ĠENESI 9
9
Kapitlu 9
Il-barka fuq Noè
1U Alla bierek lil Noè u lil uliedu, u qalilhom: “Nisslu u oktru u imlew l-art.#Ġen 1,22; 8,17; Ġak 3,7. 2U jkun il-biża’ tagħkom fuq kull ħliqa ħajja fuq l-art, u fuq it-tajr kollu tal-ajru, u fuq kulma jitkaxkar fl-art u fuq il-ħut kollu tal-baħar; u jitriegħdu quddiemkom; f’idejkom nerħihom. 3Kulma hu ħaj u jitħarrek fl-art ikun ikel għalikom; u wkoll il-ħaxix aħdar, kollu nagħtikom.#Ġen 1,29; Dt 12,15. 4Imma l-laħam b’demmu ġo fih, li hu ħajtu#9,4: B’demmu ġo fih, li hu ħajtu: in-nies ta’ dak iż-żmien kellhom f’rashom li l-ħajja tal-bniedem qiegħda f’demmu, għalhekk ħaġa qaddisa, u ma kinux jixorbuh (Lev 17,13-14; Atti 15,19). Għalkemm din il-liġi ma għadhiex tgħodd, il-prinċipju li l-ħajja għandha valur kbir għadu jgħodd., la tikluhx.#Lev 7,26-27; 17,10-14; Dt 12,16; 1 Sam 14,33; Atti 15,20. 5U jien nitlob kont ta’ demmkom, li hu ħajjitkom, nitolbu mingħand kull bhima, mingħand kull bniedem; mingħand kull wieħed nitħallas tal-ħajja ta’ bniedem ieħor bħalu.#Ġen 4,10-11; Eż 21,12-13.
6Kull min ixerred demm ta’ bniedem,
minn bniedem ieħor jixxerred demmu.
Għax skont ix-xbieha tiegħu,
ħalqu Alla lill-bniedem.#Ġen 1,26-27; Lev 24,17; Num 35,33.
7U intom nisslu u oktru;
xterdu mal-art u oktru fuqha.”#Ġen 1,28; 8.
Il-patt ma’ Noè
8U Alla kellem lil Noè u lil uliedu miegħu u qalilhom: 9“Arawni, hawn jien se nagħmel il-patt tiegħi magħkom u ma’ nisilkom warajkom;#Ġen 6,8. 10ma’ kull ħliqa ħajja li hemm magħkom, mat-tjur u mal-bhejjem, ma’ kull bhima selvaġġa li hemm magħkom, u mal-bhejjem kollha li ħarġu magħkom mill-arka. 11Jien nagħmel il-patt tiegħi magħkom, li qatt iżjed ma jinqered, ebda laħam ħaj, bl-ilmijiet tad-dilluvju; u qatt iżjed ma jkun hemm dilluvju biex iħarbat l-art.”#Sir 44,18; Is 54,9-10.
12U żied jgħid Alla: “Dan ikun is-sinjal tal-patt li jien qiegħed nagħmel bejni u bejnkom, u bejn kull ħliqa ħajja li hemm magħkom, għall-ġenerazzjonijiet kollha għal dejjem. 13Inqiegħed il-qaws tiegħi fis-sħab, u jkun sinjal tal-patt bejni u bejn l-art.#Sir 43,12. 14Meta niġma’ s-sħab fuq l-art u tfeġġ il-qawsalla fis-sħab, 15jien niftakar fil-patt bejni u bejnkom u bejn kull ruħ ħajja f’kull laħam; u ma jkunx hemm iżjed l-ilma tad-dilluvju biex jeqred kull laħam ħaj.#Is 54,9. 16U meta l-qawsalla tfeġġ fis-sħab, jien inħares lejha u niftakar fil-patt għal dejjem bejn Alla u bejn kull ħliqa ħajja fost il-laħam li hemm fuq l-art.” 17U Alla qal lil Noè: “Dan hu s-sinjal tal-patt li jien għamilt bejni u bejn kull laħam li hemm fuq l-art.”
18U wlied Noè li ħarġu mill-arka kienu: Sem, Ħam u Ġafet; u Ħam kien missier Kangħan.#Ġen 5,32; 10,1. 19Dawn it-tlieta kienu wlied Noè; u minn dawn imtliet l-art kollha.
Is-saħta ta’ Kangħan u l-barka ta’ Sem
20Noè beda jagħmilha ta’ bidwi u ħawwel id-dwieli. 21U xorob l-inbid u siker, u nkixef f’nofs l-għarix tiegħu. 22U Ħam, missier Kangħan, ra l-għera ta’ missieru, u mar jgħid liż-żewġ ħutu li kienu barra. 23U Sem u Ġafet qabdu l-mantar, qegħduh fuq spallejhom it-tnejn, u marru waranijiet u għattew l-għera ta’ missierhom; u billi wiċċhom kien iħares lura ma rawx l-għera ta’ missierhom. 24U meta Noè stenbaħ mis-sakra tiegħu, sar jaf x’kien għamillu ibnu ż-żgħir. 25U qal:
“Misħut Kangħan:
qaddej fost il-qaddejja
jkun ta’ ħutu.#Dt 27,16; Għerf 12,11.
26Imbierek il-Mulej, Alla ta’ Sem,
u jkun Kangħan il-qaddej tiegħu.
27Iwassa’ Alla lil Ġafet,
u jgħammar dan fl-għerejjex ta’ Sem,
u Kangħan ikun il-qaddej tiegħu.”
28U Noè għex tliet mija u ħamsin sena oħra wara d-dilluvju. 29U għomor Noè laħaq id-disa’ mija u ħamsin sena; u mbagħad miet.
Currently Selected:
ĠENESI 9: MB20
Highlight
Share
Copy
Want to have your highlights saved across all your devices? Sign up or sign in
Maltese DC Bible © Malta Bible Foundation, 2020.
Videos for ĠENESI 9
Episode 36:Are We Near the End? The Bible’s Hidden Pattern
Under The Hood
EP 25. Why Do So Many Cultures Have Flood Myths? The Truth Behind the Stories
Under The Hood
Ep 34. Genesis 10: How Noah’s Sons Shaped the World & God's Redemption Story
The Bible Show
Episode 19: Feeding of Four thousand with the Syrophonecian woman
The Bible Show