YOBU 40
40
1KANDI MUKAMA yagarukamu Yobu nagamba ati
2Omuhakani alihakana Nowobusobozi bwona?
Arukutera empaka na Ruhanga, agarukamu ebi.
3Nubwo Yobu yagarukamu
MUKAMA nagamba ati 4Dora, tinkirumu ka buntu; ndakugarukamu nta?
Ninta engaro zange ha kanwa kange.
5Ngambire omurundi gumu, baitu tingarukemu;
Ego, emirundi ebiri, baitu tinyeyongere.
6Nubwo MUKAMA yagarukamu
Yobu nayema omu kai’ringwa nagamba ati
7Oyetege ‘nu omunda yawe nkomusaija:
Ndakukaguza, iwe ongambire.
8Nokudibya olidibya omusango oguncwire?
Orancwera nyowe omusango, iwe oihweho omusango?
9Rundi onyina omukono okuingana na Ruhanga?
Kandi nosobora okuhindisa iraka nkauwe?
10Wecuma’nu noburungi nokutinwa;
Ojwale ekitinisa nobukuru.
11Sesa ekiniga kyawe ekirukusaga:
Orole omuntu wena owemyehembo, omuswaze.
12Orole omuntu wena owemyehembo, omubundaze;
Olibatire hansi ababi nambere bemerire.
13Basereke hamu omu cueu;
Boha amaiso gabu omu kiikaro ekyensita
14Nubwo nanyowe ndiikiriza namberiwoli
Ngu Omukono gwawe wenka ogwobulyo nugusobora okukujuna.
15Dora’nu enseri, eyinahangire naiwe;
Erya obunyansi nkente.
16Dora’nu amani gayo gali omu bibero byayo.
Nobusobozi bwayo buli omu binywa ebyenda yayo.
17Etengesa omukira gwayo nkomukogoto:
Ebinywa ebyebibero byayo biteranizibwa hamu.
18Amagufa gayo gali nkenseke ezemiringa;
Embaju zayo nizisisana nkemiigo yebyoma.
19Niyo nkuru omu mihanda ya Ruhanga:
Ogu ayagihangire nasobora okuiriza busitama yayo.
20Mazimakwo ensozi zigyanira ebyokulya;
Nambere enyamaiswa zona ezomu kisaka zizaniramu.
21Ebyama hansi yamalebe,
Omu kiikaro ekyomubimbiri ekyensita, nomu kisaru.
22Amalebe gagisweke’ra nekiituru kyago;
Emikinga ha byambu egyehinguliriza.
23Dora, ekyambu obukiboga, tetukumira:
Eguma omutima, Yorudani nobwetungera okuhika ha kanwa kayo.
24Omuntu aligikwata nerora?
Rundi alifumura enyindo yayo nomuguha?
Currently Selected:
YOBU 40: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
