EKYABACWI BEMISANGO 3
3
1LERO ganu nigo mahanga MUKAMA agayasigire. Okulenga Isareri habwago, bona abataramanyire obulemu bwona obwa Kanani; 2kimu kyonka, obusinge bwabana ba Isareri bamanye, okunegesa okurwana bo abakaba batamanyireho na kake okubanza; 3nibo banyoro abatano Ababafirisiti, Nabakanani bona, Nabazidoni, Nabahivi abaikaraga omu rusozi Lebaninu, okuruga orusozi Baali-heremoni okuhikya nambere batahira Hamasi. 4Kandi bakabaho habwokulenga Isareri, okumanya rundi barahu’raga ebiragiro bya MUKAMA ebiyaragire baisenkurubo omu mukono gwa Musa. 5Kandi abana ba Isareri baikaraga omu bakanani; Omuhiti,Nomwamoli,Nomuperizi, Nomuhivi,Nomuhara: 6kandi batwara abahara babu okuba bakazi babu,nibaha batabani babu abahara babu bonka, nibako’ra bacwezi babu.
7Kandi abana ba Isareri bakakora ekikaba kiri kibi omu maiso ga MUKAMA, bayebwa MUKAMA Ruhanga wabu, bako’ra baali-mu na Aserosi. 8Nikyo ekiniga kya MUKAMA kyayakire Isareri, yabagura omu mukono gwa Kusani-risasaimu omukama wa Mesipotamiya: abana ba Isareri bako’raga Kusani-risasaimu emyaka munana. 9Kandi abana ba Isareri obubakungire MUKAMA,MUKAMA yaimukiza abana na Isareri omujuni ayabajunire, nuwe Osinyeri mutabani wa Kenazi mugenzi wa Kalebu omuto. 10Omwoyo gwa MUKAMA gwamuizira, yacwa nemisango ya Isareri; yaramaga okurwana, MUKAMA yahayo Kusani-risasaimu omukama wa Mesopotamiya omu mukonogwe: kandi omukonogwe gwasingura 11Kusani-risasaimu. Ensi yahumura emyaka amakumi ana. Kandi Osinyeri mutabani wa kenazi yafa.
12Kandi abana ba Isareri bagaruka okukora eki ekikaba Kiri kibi omu maiso ga MUKAMA: MUKAMA yaha Eguroni omukama wa Moabu amani okurwana na Isareri, baitu bakakora eki ekikaba kirikibi omu maiso ga MUKAMA. 13Yasoroza namberali abana ba Amoni na Amaleki; yagenda yatema Isareri, balya orubuga orwenkindo. 14Abana ba Isareri bako’raga Eguroni omukama wa Moabu emyaka ikumi na munna. 15Abana ba Isareri obubakungire MUKAMA, MUKAMA yabaimukiza omujuni, Ehudi mutabani wa Gera, Omubenyamini, akabali wemoso: abana ba Isareri bakamutweka ekisembo hali Eguroni omukama wa Moabu. 16Kandi Ehudi yayeheseza busitama yobwogi bubiri, okuraiha kwayo mukono gumu; yagyetega omunda yengoyeze ha kiberokye ekyobulyo. 17Yaletera ekisembo Eguroni omukama wa Moabu: kandi Eguroni akaba atarebire muno. 18Obuyamazire okuhikya ekisembo, yayohereza abantu abakaba betwekere ekisembo. 19baitu uwe wenka yagarukira ha mabale agakaba gali haihi na Girigali. Yaija yagamba ati nyina obukwenda obwensita namberiwoli omukama. Yagamba ati muculere. Bona abakaba bemerire nauwe baruga omu maisoge. 20Ehudi yaija namberali; akaba aikalire wenka omu, njuye eyeruguru eyokufuki’ramuga. Ehudi yagamba ati Nyina ekigambo namberoli ekiruga hali Ruhanga. Yaimuka ha kitebekya. 21Ehudi yago’ra omukonugwe ogwemoso yasomora busitama ha kiberokye ekyobulyo yagicumisa omundaye: 22busitama yahwweramu nekiti; ebisajwa byaiga’ra nambere busitama yatahire, baitu atasomole busitama omundaye; yaturuka enyuma. 23Nubwo Rhudi yaturuka yagenda omu mulyago, yamukingira enyigi zekisika, yaziboha. 24Lero obuyamazire okuturuka, abaherezabe baija; barora kandi dora, enyigi zekisika zikaba zibohere; bagamba ngu Mazimakwo nasweka ebigerebye omu kisikakye ekyamabeho. 25Baikaraho okuhikya obubakwasirwe ensoni: kandi dora, atakingule enyigi zekisika; nikyo batwalire ekisumuruzo bazikingule: kandi dora, mukama wabu akaba agwire hansi afire. 26Ehudi yairuka obubakaba nibategereza, yahingura ha mabale. Yairukira seyira. 27kandi kyahika, obuyaizire, yatera engwara omu nsi eyensozi ya Eferaimu, bana ba Isareri basirimuka nauwe okuruga omu nsi yensozi uwe yabebembera. 28Yabagambira ati Munkuratire nyowe: baitu MUKAMA ahaireyo abanyanzigwa banyu Abamoabu omu mukono gwanyu. Basirimuka nibamukuratira, balinda emyogo ya Yorudani okurwanisa Abamoabu, kunu bataikirire 29omuntu nomu okwambuka. Kandi batema ha Moabu omu kasumi ako abantu nkakakumi, omusaija wena wamani, nomusaija wena wamani, nomusaija wena wobumanzi; hatakireho omuntu nomu. 30Nukwo Moabu yasinguirwe ati ha kiro eki habwomukono gwa Isareri. Ensi yahumu’ra emyaka kinana.
31Hanyuma yogu hakaba haroho Samugara mutabani wa Anasi, ayatemere ha Bafirisiti abasaija rukaga nomuhunda ogucumiriza ente: nauwe yajuna Isareri.
Currently Selected:
EKYABACWI BEMISANGO 3: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
