Luke 12
12
Chapter 12.
1WAUDLU tl shkūl-euon gudā ijan gien, gūt ing-gūt-hun tl isīdandlu, hin gyang disciplesgai il shuda-tlagang-īdan, Pharisee haade gia tlakulthdāwe sta lth ga gūtgung-ū, gudung-ai stung is altha.
2Waigien gin salgas wautliwon kang-gelthshang; gin kwulgun-gas wautliwon ishin un ūnshidēlthshang.
3Althji alth tliku hun algwau dalung shūs otgasdlu tl gudung-ashang; waigien nahgwau āgwī gin tl geu-i dalung shūd-kwōlth-das nas ing-gu unsta tl shu-ashang.
4Waigien hin dalung lth shudang, di tō-alung isis, Tl lthū tl tldas gien, waudlā gum tliku tl waulthing-e kang-gans ga lth gum lthwaugang-ū.
5Nung ga dalung lthwaugalthing-as tlou dalung ga lth shudāashang; tla nung tldas dlā hetgwaugai ai tl dang-gai un nung dugwīas ga lth lthwaugū; āng, althunis ga dalung lthwaugie lang lth shugung.
6Gum gu kwūtsagū tlēlth farthing gūstung-āgung-ung-ūsh? waigien gum swonshung-ga-hun Shanung-itlagadas kēshgīdung-ung-gung.
7Waigien dalung kuts ou wautliwon kwai-indiāgung. Gum lth lthwaugang-u; kwūtsagū kwon telg dalung kwōyāgung.
8Waigien hin dalung ga lth shugung, tl haada hang-gu di unsta nung shusdlu, Shanung-itlagadas gia angels-gai haug-gu la unsta ishin nung haada Git shu-ashang;
9Tl haada hang-gu di da nung kudasdlu tlou, Shanung-itlagadas gia angels-gai hang-gu la da ishin lth kudāashang.
10Waigien nung haada Git hanltha nung gushusdlu, la kalthshint tl gudung-ashang; Hants Las hanltha gushou dāung-a nung shu-dasdlu tlou, gum la kalthshint tl gudung-ung-ashang.
11Waigien tlistleuon synagogue-nagai un ga ītlagadasgai isgien, ga ītlagadasgai ishin, ga dugwīgasgai hang-gu ishin, dalung tl isdasdlu, tliku hang-gang dalung shūases ai gum gu-dung-ung tl lthkwīdadang-ūga;
12Tliku dalung shougai las nung Hants Las waudlu ēlthsdlu dalung shkotadāases altha, hin Jesus shouon.
13Nung Ītlagadas, gin talung dā-ung-kashagnn tīch lth di kwai di ga isdadi, waigien hin ga shkūlasgai swon il shudaian.
14Nung īlthing-as, gīshdū dalung un di ging-kilisalang-lēgadas gien, gut āada ishin gin di tladīgālēgadaiang? waigien hin la il shudaian.
15Gulth-gūt-gung-ū, waigien gin ga staltha wautliwon sta lth duman agung keng-ū; nung haada hēnung-gai gin kwon il dāas alth gum dugwīans altha, waigien hin tla il shudaian.
16Waigien tla ga il kēgang-an; Nung ginlthing-a gia tligai gu gin kwon īnastlaian;
17Waigien odō il kwūlthalan gien, hin il shouon, Gushinū lth edāsīnī, gum tlījan gin īnastlas ung-a lth isdalthing-e kang-gans altha?
18Hin ū lth wau-ashang; corn-nagai ai ung-a lth tlinanung-ashang, waigien wau telg ga euonda lth tloulthāashang; waigien gai ā corn-gai wautliwon isgien ginagai wautliwon ishin ung-a lth isdāashang.
19Waigien hin althandang lth shudāashang, Althandai, tuda kwon dlu gin dung un kwon-gung; gudung-ung lth wau shatusdi, lthdanū ang-a lth tlika gwūlā, hin il shouon.
20Dung kōnuns, algwau un dung althandai dung sta isdiāashang; waigien gīshdū gudā gin dung isdagun dāashang? waigien Shanung-itlagadas hin il shudaian.
21Ā-ū tliku nung haada ēdung, gin kwōyā kenung un gūdā il isdas gien, gum Shanung-itlagadas un il ginlthing-ansdlu-a, hin Jesus shouon.
