Luke 6

Chapter 6.

1WAIGIEN sabbath shantlanai ai corn kwulthkotajai kalthgut il kāgan; waigien lagia disciplesgai corn-gai dung-gīidan gien, gutgwī il tla-hanang-wos gien, il tā-āwon.

2Gushintlou tuking-go-gung-ai shus ilā sabbath shantlanai ai dalung waugung? waigien Pharisee haade īlthi hin shouon.

3Waigien Jesus hin hanglthang tl shudaian, Tlistleuon David kwōtagālandlu, tliku il waugan gien, tliku la alth ga ijan-gai ishin waugan, gum gu dalung lididang-ūja?

4Shanung-itlagadas gia nai ai il kudsaian, waigien shibli las il isdas gien, il tāgan, waigien la alth ga ijan-gai ga ishin il isdaian; althji tlan ga liplētgas swonan tugai lang tuking-go-gung-ai shouon, hin Jesus shouon.

5Nung haada Git ū sabbath shantlanai un itlagadāgung, hin ishin tla il shudaian.

6Waigien housen sabbath-gagandlu, synagogue-nagai ai il kudsaian gien, gin tla il shkotadaian; waigien nung īlthing-a sōolgūst stlai yhilgala ā ijan.

7Waigien tukālung-lēalung isgien, Pharisee haade ishin, la ā lthotsaian, sabbath shantlanai ai la il tl-ligulai tl kang-gai una; tliku la hanltha gushoulthing-e tl kēie una.

8Waigien tliku tl guduns un il ūnshidan; Giāaltha, waigien lth tla yakosīa giāa, waigien il hin nung stlai yhilgalas il shudaian.

9Waigien il giāagan gien, tla yakosīa il giāagan. Waigien hin Jesus tl shudaian, Sabbath shantlanai ai gin lā isdie gu lā? gin dāung-a isdie gu lā? nung hēnung-gai kogundie gu lā? nung tīie gu lā? dalung alth lth kiānung-gung, hin tla il shudaian.

10Waigien tl wautliwon gut il kendagwongan gien, Stlang lth jistla, hin la il shudaian. Waigien ging-an il waugan, waigien il stlai langa ligalan.

11Waigien la un tl kalthi-yilthd-euonan, waigien tliku Jesus tl edalthing-ai ā gūtga tl kāūgaian.

12Waigien althsgai shantlanai gut singlthgang gushue un tldāwe ā il kaidan; waigien al shoshgu Shanung-itlagadas a singlthgang il gushouon.

13Waigien shantlandlu, gyang disciplesgai un il lthai-aian; waigien tla sta tl tlāalth waugu stung il kenstaian, waigien apostles hin la il kyādāwon;

14Simon Peter hin ishin la il kyadaian isgien, Andrew il don ishin, James ishin, John ishin Philip ishin, Bartholomew ishin,

15Matthew ishin, James Alphseus git ijan ishin, Simon Zealot hin kyāgan ishin,

16Judas James git ijan ishin, Judas Iscariot la alth nung giadahgan ishin;

17Waigien la alth il kāalthāwon gien, tliga yā gu il giāang-an, waigien lagia disciplesgai shkūl-euon-an, waigien Judæa tligai ashkwauhun sta isgien, Jerusalem sta ishin, Tyre isgien Sidon ishin ai-awe gust ijan sta ishin, tl shkūl-euon il kil gudung-ai un isgien, tl stis tlang-a il tla-ngīstlie un ishin istlagan;

18Waigien hants gum shkwunans alth ga gndung-ai lthkwīdas ishin ligalan.

19Waigien tl shkūlas wautliwon il tl-tlie da gudang-an; dugwīa la sta ijan gien, tl tlangīstla-ōdsou-on altha.

20Waigien gyang disciplesgai il khatsgīlthdaian gien, hin il shouon, Dalung kongushgitaigas ū lāgung; Shanung-itlagadas gia kingdomgai dalung gia isis altha.

21Wēt dalung kwots ū lāgung, dalung skisūases altha. Wēt dalung saigas ū lāgung, dalung kah-ases altha.

22Nung haada Git agunan tl haada dalung telg kens gien, stagang dalung tl dans gien, ishin dalung tl kil-ēdans gien, gin dāung-a tl dang-guns ging-an dalung kyē ishin tl dansdlu, dalung ū lāgong.

23Gai sing-ai gut lth tlika gwūlā-ū ang-a kai-ang-ū; sha-tligai gu dalung gia giashougai euonsi altha, wai ging-ān tl aung-alung ishin ga prophetgasgai etdagang-an altha.

24Dalung itlagadas un tlou gin ga lthwaugīgāashang! dalung gudung-ai wau shatusgīs altha.

25Wēt dalung skisawos un gin ga lthwaugigāashang! dalung kwotagulthses altha. Wēt dalung khas un gin ga lthwaugīgā-ashang! dalung kogun-inas gien ishin dalung saigāases altha.

26Dalung alth tl haada wautlwon gialthindie lasdlu, dalung un gin ga lthwaugīgā-ashang! ging-an tl aung-alung ga prophetga kilthgadung-as un etdang-an altha.

27Waikian di kil dalung guduns hin lth shudang, Dalung ga hānāgādasgai lth kwoyādū, dalung telg ga kensgai un lth lā-ū,

28Dalung ga lānūsgai ā lth gushou lā shūdū, dalung ga dāagudans sing lth gushūū.

