OKUBANZA 12
12
1KANDI MUKAMA akagambira Iburamu ati Ruga omu nsi yowanyu, kandi omu ruganda rwawe, kandi omu nju ya ‘so, otahe omu nsi eyindikwoleka: 2nanyowe ndikufora ihanga erikoto, kandi ndakuhaga omugisa, kandi ndakuzaga ibara lyawe; naiwe oikalege omugisa: 3nanyowe ndabahaga omugisa abarakusabiraga iwe omugisa, nogu arakukyenaga nyowe ndamukyenaga; nomuliwe enganda zona ezensi numwo ziriherwa omugisa. 4Nukwo Iburamu yagenda nka MUKAMA okuyagambire; na Loti akagenda nauwe: Iburamu akaba ahikize emyaka ensanju netano obuyarugire Harani. 5Kandi Iburamu akatwara Sarai mukaziwe na Loti omwana wa mugenziwe, nitungo lyabu lyona eribakaba batungire, nabantu ababatungire Harani, barugayo okugenda omu nsi ya Kanani. 6Iburamu yaraba omu nsi, yahika omu kiikaro kya Sekemu, hali omuhomozi gwa Morehe. Kandi Omukanani akabali omu nsi omu biro biri. 7MUKAMA yabonekera Iburamu, nagamba ati Abaijukuru bawe ndibaha ensi enu nuho yayombekire ekyoto hali MUKAMA, ayamubonekire. 8Kandi yarugayo yagenda hali orusozi ha rubaju orwa Beseri orwoburugaizoba: yasimba ehemaye,Beseri ekabari harubaju rwabugwaizoba na Ai ha rubaju orwoburugaizoba: nuho yayombekire ekyoto hali MUKAMA, yakunga ibara lya MUKAMA. 9Iburamu yaimukya orugendo nakwata omuhanda ogwobukizi Bwobulyo.
10Kandi enjara yagwa omu nsi: Iburamu yasirimuka Misiri okuikarayo; baitu enjara ekaberi nyingi omu nsi. 11Kandi kyahika obwakaba amalize okutaha Misiri, yagambira Sarai mukaziwe ati Dora, manyire iwe oli mukazi murungi okurorwa: 12kandi kirihika aba Misiri obubalikurora baligambira bati ogu nuwe mukaziwe, kandi balinyita, baitu iwe halikujuna okutaitwa. 13Nkwesengerize, ogambege oli munyanya nyowe: nukwo ndole ebirungi habwawe, nobwomezi bwange bujunwe habwawe, 14Kandi kyahika Iburamu obuyamazire okutaha Misiri, Abamisiri bakorora omukazi murungi muno. 15Nababito ba Faraho bamurora bamuhaisanaza hali Faraho: omukazi yatwarwa omu nju ya Faraho. 16Yagira kurungi Iburamu habwe: yatunga entama nente nenkaina enimi, nabairu, nabazana, nenkaina, ebuguma, nengamira. 17MUKAMA yabonabonesa Faraho nenjuye nemihito mingi habwa Sarai mukazi wa Iburamu. 18Faraho yayeta Iburamu nagamba ati Kinu kiki ekyonkozire? Kiki ekyakuhinzire okungambira nuwe mukazi wawe? 19Kiki ekyakugambisize oti Nuwe munyanya nyowe? Nikyo namutwalire okuba omukazi wange: nukwo hati bunu, dora mukazi wawe, omutwale oyegendere. 20Kandi Faraho akaragira abasaija habwe: bamusendekereza uwe, namukaziwe na byona ebyakaba anyinabyo.
Currently Selected:
OKUBANZA 12: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
