Luke 9

Chapter 9.

1WAIGIEN ga tlāalth wau gu stuns-gai un il ai-ang-an, waigien hants dāung-a wautliwon un isgien, sti tla-ngīstlie un ishin dugwīa la ga il isdāwon.

2Waigien Shanung-itlagadas gia kingdomgai alth tla geu gu il gushū-awe un isgien, tl stis il tla-ngīstlāwe un ishin, la il kil-istīidāwon.

3Waigien hin la il shudāwon, Dalung istīidsdlu lth gum gin isdang-wong, tushka isgien, gwau-alth ishin, shibli ishin, dāla ishin lth gum isdang-wong; kōdats chi-stung ishin lth gum isdang-woag

4Waigien nuh ai dalung isdsasdlu lth, sta dalung istīidai keu ā nā-ung-wong.

5Waigien gum dalung tl isdsadansdlu, tlistleuon ilnagai sta tlang-a dalung istīidsdlu lth, stang sta kōi-e gīidwong, tla hanltha witness-gagai una, waigien hin la il shudāwon.

6Waigien il istīidāwon, waigien lana ai il istalgung-āwon gien, gialthang las alth tla geu gu il gushu-āwon, waigien tlīidan tla il tl-ligulthūgang-an.

7Waigien Herod nung tetrarch-gas tliku gin edan wautliwon gudang-an; waigien il gudung-ai lthkwīd-euon-an, John kotal sta kālthū-ung tl īlthi shouon altha;

8Elijah tl kang-ung tl īlthi ishin shouon; tlidlu ga prophetgagan swon kālthū-ung tl kulat ishin shouon.

9John kuts wau sta lth shkiketlagun; gīshd edē tlou hin gin et lth gudung-gung? waigien hin Herod shouon, Waigien il kang-gai da la il gudang-an.

10Waigien ga apostlesgasgai tlistleuon silthgang stēlandlu, tliku gin il edāwon la ga il shudāwon. Waigien la il isdāwon gien, lana Bethsaida hin kyāgan ā la alth il kaidāwon.

11Waigien ga shkūlasgai un ūnshidalandlu, la dla tl istīidan; waigien tla alth il gudung-ai lagan gien, Shanung-itlagadas gia kingdomgai alth tla ā il gushouon, waigien ligulai da ga gudunsgai il tl-ligalan.

12Waigien sing-i-aian; waigien ga tlaalth waugu stunsgai istlagan gien, Ga shkūlasgai lth kil-istīid, waigien lana isgien, tliga odō is ishin, ā tl istīids gien, gu nuh ā tl isis gien, tou tl isdie una; adlun tligunltha talung isis altha, waigien hin la il shudāwon.

13Dalung lth tl lthdanūdū, waigien hin la il shudāwon. Shibli kū-tlēlth swonan taluug dāung, shkolthung stung ishin; tla un tou talung dahwosdlu tlou, tla dlū ēt-lthing-āgung, waigien hin il shu-āwon.

14Tl ilthansida thousandgai tlēlth dlu edan altha. Tlāale tlēlth ā lth gut alth kil-tlā-ū-dalū, waigien hin gyang disciplesgai il shudaian.

15Waigien ging-an il wau-āwon gien, tl wautliwon il tlā-ū-dāwon.

16Waigien shibligai kū tlēlth isgien, shko-lthung-ai stung ishin il isdaian, waigien shi ga il kēilthaian gien sing il kil-lāgan, waigien ai il ginanang-an; waigien gyang disciplesgasgai ga il isdaian, ga shkūlasgai hetgu il isdāawe una.

17Waigien tl lthdanāwon gien, tl skisū-ōdsou-on; waigien kwōkung-awe wau silīā ijan gudā tl isdaian gien, basket a-tlāalth wau gu a-stung sta-hāwon.

18Waigien la swonan singlthgang gu-shouondlu, lagia disciplesgai la alth ijan; Gīshdū di ising ga shkūlasgai shugung? waigien hin la alth il kianung-āwon.

19John nung Baptistgas-a; tl īlthi ishin Elijah dung ising shugung; waigien tl īlthi ishin tlidlu ga prophetgagan-gai swon kālthūs dung ising shugung, waigien hin hanglthang il shūāwon.

