1ABASESALONIKA 3
3
1NIKYO twatekererize ngu kirungi okusigara enyuma itwenka Asene, obututarasoboire okugumisiriza; 2kandi twatuma Timuseo mwene waitu, kandi omuhereza wa Ruhanga omu njiri ya Kristo, okubagumya nokubahumuza omu byakuikiriza kwanyu; 3omuntu wena aleke okutabatabana omu kusalizibwa kunu; baitu inywe mumanyire ngu nukwo twaterirweho.
4Baitu mazimakwo obutukaba tuli hamu nainywe, tukabatebeza kara ngu ntugende okusalizibwa; kandi nukwo kihikirire kiti nkokumumanyire. 5Kandi nikyo natumire, obuntarasoboire okweyongera okugumisiriza, ’manye okuikiriza kwanyu, rundi omwohi ogu aliba yaboheze, nokwekamba kwaitu kubaire kwa busa. 6Baitu hati bunu Timoseo obwaizire namberetuli, arugire namberamuli, natuletera ebigambo ebirungi ebyokuikiriza nokugonza kwanyu, kandi nimutuijuka kurungi ebiro byona, nimwegomba okuturora, kandi nka naitwe okutwegomba okurora inywe; 7nukwo twahumuzibwe tuti bene baitu habwanyu omu bujune bwaitu bwona, nomuhito obwokuikiriza kwanyu: 8baitu hati bunu tuli bomezi, inywe obumuraba nimweme’ra omu Mukama waitu. 9Baitu tuligaru’ra Ruhanga okusima ki habwanyu? Obwokusemererwa kwona okutunyina habwanyu omu maiso ga Ruhanga waitu;
10Nyamusana nekiro ntusaba muno muno okubarora amaiso ganyu, nokuhikiriza ebitahikire omu kuikiriza kwanyu? 11Kandi Ruhanga waitu Isitwe, na Mukama waitu Yesu aterekereze omuhanda gwaitu halinywe: 12kandi Mukama waitu abakanyiseho nabongeraho okugonzangana inywenka na hali bona, nka itwe okutuli halinywe; 13nukwo agumye emitima yanyu omu kwera okutahanwa omu maiso ga Ruhanga waitu kandi Isitwe, omu kuija kwa Mukama waitu Yesu hamu nabarukwerabe bona.
Currently Selected:
1ABASESALONIKA 3: BRR64
Highlight
Share
Copy
Want to have your highlights saved across all your devices? Sign up or sign in
Bible in Runyoro-Rutooro 1964 Version © Bible Society of Uganda, 1964.
