ᑎᐱᑦ ᐅᓂᑭᒧᐅᓇ 5
5
Psalm 5.1-8 (Proper-6 Year C)
1ᓂᑐᑕ ᓂᑦ ᐃᔨᒧᐅᓇ, ᐅ ᑎᐸᔨᒋᒐᓱᐤ,
ᐱᔅᒐᔨᑕ ᓂ ᒥᑐᓇᔨᒋᑭᓐ᙮
2ᓂᑐᑕ ᐊ ᐃᔅᒋᔄᒥᑲᒡ ᓂᑕᑈᐅᓐ, ᓂᒋᓴᐅᒋᒪᒻ, ᑭᔭ ᓂᒋᓴᒪᓂᑐᒻ:
ᐛᔅ ᒋᔾ ᒋᑭ ᐊᔭᒥᐊᔅᑕᑎᓐ᙮
3ᓂᐸᑕᑯᓯᐅᓐ ᒋᑭ ᐸᑕᓐ ᒋᔭᒋᓴᐸᔭᒋ, ᐅ ᑎᐸᔨᒋᒐᓱᐤ;
ᒋᔭᒋᓴᐸᔭᒋ ᒋᑭ ᐊᔭᒥᐊᔅᑕᑎᓐ, ᑭᔭ ᓂᑭ ᑎᔅᑎᓴᐱᓐ᙮
4ᐛᔅ ᓇᒪᐎᔾ ᒋᑦ ᐊᐎᓐ ᒋᓴᒪᓂᑐᐤ ᑲ ᒥᔽᔨᑕᐧᒃ ᒥᒋᑐᑎᒧᐅᓂᔪᐤ;
ᓇᒪ ᑭᔭ ᒋᑭ ᐎᒋᒥᑯᓐ ᒥᒋᐃᑐᐅᓐ᙮
5ᒋᔎᐧᑲᓐᒡ ᓇᒪᐎᔾ ᒋᑭ ᐅᑎᔅᑯᑲᐳᔅᑕᑯᒡ:
ᒋ ᐛᐧᑲᑕᐅᒡ ᒥᓯᐛ ᑲ ᒥᒐᑎᓯᒡ᙮
6ᒋᑭ ᓂᓱᐅᓇᒋᐊᐅᒡ ᐊᓐᒡ ᑲ ᑭᑭᒋᔭᒡ:
ᑎᐸᔨᒋᒐᓱᐤ ᒋᑭ ᐛᐧᑲᑕᐤ ᑲ ᐎᒋ ᐎᔭᓯᒐᒧᔨᒋ ᑭᔭ ᑲᔅᑎᒪᔪᐛᔨᒋ ᐃᔪᐛ᙮
7ᒪᒃ ᓂᔾ ᓂᑭ ᐸᒋ ᐱᒐᓐ ᒋᒋᒡ ᐊ ᐃᓯ ᒪᒥᒐᒋ ᒋᓱᐛᔨᒋᒐᐅᓇ;
ᑭᔭ ᐊ ᓇᓂᒋᔅᑕᑕᓐ ᓂᑭ ᐊᔭᒥᐊᔅᑎᒪᒐᓐ ᒋ ᐸᔭᒋ ᐊᔭᒥᐊᐅᒋᐛᐱᒡ᙮
8ᐱᒧᑕᐃ, ᐅ ᑎᐸᔨᒋᒐᓱᐤ, ᒋᑯᐃᔅᑯᑕᑎᓯᐅᓂᒡ ᐊᓐᒡ ᑲ ᐛᐧᑲᓯᒡ ᐅᒡ;
ᓂᑲᓐ ᑯᐃᔅᑯᒧᑐᐎ ᒋ ᒪᔅᑭᓇᒻ᙮
9ᐛᔅ ᓇᒪ ᑎᒂᓂᔪᐤ ᑯᐃᔅᑯᑐᐅᓂᔪᐤ ᐅᑐᓄᐛᒡ;
ᐅᐱᒋᔭᐛᐛ ᓇᔅᒡ ᒥᒐᑎᓯᒪᑭᓂᔪᐤ;
ᐅᑯᑕᑭᓄᐛᐛ ᑲ ᔪᑕᑯᑕᔨᒡ ᒋᐱᐃᒋᐛᐱᔪᐤ;
ᑲ ᒥᒐᒋᒧᐊᓯᒡ ᐅᑕᔨᐛᐛ ᐅᒡ᙮
10ᓂᓱᐅᓇᒋᐃᒡ, ᐅ ᒋᓴᒪᓂᑐᐤ;
ᐊᑯᔅ ᒋᑭ ᐸᒋᓯᒥᑯᐅᒡ ᑎᐱᔪᐛ ᐅᑭᒐᔅᒋᒧᐛᐅᓄᐛᐤ;
ᐎᔪᐛᐱᓂᒡ ᐊ ᒪᒥᒐᓂᔨᒋ ᐅᐛᓂᑐᑎᒧᐅᓄᐛᐛ;
ᐛᔅ ᔅᒋ ᐃᔨᐛᔨᒧᔅᑕᑯᒡ᙮
11ᒪᒃ ᐊᑯᔅ ᒥᓯᐛ ᐊᓐᒡ ᑲ ᒪᒥᓯᑐᑕᔅᒡ ᒋᑭ ᒥᔽᔨᑎᒧᒡ:
ᐊᑯᔅ ᑲᒋᒡ ᒋᑭ ᒋᔄᐛᑕᑈᐅᒡ ᐊ ᐃᔅᐱᔅ ᓯᒋᔭᓯᒡ;
ᐊᑯᔅ ᒥᓯᐛ ᐊᓐᒡ ᑭᔭ ᑲ ᓴᒋᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ᒥᔽᑎᒧᒡ ᒋᔾ ᐅᒡ᙮
12ᐛᔅ ᒋᔾ, ᑎᐸᔨᒋᒐᓱᐤ, ᒋᑭ ᒥᔽᒋᒪᐅᒡ ᐅᑯᐃᔅᑯᑕᑎᓯᐅᒡ;
ᑭᔭ ᒋᓴᐛᑎᓯᐅᓂᔪᐤ ᒋᑭ ᐛᔅᑲᔅᑲᒧᑎᔭᐅᒡ ᒧᔭᒻ ᐊᑯᓇᐅᓱᐛᑭᓐ ᐅᒋ᙮
Currently Selected:
ᑎᐱᑦ ᐅᓂᑭᒧᐅᓇ 5: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
