JONAH 4
4
Jonah Thinuknak le Pathian Hehpihnak
1Jonah cu a lungkim viang ngawlin a thinukzet hi. 2Topa nelah thungenin: “Topa aw, ka ngam sungah ka umlaih pepan hiti bang tukin ti hamsa mang maw! Hi hangin hi ven Tarshish khua ah ka tainak cu! Mi hehpih thei le mi it thei Pathian, thinsau mi le a kho mi itnak neitu Pathian, mi na siatsuah nuam hei in, a sikleh lelem theitu Pathian na hihnak cu thei zo ing.#Suah 34:6; 3Topa aw, nun sangin thi nuam saw ing, ka nunnak la in,” ti hi.#1Kum 19:4;
4 Topa in, “Na thinuk cu mawh mang tin ngaisung cim maw?”
5Jonah cu khuapi i nisuahnak lamah hawhin, ama ca in, deupheng sa a, Nineveh khua humah a heng tukmi zo nuamin, deupheng limah khung hi.
6 Topa Pathian in, umngui potikin, Jonah limtu tukin le a um nop deuhnak tukin a humah zamtik hi. Jonah cu umngui hangin a lungdamzet hi. 7Mahnaven a zing vaktungin, Pathian in umngui cu pulung eitikin, thiim khawng hi. 8Ni a suah ten Pathian in nisuahnak lam pen huisa theutik hi. Mah nisa in, Jonah lucang a kahsuk hangin Jonah cu a lungmit hi. Jonah in, “Nun sangin thi nuam saw ing,” tin kun hi.
9Mahnaven Pathian in Jonah nelah, “Umngui hangin, thinuk theihnak tukin i thunei nge cim?” tin dong hi.
Jonah in, “Nei leita, thi tukvo in thinuk ing,” ti hi.
10 Topa in, “Zan khat thu in po a, a thiimleh theimi, na phut ngawlmi le na cin ngawlmi, umngui humah hehpihnak nei ci. 11Mahtibang ahi tale hi Nineveh khuapi sung a, vei le tak a khenkhuai thei laih ngawlmi naupang thawng za khat le thawng sawm nih umnak le ngamsa sialcelh ngawl umnak khua cu hehpih ngawlin maw ka um tuk!” ti hi.
Currently Selected:
JONAH 4: NBF1
Highlight
Share
Copy
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