20Gīshd tlou di ising dalung shugung, waigien hin la il shudāwon. Shanung-itlagadas gia Christgai ū dung ijung, waigien hin Peter hanglthang shouon.

21Waigien la il stidāwon gien, gum nung haada ga adshi la il shūdalthang-āwon;

22Waigien hin il shouon, Nung haada Git gin shing-idsa kwon āndung-ashang, waigien ga kēasgai isgien, liplēt un ga itlagadasgai ishin, tukālung-lē-alung ishin la ga gwou-wau-ashang, waigien la tl tīāashang, waigien shin lthonulthsdlu il kālthū-ashang, hin il shouon.

23Waigien hin ishin tl wautliwon il shudaian, Di dlā kagai da nung gudunsdlu, agung il chāa-gudang-das gien, shantlan wautliwon shkau-a-magai ung-a il shkeulthgaguns gien, īdi dlā il kagai ū lagung.

24Hēnung-gang kogundie danung gudunsdlu, il gūdāases altha; di agunan hēnunggang nung gudasdlu tlou, ung-a il kogundāīdaiashang.

25Gūshū nung haada gwi kāalgung, hētlūltligai ashkwau-hun la gwi kāalths gien, agung il gudasdlu-a?

26Di alth isgien, di kil alth ishin, nung dasdlu, la alth ishin nung haada Git ēdā-ashang, tlistleuon gyang unyāgudung-gai isgien, nung Aung-as unyāgudung-gai ishin, angels las unyāgudung-gai dung-alth ishin, il katlasdlu-a.

27Waigien yenkien dalung ga lth shugung Adlun ga tljūgians īlthi, Shanung-itlagadas gia kingdomgai kang-gai keu, gum kotulthga-swonung-ung-ashang, hin tl wautliwon il shudaian.

28Waigien adshi il shudaian sta shin stan-shang-a ēlandlu, Peter isgien, John ishin, James ishin il isdaian, waigien singlthgang il gushue un tldāwe gwī il kulthaian.

29Waigien hawun singlthgang il gushugundān, il hung-i āda ēlan, waigien gin il giandaian otgālan gien, ā dsū-i-hung-i-āgan.

30Waigien tl īlthansida stung la ā gushouon, Moses isgien Elijah ishin ū ijan;

31La unyāgudung-āwos kang-gas gien, Jerusalem gu il kotalang-kasas edē il kāūgāwon.

32Waigien Peter isgien, la alth tl ijan ishin, kung-ā-euonan; waigien tlistleuon il shkin-jēlthā-wondlu, la un yagudung-as isgien, tl īlthansida stung la kwulth tljūgians ishin il keng-awon.

33Waigien la sta il istīidūgundān, hin Peter Jesus shudaian, Nung Itlagadas, adlun talung itsgai ū lāgung; giang-ū-nai tī-lthonulth talung tloulthadsun; tī-swon dung un isgien, tī-swon Moses un ishin, tī-swon ishin Elijah un isisang, hin il shouon; waigien gum tliku il shūs un il ūnshidang-an.

34Waigien hawun adshi il shudagundān, yanung-ēlan gien, la ga saldāwon; waigien yanung-ai ai il isāwondlu, il lthwaugāwon.

35Waigien yanai sta kil ijan, Di Git ū ā ijung, nung lth gwūlas-a; il kil lth gudung-ū, waigien hin kil shouon.

36Waigien tlistleuon kil ijandlu, Jesus swonan gu ijan. Waigien il kwūlgundāwon gien, gin il keng-āwon wautliwon gai nūt gum nung hāada ga il shudang-āwon.

37Waigien waudālēkw tldāwe sta il istal-lthāwondlu, tl shkūl-euon la un istlagan.

38Waigien nung īlthing-a shkūlie shu sta kiā-gang-an gien hin il shouon, Nung Itlagadas, di git dung kang-gai da dung alth lth kia-nung-gung; tlan di git swonshuns il isis altha;

39Waigien hants ū il isdas gien, umlthīstan il kung-adagung-gung; waigien la il ging-kē-ū-nuns gien, il helthi ai sta sōlū ijung-gung; waigien la sta kāstie-jīng-as gien, ishin ung il kedligadang-euon-gung-gung.

40Waigien wausta tl dang-gai da dung-gia disciplesgai alth lth kianung-gun; waigien ā il dsigī-ū-gun, hin il shouon.

