AMOSI 9

1NKABONA Mukama ayemerire ha kyoto: yagamba ati Tera emitwe yenyomyo, emiryango etengente: obatere orubale omuntu wena omulibo; kandi ndiita owahampero omubo na busitama: tihaliiruka omulibo nomu, kunu tihalikira omulibo nomu. 2Nobubalima okuhikya okuzimu, nuho omukono gwange gulibaihayo; kandi nobubatemba omu iguru, ndibasirimura okubaihayo. 3Kandi nobubesereka ha rugura ya Karameri, ndise'ra nimbaihayo; kandi nobubaliba baserekerwe amaiso gange omu nziha zenyanja, nuho ndiragi;ra enjoka, kandi eribatema. 4Kandi nobubagenda omu kusengurwa omu maiso gabanyanzigwa babu, nuho ndiragi'ra busitama, kandi eribaita: kandi ndibataho amaiso gange habwa kabi, tihali habwoburungi. 5Baitu Mukama RUHANGA wamahe nuwe akora ha nsi, kandi eyaga, na bona abaikaramu baliganya; kandi eriimuki'ra kimu Nkekyambu: kandi erihwe'ra Nkekyambu kya Misiri; 6Nuwe ayombeka ebisakabye haiguru, kandi asimbire emigandaye ha nsi; nuwe ayeta amaizi gomu nyanja gaije, kandi agasesa ha maiso gensi: YAHWE niryo ibaralye. 7Timli nkabana Babanyesiyopiya namberendi, inywe abana ba Isareri? agambire MUKAMA. Tininyowe naihireyo Isareri omu nsi ya Misiri, Nabafirisiti omu Kafutora, Nabaramu omu Kiru? 8Dora, amaiso ga Mukama RUHANGA gali ha bukama obwebi, kandi ndibuhwerekereza ha maiso gitaka; kyonka ntindihwerekereza kimu enju ya Yakobo, agambire MUKAMA. 9Baitu dora, ndiragira, kandi ndisegesa enju ya Isareri omu mahanga gona, nkoburo okubusesebwa omu kisegeso, baitu tahaligwa hansi akakuma na kamu. 10Abasisi bona bomu bantu bange balifa busitama, abagamba ngu Akabi tikalitukwata, kunu tikalitwekembera.

11Ha kiro eki ndiimukya ehema ya Daudi eyagwire, ndiigara ebihuru byayo; kandi ndiimukya ebikamburu byayo, ndi gyombeka nkomu biro byaira; 12Batunge aba Edomu abasigaraho, namahanga gona abarukwetwa ibara lyange, agamibre MUKAMA arukukora eki. 13Dora, ebiro nibiija, agambire MUKAKA omulimi witaka alihika ha mugesi, nomujungi wemizabibu alihika ha musigi wembibo; nensozi zirinaga amarwa agamuli'ra, nobusozi bwona bulyaga. 14Kandi ndiga'raho abantu bange omu Isareri abasenguirwe, balyombeka embuga ezikaba ziri bitongo, baliziikaramu; kandi balibyara engonjo ezemizabibu, kandi balinywa amarwa gamu; kandi balirima emisiri, balirya ebyokulya byamu. 15Kandi ndibabyara omu itaka lyabu, tibaligaruka okumenywamu omu itaka lyabu erinabahaire, agambire MUKAMA Ruhanga wawe.

Currently Selected:

AMOSI 9: BRR64

Highlight

Copy