Matthew 5
5
Chaptergē Klēlth.
1LTHA skūla yūan il kāngang tlo, lthdou gwi sīk il kātlaiang, waigen tlīstluan il kouwaiang tlo lagaga hatijangē lā an istlāgang.
2Waigen helthli unga il kisistlaiang, waigen hin ltha il skadadaiang.
3Ltha hānts kuniskidēgasu lāgung, shāgē kingdomgē lthāgiou isis althlā.
4Ltha kagininasu lāgung, ltha kwutungē wausaakitangsēsi althlā.
5Hētk ltha kwutungē edsu lāgung, adshi tligē ltha istasēsi althlā.
6Kin lā ta ltha kwōtsken isken ta ltha kattuwaiu ishin lāgung, ltha skisūsēsi althlā.
7Kin kalthshint ltha kwutungsu lāgung, Shānungetlagidas ltha kalthshint kwutungsi althlā.
8Ltha kwutungē skwunasu lāgung, Shānungetlagidas ltha kingasēsi althlā.
9Tlouwa gidsgutlēilung isken kintlinlanlēilung ishin lāgung, Shānungetlagidas kitilung hin ltha kēyāsēsi althlā.
10Kin lā hagunan ltha chākwudungsu lāgung, shāgē kingdomgē lthāgiou isis althlā.
11Tlīstluan lth hāada dalung alth kilthnangstlo: tlīstluan kin singētzas dalung ltha hāndungdastlo: waigen kin dāunga gwudila ed wautliwan alth dī hagunan dalung alth ltha kilthkadungstlo dalungū lāgung.
12Kwutungē unga lth lādōga, waigen kwunan tlika lth gūlouga, dalung giē giasougē shā yūansi althlā: dalung kwunasta ga prophetgas gē kin singētzas ltha hāndungda gangāni althlā.
13Tung yillā hētk tligē gu dalung īching, waigen tung yillā houkiyē wast hēlōstlo, gūshu althlu tungēlthasang: ashgē timegē glu kum kinhan an lāngung: kiak ltha dānggēan tlou lāgung, lth hāada stē unga alth inku tadteldungēan.
14Hatgā hētk tligē gu dalung īching: lana kītsuwau inku atlindasu kum tliku saalga tlingē kāng gaanḡung.
15Lth hāada kāsotouho hotulthtastlo kum kwīdou skakōna hetgwi ltha istaḡunganḡung. Kāsotouho kuasi inku ltha istaḡunḡung, waigen ltha wautliwan nāgud isis da hatgāḡunḡung.
16Waikingān agwan lth dalung hatgas lth hāada wautliwan hangku hatgādou lthāangwila lā dalung istas ltha kānḡēan, waigen dalung Aung shā tligē gu isis an ltha yākwudungasang.
17Ga prophetgas gē kil isken, lawgē ishin lth tlahustiean lth kātlātalthing lth kum kwudungāngo: ga prophetgas gē kil isken, lawgē ishin lth tlahustiēan kum lth kātlāanḡun, kingān lth waugēanu lth kātlātalgun.
18Altsīilth yenkien dalung ga lth shūgung, shā tligē isken hētk tligē ishin hēlōwē kū, kum tliku kin lth'althskodis ska swaunshung isken, kin lth'alth hutis hu swaunshung ishin lawgē stāhā is tlingē kāng gaanḡung kin wautliwan kingān edgē kū.
19Altsīilth kīstho adshi kingwogungē swaun wauhangastihutsūsi tlahustang, waigen waikingān lth hāada il skadadastlo, shāgē kingdomgē gu wauhangastihutsūs hin il kēyāshang: waigen kīstho kingwoguns kiugān waugung, waigen ltha il skadadastlo, nung yūansi hinū il kēyāshang.
20Altsīilth dalung ga lth shūgung, takālunglēilung isken, Pharisee hāadē ishin kwutungē skwunas telgu kum dalung kwutungē skwunānsken, kum tliku shā tligē kingdomgē gu dalung istzā tlingē kāng gaanḡung.
21Tlaglu agwi tliku ltha shouan dalung kwudangang. Hin ltha shouan: kum nung hāada lth tiāng; waigen kīstho nung ītlinga tiastlo ginkilislang ga agung il lthanstlāsang.
22Tlaou hin dalung shūdang, kīstho kwai unga an kātliyildungstlo, ginkilislang ga agung il lthanstlāsang; waigen kīstho Rācā kwai unga hin shūtasken, council ga agung il lthanstlāsang: waigen kīstho dung kōnungung hin shūsken hetgwaugē zanoa ai agung il lthanstlāsang.
23Shālānā giē tablegē ā saouhadan kin unga dung giālastlo, waigen gaigu dung kwai dung an kātliyildungas ai dung kēitstlo,
24Shālānā giē tablegē hangku saouhadan kin unga dung istas lth ina, kūwē gud lth unga kaiit, kwai unga an kwutungē lāgelthtlāgang, waigen itan althkwi lth kā, waigen lth saouhadan kin unga dung istas ista.