41Gūdista kang-gai gum yetdang isgien, genjia ishin dalung isis, gīsdlu dalung kwulth lth isis gien, dalung keu lth etisbang? althgwī lth gitang isdi, waigien hin Jesus hanglthang shouon.

42Waigien hawun il kāgundān, hants dāung-as il tl-dl-dulthdaian gien, il kē-ū-nung-euonan. Waigien Jesus hants gum shkwunans stidaian gien, nung īlthing-a ḵutsūs il tl-ligalan, waigien aung-ung ga silthgang la il isdaian.

43Waigien Shanung-itlagadas unyāgu-dung-gai un tl kuldung-ā-ōdsou-on. Waigien gin wautliwon il isdaian hawun tl wautliwon unkuldung-āgundān, hin gyang disciplesgai il shudaian,

44Adshi gushue ai duman dalung geuying-ai lāgung; nung haada Git tl haada stlai ai tl isdāases altha, hin la il shudāwon.

45Waigien adshi gūshūe un gum il ūnshidang-āwon, waigien gum un il ūnshidang-awe un la sta salgāawon; waigien adshi gushue tliku etgai da la alth kianung-ai ga il lthwaugāwon.

46Waigien la shū nung ītlagadawau-ases edē il kāūgīdāwon.

47Waigien gin edē il kwulthilthāwon Jesus kang-andlu, nung ā-ḵutsū il isdaian gien, kwulthgang la il isdaian, waigien hin la il shudāwon,

48Nung-hun anung ā-ḵutsūs di kyē agunan isdasdlu, di ū il isdagung-gung; waigien nunghun di isdasdlu, di nung kil-kaidun ū il isda-gung-gung; dalung wautliwon hang-ast nung ets itlagadas altha, hin la il shudāwon.

49Nung Itlagadas, dung kyē alth hants dāung-a tla sta nung dans talung keng-gun, waigien la talung stidagun, gum itil alth il stung-uns altha, waigien hin John hanglthang shouon.

50Gum lth il stidang-ū; gum dalung hanltha nung edansdlu, dalung gūst il ets altha, waigien hin Jesus il shudaian.

51Waigien tlistleuon shi ga la tl isda-ung-kasas shantlanai waudlu ēlthdalandlu, Jerusalem ā il kogai un il gudung-ai elthgīgan,

52Waigien kōnastgang gītsadalung il kilistīidan; waigien il istīidāwon gien, Samaria haade gia ilnagai swon ai il isdsāawon, la keu gin il ēlthgīdawe una.

53Waigien la ga tl gwou-aian, Jerusalem ā kagai un il gudung-ai elthgīgan altha.

54Waigien tlistleuon James isgien John ishin lagia disciplesgai ijan adshi kang-andlu, Shalana, sha-tligai sta das talung kil-is gien, tl ōgulai da gu dung gudung? hin il shu-āwon.

55Waigīen la gwī il kēi-āwon gien, la il stidāwon.

56Waigien lana kulat ā il istīidāwon.

57Waigien hawun keu-e gūt il istalūgundān, Tlījau ga-hun dung kas ging-an dung dlā lth kāashang, hin nung ilthing-a swonshung il shudaian.

58Nukudsī ū nēē dāung, siet hetit is ishin lthtelg dāung, nung haada Git tlou gum tlījan il kuls kē-ū-dalthing-e dā-ung-gung, waigien hin Jesus il shudaian.

59Di dlā lth kā, waigien hin Jesus nung kulat shudaian. Shalana, kwai lth aung-ung di lthēa-wau-tlagang-di, waigien hin il shouon.

60Ga kotulthgiasgai lth akwon ga kotulth-giasgai ung-a lthēōda, da tlou Shanung-itlagadas gia kingdomgai tla ga shudāagai lāgung, waigien hin la il shudaian.

61Dung dlā lth kāashang, Shalana; kwai lth giagun nai ā ga isgai ā di kil-lā-tlagang-di, waigien hin nung kulat isbin shouon.

62Nung hāada tliga-uldsalawe gitsgīlthdas gien, silthgang il kensdlu, gum Shanung-itlagadas gia kingdomgai un il lā-ung-gung, waigien Jesus hin il shudaian.

Currently Selected:

Luke 9: HAIDA

Highlight

Copy