YOBU 42

1NUBWO Yobu yagarukamu MUKAMA nagamba ati

2Manyire nosobora okukora byona,

Kandi busaho kigambo ekyomalirire ekisobora okutangwa.

3Ogu noha arukusereka okuhanura hataroho okumanya?

Nikyo nagambire ebi ebintarayetegerize,

Ebigambo ebyamahano enbyandemere, ebintaramanyire.

4Hu’ra nkwesengerize, kandi ndagamba;

Ndakukaguza, iwe onsobo’re.

5Nkakuhu’ra habwokuhu’ra pkwamatu;

baitu hati bunu eriso lyange likuboine,

6Nikyo nyenugire nyenka, kandi ninyegarukamu

Omu cucu nomu iju.

7Kandi kyahika, MUKAMA obuyamazire okugambira Yobu ebigamba ebi, MUKAMA yagambira Erifazi Omutemani ati Ekiniga kyange kyakire iwe nenganjani zawe ibiri: baitu mutangambeho ekigambo ekyobulyo, nkomuiru wange Yobu okuyagambire. 8Nukwo hati bunu, mwetwa’re inywenka ente musanju nentama empaya musanju, mugende hali omuiru wange Yobu, mwehonge habwanyu inywenka ekihogwa ekyokeze; kandi omuiru wange Yobu alibasabira; baitu nuwe ndiikiriza, ndeke okubakora nkobudomadoma bwanyu okubuli; baitu inywe mutangambeho ekigambo ekyobulyo, nkomuiru wange Yobu okuyagambire. 9Nukwo Erifazi Omutemani na Birirdadi Omusuha na zofa Omunaamasi bagende, bakora nka MUKAMA okuyagambire: MUKAMA yaikiriza yobu. 10MUKAMA yahindura obunyankomo bwa Yobu, obuyasabire enganjanize: MUKAMA yamuha Yobu emirundi ebiri okukira ebintu ebyakaba anyinabyo. 11Nubwo baija namberali bagenzibe bona, nabanyanya bonana bona abakaba bali batahibe ira, balya ebyokulya hamu nauwe omu njuye: bamuiruki’ra, bamuhumuza akabi kona MUKAMA akayamuletire: kandi omuntu wena yamuha ekicweka kyefeza, kandi omuntu wena yamuha empeta yezabu. 12Nukwo MUKAMA yha omugisa emperor ya Yobu eyahanyuma okukira eyokubanza: yaba nentama kakumi mwenkumi ina, nengamira kakaga, neki’ri zente rukumi, nenkaina ebugama rukumi. 13Kandi yaba nabana abojo musanju nababa abaisiki basantu. 14Yaruka owokubanza ibaralye yemima; nibara eryowakabiri Keziha; nibara eryowakasantu. Kereni-hapuki. 15Kandi omunsi yona hatazoke abakazi abarungi okuingana nabahara ba Yobu: isebo yabagagweta hamu na banyanyabo. 16Kandi hanyuma yebi Yobu yayomera emyaka kikumi mwana. Yabona abanabe, nabana babanabe, okuhikya obuijukuru buna. 17Nukwo Yobu yafa, agurysire aijuire ebiro bingi.

Currently Selected:

YOBU 42: BRR64

Highlight

Copy