Matthew 17
17
Chaptergē Klāalth wok Chigwau.
1WAIGEN shantlan lthūunilth silīd Jesus Peter istaiāng, James ishin, John il tuan ishin, waigen lthdou jing ingwi lā il istaouang.
2Waigen ltha hangku adda il edang: juiē kingān il hangi hatgāgang, waigen kin il giandas hatgāguns kingānu addaiang.
3Waigen kwoking, Moses isken, Elijah ishin lā ga il gūshuwas il kingouang.
4Wadlu Peter hangtlan hin Jesus il shūtaiang, Shālānā ādlun an talung itzgēu lāgung: dung gwulāstlo, agwan gioungnē ti lth'unilth lth tlaoutlāshang: ti swaun dunḡiou isisang, ti swaun Moses giou isisang, waigen ti swaun Elijah giou isisang.
5Houan il gūshūgundang, yen addā shā stāhā ltha addu idjang, waigen kwoking, kil yen stāhā hin shouan, anis dī kit kwōyāsi īching, il kil lth kwudungo.
6Waigen tlīstluan lagagahatijanḡē kwudāngāni tlo ltha hānlthkikukidangang, waigen yenkien ltha lthwaugaiang.
7Waigen Jesus kātlāgang ken ltha il gidsgildaiang, waigen hinu il shouan; katlūulthā, waigen kum lth lthwaugāngu.
8Waigen tlīstluan sīk ltha kīītlaiang tlo tlan Jesus swaunan kum nung ītlinga kalat ltha kingāngang.
9Waigen houan lthdouwē stāhā ltha istaalgundang, Jesus ltha stitaiang, waigen hinu il shouan, itan kin an kaldunga dalung kingsa kum nung ītlinga ga lth shūdāngo nung ītlinga kit kwotal stāhā kātluwē kū.
10Waigen lagagahatijanḡē hin lā alth kiānangang, kashintlou takālung lēilung Elijah kātlātlāgangshang shūḡung?
11Waigen Jesus hin ltha shūtaiang, Elijah yenkien kātlātlāgangshang, waigen kin wautliwan il ēlthkidāshang.
12Waigen hin dalung ga lth shūḡung, itanu Elijah kātlāgang, waigen kum lā an ltha ūnshitāngang, altsīilth tliku ltha kwudungs kingān lā ā ltha istaiang. Waikingān nung ītlinga kit ishin ltha tilthwangshang.
13Wadlu John the Baptist il shūtaiang an lagagahatijanḡē ūnshitālang.
14Waigen tlīstluan ltha skūlas an ltha istlāgāni tlo, nung ītlinga lā an kātlāgang, waigen kwollo kats ing alth il kaoustlo hinū il shouan:
15Shālānā dī kit kalthshint lth kwutung il kōnunḡalas althlā, waigen il stiyūanḡung: timegē kwan gud zanoa si il assaḡunḡung, waigen chān ga ishin il atgaḡunḡung.
16Itan dung gagahatijanḡē ā lā lth istagun, waigen kum tliku lā ltha tlagūēlth tlingē kāng gaanḡun.
17Waigen Jesus hin hangtlan shouan, O gwudista kāngē gouan dalung yetaanḡung, waigen dalung kāskādsulanḡung; kīslu dalung ga lth tlitisisang, kīsītlu dalung kwulth lth isisang?
18Waigen Jesus hetgwaulana stitaiang, waigen lā stāhā il kaiitang, waigen gē askaskitē stāhā anung hāhutsūs lāgalāni.
19Wadlu lagagahatijanḡē giouk Jesus swaunan idjan gaigu istlāgang, waigen hin lā ltha shūtaiang, kashintlou kum kiak lā talung dangāngudja?
20Waigen ltha il shūtaiang, kum dalung yetāns althlā.
21Altsīilth yenkien dalung ga lth shūḡung, mustard mātlē swaunshung kingān dalung yetastlo, adshi lthdouwē hin dalung shūtāshang, wadshgwau tligē ā lth is, waigen kingānū isisang, waigen kum kin swaunshung dalung an singētzāngsang. Altsīilth singelthkang gūshū isken kīsal ishin ādang kum hetgwaulana kiak isānḡung.
22Waigen houan Galilee tligē gu ltha īchingdang, Jesus hin ltha ga shouan; nung ītlinga kit lth hāada stlē ik alth ltha giadāshang;
23Waigen lā ltha tiāsang, waigen shantlan lth'unilthstlo houshen il kātlūdiāshang. Waigen kwunan ltha kwutungē stigangang.
24Waigen tlīstluan Capernaum tligē gu ltha istlāgāni tlo, ga giasougunungs gē Peter an istlāgang, waigen hin ltha shouan, kum gu dalung ītlagīda dālā hinawē alth giasouāngus? Waigen Āng hinū il shouan.
25Waigen nē ik il katsaiang tlo Jesus lā ā kilthgwultlāḡangang, waigen hinu il shouan, Simon, kasino dung kwudunḡung: kītildas sto tligē an ga king gas gē giasou istang? Kitilung stāhā gwau? tliga kalat hāadē stāhā gwau?
26Waigen hin lā il shūtaiang, tliga kalat hāadē stāhā. Jesus hin il shūtaiang, lāgung, altsīilth kitilung ākānāgung.
27Ltha kwutungē talung estigē kum lānḡung, altsīilth tungē ā lth kaiit, waigen lth chān ga touul ista: skātlink sīk dung istatlāgangs lth ista, waigen tlīstluan il helthli dung kisistlastlo dālā kēskwau dung kiāshang: washt lth istang, waigen dī saoutk wēata ltha ga lth istang, waigen dāha ishin.
Currently Selected:
Matthew 17: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
