Apostles-Gasgai 12

Chapter 12.

1ALTHSGAI nūt Herod nung king-gas church haade t'īch gin shing-idsa āndung-dīidan.

2Waigien James John k'wai shich alth il tīaian.

3Waigien tlistleuon Jews haade gwūlāgan il kāng-andlu, Peter ishin il gitsgīlthdadaian. Waigien shibli tlukulthdāwēgū hunda lagunug-ai sing-ai ijan.

4Waigien tlistleuon la il isdaiandlu, k'ēchitnai ai la il isdaian, waigien soldiers haadel stunshung ā gushout-ga la ā lthotsiē un ga la il isdaian; Passover lagunung-ai ēlthgīsdlu, tl haada ga il isdie da il gudang-an altha.

5Althjī alth-ū k'ēchit-nagai ā Peter duman tl kāng-an; waigien church haade Shanung-itlagadas ā la sing gūshū-euon-an.

6Waigien tlistleuon Herod sta il isda-ung-kashagan sing-ie ā, soldiers haade stung yāko-sīa Peter k'otdaian gien, stakwūns-gulth-da sh'o-stung alth il kēchgū-waugan, waigien duman ga kensi ishin nai hang-gu duman k'ēchit-nagai kāng-an.

7Waigien gwokeng, Shalana gia angel-gai la k'wulth giāagan, waigien nai kālthi otgēilan, waigien Peter dōwil il tlitlaian gien, la il tlishkinaian, Hāwit lth kālthū, waigien hin il shou-on. Waigien stakwūnsgulthdāwē il stlai sta lang-a hāwaian.

8Gīn dung giandas lth odang isdi, st'ashgagai ishin lth ung-a dundsut, waigien hin angel-gai il shudai-an. Waigien ging-ān il waugan. Kōdadsai ai lth ung-a kudsi, waigien lth di dlā kā, waigien hin la il shudaian.

9Waigien il kāgolthāgan gien, la dlā il kāgan; waigien tliku anuug angel-gas waugan yenki edan gum un il ūnshidang-an, hing-ān il kung-ung il gudang-an.

10Waigien tlistleuon lūmgai tī-stung t'elg il istalāwondlu, ilnagai gūst yads k'eu-e ijan un il istlā-āwon, waigien althjī la k'eu sta agung da-ostlāwon; waigien il isā-āwon gien, k'eu sa-swonshung kālthgūt il istalāwon, waigien angel-gai la sta waudlu kaidan.

11Waigien tlistleuon Peter tlan kung-ū-nung-gaiandlu, Shalana angel ung-a kilkaidun gien, Herod stlai sta isgien, Jews haade gin wautliwon da gudung-gun sta ishin, di il kogundagun yenki wēt un di ūnshidung, hin il shouon.

12Waigien tlistleuon adshi odō il kwūlthilth-gīgandlu, Mary gia nai un il kātlagan, John, Mark hin ishin kiāgan, ou ū ijan; ā tl kwon gūdā ijan gien, singlthgang tl gūshouon.

13Waigien tlistleuon k'eu-e il shkusdagaiandlu, nung dsada, Rhoda hin kiāgan, k'eu-e ā kāgan.

14Waigien tlistleuon Peter kil il shkot-andlu, il gudungai las t'ist gum k'eu-e wau sta il da-ostlā-ang-an; hing-an il odsaian gien, Peter kiā giāans unsta il shouon.

15Dung kōnung-galāgung, waigien hin la tl shudai-an. Waik'ianan yenki edung, kwūnan il shouon. Lagia angel-gai ū ijung, waigien hin tl shouon.

16Waigien Peter hawun k'eu-e shkusda-gagang-an; waigien tlistleuon wau sta tl da-ostlaiandlu, la tl kāng-an gien, tl k'uldung-āgan.

17Waigien tl gūshuē sta stlang alth tla il stidaian, wagien tliku Shalana k'ēchit-nagai sta kiā ga il isda-tljou-on tla ga il shudaian. James ga isgien, tou-alung ga ishin lth althjī shudūū, waigien hin il shouon. Waigien sta il kaidan gien, tliga āda ā il kaidan.

18Waigien itan shantlan-gundān, tliku Peter edan edē soldiers haadgai gudung-ai lthkwīd-euon-an.

19Waigien tlistleuon Herod la da dī-indaiandlu, gum la il kē-ang-andlu, duman ga kensīgai alth il kiānang-an, waigien la tla il tl'-dāalthāwon. Waigien Judæa sta Cæsarea ilnagai ā il istalan gien, gu il nāgan.

20Waigien Tyre haade isgien, Sidon haade ishin un il kālthi-yilthda-euon-an; waigien gudung-ai swonshung alth la un tl istlagan, waigien Blastus nung king-gas gītsada tl toudēilan, waigien gudung-ai lā alth tl ginang-an, nung king-gas gia tligai sta gin wautliwon tl isdagang-an altha.

21Waigien sing-ai waudlu ēlthū-lthai-andlu, gin giandalthing-ē lādsilthī ai Herod isdsaian gien, aulthgahung-ū las ing-gu il k'ou-on gien, tla ā il gushouon.

22Shanung-itlagadas kil ū ijung; waigien gum nung haada kil isang-gung, waigien hin kwūnan tl haada shouon.

23Waigien hawīdan Shalana gia angelgai il shkwūdaian, gum Shanung-itlagadas un il yāgudungang-an altha; waigien s'āā il lthu tāgan gien, il k'otalan.

24Shanung-itlagadas gia gialthing-e tlou īnastlaian gien, kwon-ēlan.

25Waigien tlistleuon Barnabas isgien, Saul ishin lthong-gwiliē ung-a il ēlthgīdāwondlu, Jerusalem sta silthgang il istla-āwon, waigien John, Mark hin ishin nung kiā, k'otdung il isdā-awon.

Currently Selected:

Apostles-Gasgai 12: HAIDA

Highlight

Copy