 4: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
