Génesis 36

I p'olbalob Esaú

(1 Cr 1.34-54)

1Jiñobʌch i p'olbal Esaú, am bʌ i cha'chajplel i c'aba' ti Edom. 2Esaú tsi' pʌyʌ ca'bʌl i yijñam ch'oyolo' bʌ ti Canaán:#Gn 26.34-35 Jiñʌch Ada i yalobil bʌ Elón jiñi heteo; yic'ot Aholibama i yalobil bʌ Aná; jiñi Aná i yalobilʌch Zibeón jiñi heveo. 3Tsi' pʌyʌ ja'el Basemat#36.3 Basemat: Jiñʌch “Mahalat” am bʌ ti Gn 28.9. i yalobil bʌ Ismael; jiñi Basemat i yijts'iñʌch Nebaiot. 4Ada tsi' yʌc'ʌ ti pañimil Elifaz; Basemat tsi' yʌc'ʌ ti pañimil Reuel. 5Aholibama tsi' yʌc'ʌ ti pañimil Jeús yic'ot Jaalam yic'ot Coré. Jiñobʌch ch'itoñ bʌ i yalobilob Esaú tsa' bʌ i yilayob pañimil ti' lumal Canaán.

6Esaú tsi' pʌyʌ majlel i yijñamob yic'ot ch'itoñ bʌ i yalobilob yic'ot xch'oc bʌ i yalobilob yic'ot pejtelel año' bʌ ti yotot yic'ot pejtelel i yʌlac' yic'ot pejtelel i chu'bʌañ tsa' bʌ i taja ti' lumal Canaán; tsa' majli ti yam bʌ lum cha'añ mi' cʌyob i bʌ yic'ot Jacob i yijts'in, 7come ca'bʌl i chu'bʌañob ti' cha'ticlel, ma'añix mi' mejlelob ti chʌn tem ajñel yic'ot ja'el mach chʌn jasʌlix jiñi lum cha'añ ti' caj ca'bʌl i yʌlac'ob.#36.7 Abraham yic'ot Lot tsi' t'oxoyob i bʌ ja'el cha'añ ti' caj lum (Gn 13.1-13). 8Jiñi cha'añ Esaú o Edom#36.8 Edom: Jiñʌch i cha'chajplel bʌ i c'aba' Esaú. tsa' chumle ti wits i c'aba' Seir.

9Jiñʌch i p'olbalob Esaú i tat bʌ Edom tsa' bʌ chumleyob ti wits i c'aba' Seir, 10jiñobʌch iliyi: Elifaz i yalobil Ada i yijñam Esaú; Reuel i yalobil Basemat i yijñam Esaú. 11I yalobilob Elifaz jiñobʌch: Temán, Omar, Zefo, Gatam yic'ot Cenaz. 12Jiñi Timna i majan ijñamʌch Elifaz, i yalobil bʌ Esaú; jiñi Timna tsi' yʌc'ʌ ti pañimil Amalec; jiñobʌch i yalobilob Ada, i yijñam Esaú. 13I yalobilob Reuel jiñobʌch: Nahat, Zera, Sama, Miza; jiñobʌch i yalobilob Basemat i yijñam Esaú. 14I yalobilob Aholibama, yam bʌ i yijñam Esaú, x'ixic bʌ i yalobil Aná; jiñi Aná i yalobilʌch Zibeón. Aholibama tsi' yʌc'ʌ ti pañimil Jeús yic'ot Jaalam yic'ot Coré i yalobilob Esaú.

15Jiñi yumʌlob loq'uemo' bʌ ti yalobilob Esaú, i yalobilob Elifaz jiñi ascuñʌl bʌ i yalobil Esaú. Jiñi yumʌlob jiñobʌch: Temán, Omar, Zefo, Cenaz, 16Coré, Gatam, yic'ot Amalec. Jiñobʌch jiñi yumʌlob tilemo' bʌ ti Elifaz año' bʌ ti' lumal Edom. Jiñobʌch i yalobilob Ada. 17I p'olbalob Reuel i yalobil Esaú: Jiñi yumʌlob jiñobʌch: Nahat, Zera, Sama, yic'ot Miza. Jiñobʌch jiñi yumʌlob loq'uemo' bʌ ti' p'olbal Reuel ya' ti' lumal Edom; jiñobʌch i yalobilob Basemat i yijñam Esaú. 18I yalobilob Aholibama yam bʌ i yijñam Esaú; jiñi yumʌlob jiñobʌch: Jeús, Jaalam yic'ot Coré; jiñobʌch i yalobilob Aholibama i yalobil Aná, yam bʌ i yijñam Esaú 19Jiñobʌch pejtelel i yalobilob Esaú o Edom; yumʌlo' bʌ ti Edom.

