ZEKHARIAH 6
6
Cipuh Leng Pa Li Muhnak
1Muhnak a dang pa khat neileh ing a, mual pa nih laklawh pen cipuh leng pa li a tul lih haw cu mu ing. Mah mual pa nih cu daal mual hi haw hi. 2A pa khatnak cipuhleng cu cipuh sanin kai in, a pa nihnak cu cipuh hangin kai hi.#Mang 6:4, 5; 3A pa thumnak cu cipuh ngoin, kai in, a pa linak cu cipuh canin kai hi.#Mang 6:2; 4vancungmi cu, “Topa, i cipuh leng tei sullam cu i hum?” tin dong ing.
5Amah in, “Hite cu huih pa lite hi. Lei hum buppi i Topa i nel pen atu naino in, a hungmi haw hi,” ti hi.#Mang 7:1;
6Cipuh hang i kaihmi cipuhleng cu saklamah hawhin, cipuh ngo i kaihmi cu nitumnak lamah hawh a, cipuh can i kaihmi cu hanglamah hawh hi. 7Cipuhte a tul haw ten leihum buppi a zoh haw tuk cu ngakhelzet haw hi. Vancungmi in, “Hawh unna, leipi cu zo un!” tin a tihnak bangin zo haw hi. 8vancungmi in, “Saklam ngam a hawhtu cipuhin Topa i thinuknak daitik zo hi, tin au hi.”
Joshua Sui Lukhuh Khutik
9 Topa i awnkam cu ka nelah hi bangin heng hi. 10Topa in, “Saltannak pen a kik lehmi Heldai, Tobijah le Jedaiah tei laksawng cu la inna, Zefeniah capa Josiah i innah manlangzet hawhin hi. 11Amuh tei laksawng piakmi sui le ngun tuah sui lukhuh bawl inna, Jehozadak capa Thiampi Sang Joshua khutikin hi. 12Ama nelah, Cungnungbel Topa in, ‘Thingkak tin sammi cu atu-in, a umnak mun pen khangto tuk a, Topa i biakinn cu amah in saleh tuk hi.#Jer 23:5; 33:15; Zek 3:8; 13Biakinn a saklehtu cu amah hi tuk a, kumpi zahin minthannak co in, mihingte cu amah in uk tuk hi. Thiampi pa khat cu a bawi khunnak elah ding tuk a, lemdaihnak le luallemnak tuah munkhatin, nadek langkhat haw tuk tin hilhin hi.’ 14Mah sui lukhuh cu Topa i biakinn sungah um tuk a, Heldai, Tobijah, Jedaiah le Josiah tei theih lelengnak tuk hi.”
15 Topa i Biakinn cu sak bawm tukin ngam khawlapi a ummite vang hung haw tuk hi. Mahtibang a sak haw ten Cungnungbel Topa in, nangmu nelah keimah a hahlam cu thei tuk uh ci. Na Topa, Pathian i thupiakmi na zui kim uh tale, a humlam a thu hempoh cu kim khawng tuk hi.
Currently Selected:
ZEKHARIAH 6: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
