HAGAI 1

1OMU mwaka gwakabiri gwa Daliyo omukama, omu kwezi kwa mukaga, ha kiro kyokubanza ekyokwezi, ekigambo kya MUKAMA kikaija habwa Hagai nabi hali Zerubaberi mutabani wa Sealityeri, omulemi wa Yuda, na hali Yosuha mutabani wa Yehozadaki, nyakatagara omukuru wabu, nagamba anti 2Nukwo agambire MUKAMA wamahe ati Abantu banu nibagamba ngu Tikali kasumi itwe okuija, akasumi akokwembekeramu enju ya MUKAMA. 3Nubwo ekigambo kya MUKAMA kyaija habwa Hagai nabi ngu 4Niko kasumi inywe inywenka okuikara omu maju ganyu agaroho embaho, nenju enu ikaire kitongo? 5Nubwo hati bunu, agambira MUKAMA wamahe ati Mute omutima ha mihanda yanyu. 6Mukasiga bingi, mwahunika bike; mulya, baitu timuiguta, munywa, baitu ebyokunywa tibibamara; mujwara, baitu busaho omulinywe atagasire; kandi ogu anyakukolereza empera, akolereza empera agite omu nsahu efumukire. 7Nukwo agambira MUKAMA wamahe ati Mute omutima ha mihanda yanyu. 8Mutembe ensozi, mulete emiti, mwombeke enju; nanyowe ndigisemererwamu, kandi ndigisemererwamu, kandi ndikugizibwa, agambire MUKAMA. 9Mukanihira, bingi, baitu dora byaba bike; kandi obumwabihunikire nyowe nabihimbisa. Habwaki? agambire MUKAMA wamahe. Habwenju yange ikaire kitongo, inywe nimuikara omuntu wena hali enjuye wenka. 10Nikyo habwanyu iguru lirekire okunaga orume nitaka lirekere okwana ebyana byalyo. 11Kandi nayeta ekihe okuizira ensi, nensozi, nengano, namarwa, namagita, nebi itaka ebirizara, nabantu, nente, nokutalibana kwona okwemikono/

12Nubwo Zerubaberi mutabani wa Sealityeri, na Yosuha mutabani wa Yehozadaki nyakatagara mukuru wabu, hamu nabantu abasigaireho, bahu'ra iraka erya MUKAMA Ruhanga wabu, nebigambo bya Hagai nabi, nka MUKAMA Ruhanga wabu okuyamutumire; abantu batina omu maiso ga MUKAMA. 13Nubwo Hagai omukwenda wa MUKAMA hali abantu ati Nyowe ndi hamu nainywe, agambire MUKAMA. 14MUKAMA yaimukya omwoyo gwa Sealityeri, omulemi wa Yuda, nomwoyo gwa Yosuha mutabani wa Yehozadaki, nyakatagara mukuru wabu, nomwoyo gwabantu bona abasigaireho; baija bakora omulimo omu nju ya MUKAMA wamahe. 15Ruhanga wabu, ha kiro kyamakumi abiri mu bina ekyokwezi, omu kwezi wa mukaga, omu mwaka gwakabiri gwa Daliyo omukama.

Currently Selected:

HAGAI 1: BRR64

Highlight

Copy