20I p'olbal Seir, jiñi horeo, chumulo' bʌ ti jiñi lum, jiñobʌch: Lotán, Sobal, Zibeón, Aná, 21Disón, Ezer yic'ot Disán. Jiñobʌch yumʌlo' bʌ ti' tojlel horeojob i yalobilo' bʌ Seir ya' ti' lum Edom. 22I yalobilob Lotán jiñobʌch Hori yic'ot Hemam. Timna jiñʌch xch'oc bʌ i yijts'in Lotán. 23I yalobilob Sobal, jiñobʌch: Alván, Manahat, Ebal, Sefo, Onam. 24I yalobilob Zibeón, jiñobʌch: Aja yic'ot Aná. Jiñi Aná jiñʌch tsa' bʌ i taja tac cuxul bʌ ja' ti jochol bʌ lum che' ba' ora woli i buc'san burro tac i cha'añ Zibeón, i tat. 25I yalobilob Aná, jiñobʌch: Disón yic'ot Aholibama jiñi xch'oc bʌ i yalobil Aná. 26I yalobilob Disón, jiñobʌch: Hemdán, Esbán, Itrán yic'ot Querán. 27I yalobilob Ezer, jiñobʌch: Bilhán, Zaaván yic'ot Acán. 28I yalobilob Disán, jiñobʌch: Uz yic'ot Arán; 29jiñi yumʌlob bʌ ti' tojlel horeojob, jiñobʌch: Lotán, Sobal, Zibeón, Aná, 30Disón, Ezer yic'ot Disán. Jiñobʌch jiñi yumʌlo' bʌ ti' tojlel horeojob año' bʌ ti' lumal Seir.

31Jiñi reyob tsa' bʌ i cha'leyob i yumʌntel ya' ti' lumal Edom che' maxto añobic i rey i yalobilob Israel, jiñobʌch: 32Bela i yalobil Beor tsi' cha'le i yumʌntel ti Edom, i c'aba' i tejclum jiñʌch Dinaba. 33Tsa' chʌmi Bela, che' jiñi tsa' ochi ti' q'uexol Jobab, i yalobil Zera ch'oyol bʌ ti Bosra. 34Tsa' chʌmi Jobab, tsa' ochi ti' q'uexol Husam ch'oyol bʌ ti' lumal Temán. 35Tsa' chʌmi Husam, tsa' ochi ti' q'uexol Hadad i yalobil Bedad, tsa' bʌ i mʌlbe Madián ya' ti lum Moab. I c'aba' i tejclum jiñʌch Avit. 36Tsa' chʌmi Hadad, tsa' ochi ti' q'uexol Samla ch'oyol bʌ ti Masreca. 37Tsa' chʌmi Samla, tsa' ochi ti' q'uexol Saúl ch'oyol bʌ ti Rehobot am bʌ ti' t'ejl Éufrates. 38Tsa' chʌmi Saúl, tsa' ochi ti' q'uexol Baal-hanán i yalobil Acbor. 39Tsa' chʌmi Baal-hanán i yalobil Acbor, tsa' ochi ti' q'uexol Hadar; i c'aba' i tejclum jiñʌch Pau, i c'aba' i yijñam jiñʌch, Mehetabel, x'ixic bʌ i yalobil Matred yic'ot i buts bʌ Mezaab.

40Jiñobʌch i c'aba' tac yumʌlob loq'uemo' bʌ ti' p'olbal Esaú chumulo' bʌ ti jujump'ejl xchumtʌl yic'ot i c'aba' tac jiñi tejclum ba' tsi' cha'leyob i yumʌntel: Timna, Alva, Jetet, 41Aholibama, Ela, Pinón, 42Cenaz, Temán, Mibzar, 43Magdiel, yic'ot Iram. Jiñobʌch yumʌlob loq'uemo' bʌ ti Edom ti jujump'ejl xchumtʌl ya' ba' tsa' chumleyob. Edom jiñʌch Esaú, jiñi cha'añ i tatʌch edomob.

Currently Selected:

Génesis 36: NTCH

Highlight

Copy