22Waigien hin gyang disciplesgai il shudaian, Althji alth hin dalung ga lth shugung, Gum lth hēnung-gang ai gudung-ung lthkwīdadang-u, gin dalung tāases-a; gum lth lthū-ung ai ishin gudung-ung lthkwīdadang-ū, gin dalung giandāases-a.
23Tl hēnung-gai ton telg ets gien, tl lthū ishin gin giandalthing-e telg ets altha.
24Yelth odō lth kwūlthilthū; gum gin tldsans gien, ishin gum gin tlīidung-ung-gung; gum tou-nai dāans gien, ishin gum corn-nai dāang-gung; waigien Shanung-itlagadas ū lthdanūdagung-gung; hetīt telg āgwī ū dalung kwōyāgung!
25Waigien gīshdū cubit swonshung dsū-ung dsing-īlthdalthing-āgung, gudung-ung il lthkwīdadas-kianan-a?
26Gum gin dsūdsū-hun dalung isdalthing-ansdlu, gushintlou gin āda ai gudung-ung dalang lthkwīdadagung-gung?
27Stlukēstā odō lth kwulthilthū, tliku īnastlagung-us-ī-a; gum lthong-gwilans gien, ishin gum gin lthgilgung-ung-gung; waigien hin dalung ga lth shugung, Solomon un yāgū-dung-āgandlu, gum ashgai swon ging-an gin il gianda-tljū-ang-gang-an.
28Kwulthkotajai ā kun is ū aiat kougung, waigien adalth tsanusi tl isdāashang; waikian Shanung-itlagadas gin giandadasdlu, gum gu wau telg gin dalung il giandadang-ashā-ash, lthing-an dalung yetdas-a?
29Waigien gin dalung tāases isgien, gin dalung nīlthises ishin lth gum da dī-ing-ung-ū, ishin lth gum gudung-ung kwondang-ū.
30A gin isis wautliwon da gwaigang hētligai gu isis da dī-ing-gung-sī altha; waigien a gin isis ga dalung stalthas un ū dalung Aung ūnshidung.
31Waigien lth kingdomgai da lang-a dīng-ū, waigien a gin isis dalung gia isīlthishang.
32Lumado gū-ḵutsū dalung isis, gum lth lthwaugang-ū; kingdomgai dalung ga isdie un dalung Aung gudung-ai las altha.
33Gin dalung dāas alth giadahū-ū, waigien alth tla da tlāadū, dāla gwau-alē gum kēgēlth-ang-ases lth kenung un tloulthū, gin kwōyā gum tlan ēlthang-ases lth shi ga isdū, gaigu gum kwolthdale katlans gien, ishin gum stlukum gin tl-dāung-ēdung-ung-gung.
34Gyāgu gin kwōyā dalang-a isis gu dalung gudung-ai ishin isises altha.
35Ung dalung dl-juts gien, kāsōdou-e ishin dalang-a ōgai lāgung;
36Waigien tl ītlagīda gū-inēl lagunung-ai sta silthgang stēlgai da tl haada khatsū-gung-us ging-an lth etdu; tlistleuon il katlas gien, keu-e il shkustagasdlu, hawīdan la keu sta wau sta tl da-ostlie una.
37Tlistleuon nung ītlagadas katlas gien, il gītsādalung khatsūs il kensdlu, yenki tla un lā-gung-gung: yenkien dalung ga lth shugung, ung il dlj-gūsdlā-ashang, waigien tl lthdanūe un tla il kil-tlā-ū-ashang, waigien il katlas gien tla alth il dai-ing-ashang.
38Waigien shkiana-stang ai il katlas gien, shkiana-lthōnulth ai ishin il katlas gien, hi tl ets il kensdlu, a ga gītsadasgai un yenki lāashang.
39Waigien lth adshi un ūnshidū, ashkoshgut gūt nung kwolthdalēga katla-ung-kasas un nung nuh-lēgas ūnshidasdlu, il shkianas-gaia-hung-gung, waigien gum nai lang-a tl tla-helthilē keu il tutīdlishga-ung-ahung-gung.
40Dalung ishin lth ung elthgīdū; giadlu gum il katla-ung-ashang dalung gudunsdlu, nung haada Git katlā-ases altha, hin Jesus shouon.