25Houān kūwē gud nung alth gwutelga dung kings alth dung kāgundang, houītang lā alth kwutunge unga swaunshung ēlthta: kum waikingan edānstlo nung telga dung kings ginkilislanglē ga dung istāshang, waigen nung ta ginkilislungs kētsitlē ga dung istāshang, waigen kētsitnai ā dung ltha istāshang.
26Yenkien dung lth shūdang, cent ōstliē alth dung giasougē kū, kum tliku stāhā kiak dung is tlingē kāng gaanḡung.
27Tlaglu agwi tliku ltha shouan dalung kwudangang, waigen hin ltha shouan, kum lth laaigungāngu, waigen kum lth chaaigungāngu.
28Tlaou hin dalung shūdang, kīstho nung chada kinḡung, lā alth tīdiē da il kwudungsken, ltha alth ltha tīdaguns kingānu il kwutungē ā ēlthkīgung.
29Waigen soolgust dung hangi dung tlidiltadasken, lthāalgwi washt lth ista, waigen stagan lth dāng: dung āni swaun gougē wautelgu dung an lāgung, waigen kum dung tlu tliskwan hetgwaugē ai isāngshang.
30Soolgust dung stlē dung tlidiltadasken, washt lth kētsitla, waigen stagan lth dāng; dung āni swaun gougē dung an lāsi althlā, waigen kum dung tlu tliskwan hetgwaugē ai isāngshang.
31Houshen, tliku ltha shouan dalung kwudangang, waigen hin ltha shouan, kīstho chā unga dānḡung, gwud stāhā ltha itzgē kālungē lā ga il istaēu lāgung.
32Tlaou dalung shūdang, kīstho chā unga dānḡung, kum il lagāanskenan, lagā an lā il tlaoutlang: waigen kīstho nung ltha dāngs inēlgung lā ishin hingānu lā alth tīgādāshang.
33Tlagu agwi tliku ltha shouan dalung kwudangang, waigen hin ltha shouan: kum agung lth kilth kadungadānḡa, waigen tliku Shālānā ga dung shūs kingān lth wauga:
34Waigen tlaou dalung shūdang, kum klingān sūtsu giālanu-wāngu: kum shāgē lanuwāngu, Shānungetlagidas giē aulthkaaungwē isis althlā.
35Kum hētk tligē lanuwāngu, il stai kuasi langa isis althlā: kum Jerusalem tligē lanuwāngu, nung King ga yūans ilnigē isis althlā.
36Kum kats unga lanuwāngu, kum tliku katsa saas swaunshung addā isken lth'alth ishin dung tlaoutla tlingē kāng gaansi althlā.
37Hin lth shūu Āng, Āng: Kāhano, Kāhano: ashgē gūshouwē telgu kin edis kin dāunga an nung ītlagidas stāhā īching.
38Tliku ltha shouan dalung kwudangang, waigen hin ltha shouan: nung hangi ā nung hangi kāgunḡung, waigen zing ki swaunshung ā nung zing kāgunḡung.
39Tlaou dalung shūdang, kum lth nung dāungas hangtlan istaangu: waigen kīstho soolgust dung kānsita skodastlo hinawē ishin lth lā gwi ēlthta.
40Nung ītlinga lawgē dung an istastlo, waigen kodets dānga il istasken, agwan lth kodets chakūnas ishin dānga il dādi.
41Kīstho tliga kwīdiē swaunshung gud dung kil kaiitstlo kwīdiē stung gud lā alth kā.
42Kin da dung alth nung kiānungs lā ga lth ista, waigen kīstho dung alth kin lthakākitung kum lā stāhā hangouāng.
43Tlaglu agwi tliku ltha shouan dalung kwudangang, waigen hin ltha shouan, dung kwulth nung naas lth kwoyāda: waigen dung telga nung kings telga lth king.
44Tlaou dalung shūdang, dalung telga ltha kings lth kwoyādou, waigen kin singētza dalung ltha hāndungdas singelthgūshū:
45Dalung Aung shā isis kitilung dalung iselgēanā: lth hāada dāunga inku isken, lth hāada lā inku ishin, khuyigēan juiē unga il kākidaltlātlidagunḡung, waigen ltha lā isken, ltha dāunga ishin gwi guīyēanu delē unga il gwououdagunḡung.
46Dalung ltha kwoyādas swaunan dalung kwoyādasken, kasin giasou eddu dalung dāashang? Kum gu giasougununglēilung kingān edāng us?
47Touilung hangā swaunan dalung kwaukalthtastlo, kasin lth hāada kalat telgu dalung istang? Kum gu gwaigangē kalat kingān edāng us? Kum gu gwaigangē kalat touilung hangā kwaukalthtagungān us?
48Dalung Aung shā isis kwutungē glaias kingān lth kwutungē unga glaiado.
Currently Selected:
Matthew 5: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
