ᑎᐱᑦ ᐅᓂᑭᒧᐅᓇ 4
4
Psalm 4 (Easter-3 Year B)
1ᓂᑐᑐᐎ ᐃᔅᐱ ᑎᔭᑈᔭᓂ, ᐅ ᒋᓴᒪᓂᑐᐤ ᐊᓐᑕ ᐛᒋᐱᔨᒡ ᓂᑯᐃᔅᑯᑕᑎᓯᐅᓐ:
ᔅᒋ ᒋᔅᑎᒪᒐᔨᒥᓐ ᒪᒂᒡ ᑲ ᐊᔨᒥᓯᐛᐱᓇ, ᒋᔅᑎᒪᒐᔨᒥ, ᓂᑐᑕ ᑭᔭ ᓂᑦ ᐊᔭᒥᐊᐅᓐ᙮
2ᐅ ᒋᔨᐛᐤ ᐃᔪᐤ ᐅᑯᓯᓴᓂᑐᒄ, ᑕᓐ ᒐ ᐃᔅᐱᔅ ᐊᔅᒄ ᒐ ᐅᐛᓇᒋᑕᔭᒄ ᓂᒋᔅᑕᔨᑕᑯᓱᐅᓐ ?
ᑕᓐ ᒐ ᐃᔅᐱᔅ ᐊᔅᒄ ᓴᒋᑕᔭᒄ ᓂᑐᐎᔾ ᒐᒂᓇ, ᑭᔭ ᒐ ᓇᓂᑐᐛᔨᑎᒪᒃ ᑭᑭᒋᔭᐅᓐ ?
3ᒋᔅᒐᔨᑎᒧᒄ ᒪᒃ ᑎᐸᔨᒋᒐᓱᐤ ᐊᒋ ᐸᐧᑲᓂᑎᒪᓱᑦ ᐊᓂᔭ ᑲ ᑯᐃᔅᑯᑕᑎᓯᔨᒋ:
ᑎᐸᔨᒋᒐᓱᐤ ᒋᑭ ᓂᑐᑎᒻ ᓇᓂᑐᒥᒂ᙮
4ᓂᐳᐅᒄ ᑯᔅᐸᓇᔨᑎᒧᐅᓂᒡ, ᐊᑲ ᒪᒃ ᒥᒋᑐᑎᒧᒄ:
ᐃᔨᒥᑕᒄ ᒋᑕᐃᐛᐛ ᒋᓂᐸᐅᓄᐛᒡ, ᒋᔭᒪᐅᓯᒄ ᒪᒃ᙮
5ᐱᔅᑎᓂᒐᒄ ᑯᐃᔅᑯᑕᑎᓱᐎ ᐱᔅᑎᓂᒐᐅᓇ,
ᑕᑈᐅᒐᔨᒪᐧᒄ ᒪᒃ ᑎᐸᔨᒋᒐᓱᐤ᙮
6ᒥᒐᑦ ᐃᔅᒋᔄᐅᒡ, “ᐊᐛᓐ ᒐ ᐛᐸᑎᔨᑕᐧᒄ ᒐᒂᔪᐤ ᐊ ᒥᔽᓯᔨᒡ ?”
ᑎᐸᔨᒋᒐᓱᐤ ᐃᔅᐸᔅᑕᓇᒧᐅᓇᓐ ᐛᔅᑕᐅᓐ ᒋᑕᔅᑎᒥᐧᑯᒡ ᑲ ᐅᒋᐱᔨᒡ᙮
7ᐅᔅᑕ ᔅᒋ ᐃᑎᔅᑕᓐ ᓯᒋᔭᓯᐅᓐ ᓂᑕᐃᒡ,
ᐃᔅᐱᔅ ᐅᒪᑕᒥᓂᒧᐛᐤ ᑭᔭ ᐅᓱᒥᓇᐳᒧᐛᐤ ᑲ ᐊᔪᐛᒋᐱᔨᒡ᙮
8ᓂᑭ ᓇᐃᓯᓐ ᑭᔭ ᓂᑭ ᓂᐸᓐ ᒋᔭᒪᔨᑎᒧᐅᓂᒡ;
ᐛᔅ ᒋᔾ ᒥᒄ, ᑎᐸᔨᒋᒐᓱᐤ, ᑲ ᑐᑐᐎᔨᓐ ᒐᒋ ᒋᔭᒪᐤ ᐱᒪᑎᓯᔭᓐ᙮
Currently Selected:
ᑎᐱᑦ ᐅᓂᑭᒧᐅᓇ 4: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
