CELTUIH AWLROEKNA
AWLROEKNA
Celtuih hue kah biibina cabu he tah Luka lawng a thut Awlthang Theen te congna ni. He cabu lawng a mengtengna tah Jesuh kah hubang thli lawng Ciim Muithla kah mawtna oen Jesuh kawng Awlthang Theen te Jerusalem, Judia peng oen Samaria oen ah dilai pumpui ah a thuina akawng alam ni. (1.8). He cabu dawngah, khrihca thli kah biibina he Judah thlaangphun teng kalawng ah a tong tih dilai pum kah oengna pakhat la a awm he a thui. Cathutkung lawng ming sak ham a ngaih tah Khrihca thli he Rom ukna te aka thek yak thlaang thli nawh tih Khrihca thli kah oengna tah Judah bokna te aka soep sak ni tila a thui.
Celtuih biibina cabu dawngah he Jesuh kawng Awlthang Theen a thui u tih apuung adawngna ahuen amawl oen khrihcabu a paisakna kawng alam he thloep thum la pek thai koei la awm: (1) Jesuh vaan la a luui coengah khrihca phung he Jerusalem ah atongna kawng, (2) Palestin ahuen tloe tloe ah khrihca a puungna kawng, (3) Meditarenian Tuitunlii tengvaai kah ram boeih oen Rom khawpui toe a phana kawng ni.
Celtuih hue kah biibina cabu khuiah Jerusalem khawpui Pentikos khawhin ah oengca thli sawah Ciim Muithla law tih Khrihcabu oen mawtkung thli tha a peek tih lawngpui a thuinuet te awlpui pakhat la awm. Lamhacuek khrihca thli kah a thui awlthang oen thaihu sai thli te he kah cabu dawngah a thut tih, he awlthang kah tharana lawng oengca thli oen khrihcabu pawlneengna ah bii a bi te a tueng sak.
Akhuiah aka Awm Awl
Jesuh kawng Awlthang Theen thui ham rueng-aphongna 1:1-26
(a) Jesuh kah hukhueng awlpeek oen awlkam 1:1-14
(b) Judas kah bii aka thoeikung 1:15-26
Jerusalem ah awlthang theen thuina 2:1-8:3
Judia oen Samaria ah awlthang theen thuina 8:4-12:25
Pawl kah biibina 13:1-28:31
(a) Lamhacuek awlthang theen thui la a cehna 13:1-14:28
(b) Jerusalem Tunpui 15:1-35
(c) Voeihihna awlthang theen thui la a cehna 15:36-18:22
(d) Voeithumna awlthang theen thui la a cehna 18:23-21:16
(e) Jerusalem, Sisaria oen Rom khawpui ah Pawl kah thongtlaakna 21:17-28:31
Currently Selected:
CELTUIH AWLROEKNA: MCNT2006
Highlight
Share
Copy
Want to have your highlights saved across all your devices? Sign up or sign in
Matu Chin New Testament © Bible Society of Myanmar, 2006.