29Dung kunsut nung shkudasdlu, īnawē ishin lth la gwī ēlthda; waigien kōdats chikōnas dung sta nung isdasdlu, akwon lth kōdadsai ishin ung-a il isdada.

30Dung alth gin ga tl kiānuns wautliwon ga lth gin isda; waigien gin dung dāas dung sta nung isdasdlu lth, gum silthgang ginung-ung.

31Waigien tliku dalung un tl etgai da dalung guduns ging-an lth tla un etū.

32Dalung ga kwōyādasgai swonan dalung kwoyādasdlu, ging-gang-an ū ēdung, ga dāung-asgai ishin tl kwoyādasdlu, gai ishin tl kwoyādagung-us altha.

33Dalung un ga lasgai swonan un dalung lasdlu, ging-gang-an ū ēdung, ga dāung-asgai ishin ging-ān ēdung-us altha.

34Waigien dalung ga ga giashou-ashang dalung guduns swonan dalung gia-shildadasdlu, ging-gang-an ū ēdung; ga dāung-asgai ishin ga dāung-asgai gia-shildadagung-gung, housen silthgang tl da-ēlē una.

35Dalung ga hānāgādasgai lth kwoyādu ang-a tla un lā-ū, ishin lth tl gia-shildadū, gum lth kai-inslang-ū; waigien dalung gia gia-shougai euon-shang, waigien sha āgwī Nung ets gitalung ū dalung isisang; gum ga kil-lansgai isgien, ga dāung-asgai ishin un il kung-gudung-as altha.

36Tla kalthshint lth gudung-ū, dalung Aung tla kalthshint gudung-guns ging-ān-a.

37Waigien lth gum tu-ging-kilisalung-ung-ū, waigien dalung ishin gum tl ging-kilisalung-ung-ashang; gum lth tl tlū-unshkotalthang-ū, waigien gum dalung ishin tl tlū-unshkotalthang-ashang; tla kalthshint lth gudung-u, waigien dalung kalthshint ishin tl gudung-ashang;

38Tla ga lth gin isdu, waigien dalung ga ishin gin tl isdāashang; gin kwīdie las isgien, ing-gu tl-duldung-as ishin, gīidias ishin, wau sta kou-ūdas ishin, dalung shkeu ai tl isdā-ashang. Tliku tla un gin dalung kwīdas ging-an dalung un ishin tl kwīdāases altha, hin Jesus shouon.

39Waigien kēgang alth ishin tla ā il gushōuon, Ga hang-kagasgai gu ga hang-kaga al-istal-lthing-a? gum gu tl stung-hun gin hēla ai hāwīdsang-ashā-ūsh?

40Nung disciple-ga gum ītlagīdang telg ēdung-ung-gung; nung un gin shkot-ilthdasdlu tlou, ītlagīdang ging-an etishang.

41Gushintlou dung kwai hung-i ā shkelgīishguns dung khatsgīdung, waigien dung hung-i ā tlimit isis tlou gum un dung ūnshidang-gung?

42Di kwai is, dung hung-i ā shkel-gīishguns wau sta dang-a di isdada, gushintlou hin kwai-ung dung shudalthing-āgung, waigien dung hung-i ā tlimit isis gum dung keng-ung-gung? Dung gudung-ai stung-gung! hung-ung sta lth tlimadai dang-tlagang, waigien itan dung kwai hung-i ā shkelgī-ishguns tlāalgwī dang-gai un dung hung-ā kang-ūlāgulthshang.

43Gum gin lthkai lā gut ān dāung-a īnastlagung-unsi altha; gin lthkai dāung-a gut ishin gum ān lā inastlagung-ung-gung.

44Gin lthkai wautliwon ānē alth un tl ūnshidung-us altha. Gum gin lthkai ki sta tl hāada fig isdagung-ung-gung, gum gin lthkai ki sta ishin grape tl isdagung-ung-gung.

45Nung hāada lā il gudung-ai ā gin kwōyā lā isis sta gin lā isdagung-gung; nung hāada dāung-a ishin gin kwōyā dāung-a sta gin dāung-a isdagung-gung; gin alth il gudung-ai stā-ū-gas sta gin unsta il shugung-us altha.

46Shalana, Shalana, gushintlou hin di dalung kyādas gien waigien gum tliku lth shūs ging-an dalung waugung-ung-gung?

47Nung-hun di un katlas gien, di kil il guduns gien, ishin ging-an il wausdlu, tliku il ets dalung lth kendāashang;

48Nung īlthing-a nuh tloulthas gien, chān ga il lthaidsas gien, tīsh ing-gu kwau-wong-ai il kwūnlthin gadaian ging-ān-ū il ēdung; waigien tlistleuon untlai kāgan gien, nai ai kwah-odāwon-dlu, gum ū ging-yilthdalthing-ang-an; tloulthie lāgani altha.

49Waigien di kil nung guduns gien, gum ging-an il wau-unsdlu, nung īlthing-a kwauwong-ai ādan tligai ing-gu nuh tloulthaian ging-an ū il ēdung; waigien ai kwau-odāwon dlu, hawīdan hūndsaian, waigien nai yenkien gāwon, hin Jesus shouon.

Currently Selected:

Luke 6: HAIDA

Highlight

Copy