41Shalana, itil un swonan gu adshi kēgang-ai dung shudi, tl wautliwon-hun un gwau? waigien hin Peter shouon.
42Waigien hin Shalana shouon, Gīshdū nuh duinan kang-lē lā isgien ishin kutung-a ijung, il ītlagīda gyang nai duman il kendas gien, time-gai waudlu ēlthsdlu tla ga il gīdie una?
43Il ītlagīda katlas gien, hin il ets lang-a il kensdlu, yenki wunung gītsadas un lāashang.
44Yenki dalung ga lth shugung, gin il dāas wautliwon duman la il keng-īlthdāashang.
45Di ītlagīda katlagai jīng-ā-gung, hin wunung gītsadas gudunsdlu tlou, waigien ga gītsada īlthansidasgai isgien, ga gītsada jāadasgai ishin il shkidung-īdsdlu, waigien il lthdanū-ids gien ishin il lum-gasdlu,
46Wunung gītsadas gum khatsū-uns gien, ishin gum time-gai un il ūnshidang-gundān, il ītlagīda katlāashang, waigien la il shkīdsulth-euon-shang, waigien gum ga lāansgai shu-wī la il isdāashang.
47Waigien wunung gītsadas ītlagīdang gudung-ai un ūnshits gien, waigien gum ung il ēlthgī-dans gien, ishin guni il gudung-ai ging-an il edansdlu, la tl shkidung-euonshang;
48Waigien gum un il ūnshidans gien, gin agunan la tl shkidung-ai las il isdasdlu, lthing-an la tl shkidung-ashang. Waigien nung-ga-hun gin kwon isdiasdlu, la sta gin kwon ga tl stalthāashang; waigien nung-ga-hun gin tl isda-kwonsdlu, wau telg la alth gin tl ginung-ashang.
49Hēt-tligai ing-gu das lth kātie un lth katlang; waigien wēt hun ōgulthsīdlu di gudung-ai lādādung-gung!
50Baptism alth di tl baptize-die lagung; waigien ēlthgīgai keu di gudung-ai lthkwīd-euon-gung!
51Hēt-tligai gu gudang dlaia lth isdie un lth katlang gu dalung gudung-ūsh? Gāanū, gut hanltha tla lth tla-elgai un lth katlang dalung ga lth shugung;
52Adshi sta nuh tī-swonshung ā tl tlēlth naansdlu, gūt āada agung tl tlāadses altha, tl lthōnulth tl stung hanltha ets gien, tl stung ishin tl lthōnulth hanltha etishang.
53Gūt āada agung tl tlāadshang, nung aung-as git-ang hanltha ets gien, nung git-as ishin aung-ung hanltha etishang; nung ou-as gū-jang-ung hanltha ets gien, nung gūjas ishin ou-ung hanltha etishang; nung jūnas git-ang jā hanltha ets gien, il git jā ishin jūn-ung hanltha etishang, hin Jesus shouon.
54Waigien tl shkulas hunisun hin il shudaian, Tlistleuon jā-gwau yan shi ga is dalung kensdlu, Hashādalgung, hawīdan hin dalung shugung-gung; waigien wai ging-an ijung-gung.
55Waigien tlistleuon ousik tudsūs dalung kensdlu, Tukhousda-ung-kashang dalung shu-gung-gung; waigien wai ging-an ijung-gung.
56Dalung gudung-ai stuns, hēt-tligai hung isgien, sha-tligai hung ishin tliku ets un dalung ūnshidung-gung; gushintlou gum adshi time-gai tliku ets un dalung ūnshidang-gung?
57Gushintlou dalung kodan guin gin lā un ūnshidung-ung-gung?
58Dung hanltha nung ets alth nung ging-kilisalang-lēgas ā dung kasdlu, hawun dalung istalgundān gin agunan dung hanltha il ets tlan ēlthdie dung isdagudung-euou-ai lāgung; gum ging-an dung edans gien, nung ging-kilisalang-lēgas ā dung il isdāashang, waigien nung ging-kilisalang-lēgas nung kēchitlēgas ga dung isdāashang, waigien nung kēchitlēgas kēchitnai ai dung isdāashang.
59Gin wautliwon dung shougai keu gum tliku sta dung kāgwaulthing-e kang-gang-ung dung ga lth shugung, hin Jesus tl shudaian.
Currently Selected:
Luke 12: HAIDA
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society 1891-1899.
